"GOOD morning, Sir Franco," bati ni Anton sa kanya nang tumayo ito mula sa pagkakaupo nito sa upuan nang makita siyang paparating.
Pero sa halip na batiin niya pabalik ang secretary niya ay nagpatuloy siya sa paglalakad hanggang sa makapasok siya sa loob ng opisina niya. Hindi naman niya isinara ang pinto dahil alam niyang papasok sa loob si Anton para sabihin sa kanya ang schedule niya ngayong araw.
Inalis naman ni Franco ang suot niyang itim na coat at saka niya iyon isinabit sa coat rack. Pagkatapos niyon ay umupo na siya sa kanyang swivel chair.
Itinuon naman niya ang tingin kay Anton nang makita niya ang pagpasok nito sa loob ng opisina.
"What is my schedule today, Anton?" tanong niya dito sa malamig na boses.
Napansin naman niyang ang pagbaba ng tingin ni Anton sa hawak nito
