HINAPLOS ni Luke ang mukha niya bago siya nito inakay. “Come. May sorpresa ako sa iyo.”
Tinawid nila ang komedor. Dalawang pinto ang nilagpasan nila bago nito binuksan ang kasunod. Ang tumambad sa kanya ay isang nursery.
Mapusyaw na dilaw ang pintura niyon. Malaki ang bintana na napoprotektahan ng aluminum screen. At bukod sa ceiling fan ay mayroon ding nakakabit na aircon. The flooring was covered with square mats na may alphabet.
Ang shelf sa isang wall panel ay naglalaman ng mga stuffed toy na unisex. Mayroon ding over-sized crib. The wicker chair was at one corner. Katerno iyon ng crib na nababarnisan. The wind chime was composed of little ducks na gumagawa ngayon ng matinis na ingay dahil nilalaro ng hangin.
Kaginhawang sa sanggol at sa mag-aalaga ang ipinapangako ng
