LAUREN'S POVS
Matapos ang gabing iyon, nag-isip na ako kung paano ko sasabihin kay mama na plano na namin magsama ni Fizz. Hindi iyon madali dahil kakatapos ko lang sa failed relationship.
"Magsasama na kayo ni Fizz?" Tumango tango ako sa tanong ni Celes. Nabanggit ko sa kanya ang nais namin ni Fizz na pagsasama. "Kaya mo na ba? I mean, papasok ka na naman sa bahay bahayan na set up."
Napabuntong hininga ako. Alam kong lahat sila ay inaalala ako na baka hindi na naman magwork ang relasyon ko sa oras na magkasama na kami sa iisang bubong. Sa katunayan, inaalala ko din iyon, nakakatakot pero pakiramdam ko naman ay hindi na ito magiging katulad ng sa amin ni Jade Joshua.
"Magkaiba naman sila baks, hindi naman na siguro mauulit iyong nangyari sa amin ni Joshua noon," tugon ko, tumango tang
