Maagang pumasok si Monique sa CK Club sa araw na iyon, may dala siyang maliit na paper bag na halatang may laman. Naglakad siya nang magaan papasok sa building, naka-pink dress na may floral print, at naka-bun ang buhok. Para siyang araw na nagbibigay liwanag sa madilim na gusali. Halos lahat ng players ay napalingon sa kanya at napangiti.
“Good morning, Sister-in-Law!” bati ng isa sa mga players habang nag-aayos ng kanilang gaming setup.
"Good morning, boys!" Masiglang sagot ni Monique, kumakaway pa sa kanila.
Habang papunta siya sa opisina ni Julian, nasilip niya itong abala sa harap ng computer screen. As usual, seryoso at tahimik ang boss. Nagpakawala ng malalim na hinga si Monique at pumasok na parang walang kaba.
"Hi, Julian!" masiglang bati niya. Agad siyang nilingon ni Julian n
