NANLALAKI pa din ang mga mata ni Alyssa nang mariin siyang hinalikan ni Franco sa labi. Naramdaman nga din niya ang mahinang pagkagat nito sa labi niya bago sensual na gumalaw ang labi nito.
At kung kailan ipipikit na ni Alyssa ang mga mata para sana namnamin ang paghalik nito nang pakawalan naman ni Franco ang labi niya. At nang tumitig siya dito ay kitang-kita niya ang pagnanasa na nakabalatay sa mga mata nito habang nakatitig ito sa kanya.
At mayamaya ay napansin niya ang pagbaba ng tingin nito sa hawak niyang cup na may lamang kape. Mabuti na nga lang at hindi niya iyon nahulog noong bigla siyang hinalikan ni Franco. At napansin niya na nayupi iyon sa pagkakahawak niya.
Hinawakan naman ni Franco iyon. Inakala ni Alyssa na kukunin nito iyon sa kamay niya para inumin pero nagkamali
