Bumuntong-hininga ang kanyang ina at tumango. “Ipinaglaban ako ng papa mo sa lolo mo. Lalo na at buntis ako sa `yo noon. Handa pa nga siyang talikuran ang mamanahin niya. Dahil ma-pride din ang lolo mo, itinakwil niya ang papa mo. Sa loob ng mahigit isang taon, hindi kami ginulo ng lolo mo. Kahit paano ay masaya kami, lalo na nang maipanganak kita. Pero nang malaman ng lolo mo na lalaki ang anak namin, bumalik na naman siya sa buhay namin. Ginawa niya ang lahat at inipit ang papa mo hanggang sa wala na siyang mapagpipilian kundi ang bumalik sa kompanya. Gusto ka ng lolo mo, pero ayaw niya sa akin kaya gusto niyang layuan ko ang papa mo. Lalo na at nagawan ng paraan ng lolo mo na mapalabas sa legal na dokumento na kasal na ang ama mo sa naging madrasta mo. Wala akong choice kundi ang umalis
