PAGKATAPOS nilang kumain ay nagyaya si Ate Denisse na uminom. Pumayag sila, maliban kina Ate Victoria at Ate Danielle na may anak. At si Ate Camilla naman ay dalawang buwan na buntis. At dahil ayaw maging KJ ni Alyssa ay pumayag din siya at ngayon ay nasa garden sila, kasama sina Ate Denisse, Amarah at Bria.
At nakakaisang bote pa lang siya ng alak nang medyo umiikot na ang paningin niya. "Here, Audrey," abot sa kanya ni Ate Denisse ng isa pang bote nang makita nitong wala nang laman ang bote na hawak niya.
"Kamusta na kayong dalawa ni Franco, Audrey?" tanong ni Ate Denisse sa kanya mayamaya. "Okay na ba kayo?" dagdag pa na tanong nito sa kanya.
Ngumuso naman si Alyssa sa naging tanong sa kanya ni Ate Denisse. Hindi niya alam kung matatawag na okay silang dalawa ni Franco.
"May LQ k
