HALOS ISANG LINGGO ring pinag-isipan ng magkakapatid na sina Prince at Angelo ang suhestyun ng kanilang bunsong kapatid na si Aries. Naikuwento rin ng mga ito sa kani-kanilang mga asawa.
"Hindi naman masama ang suhestyun ni Aries, mahal. Makakapagpahinga pa tayo at matututukan pa natin si Quennie at ang masusundan pa niyang hiling nitong magkaroon ng kapatid. Hindi ba?" sumasang-ayon na sabi ni Charie nang maikuwento ni Prince sa kaniya ang sinabi ni Aries.
"Maaari naman, mahal at kung papayag ka rin naman, I can still manage to do some stints or modelling while in there, right? Gaya nga ng sinabi mo, magkakaroon talaga tayo ng maraming oras sa ating anak at sa darating na isa pa nating anak kapag ibinigay sa atin ng Diyos," pagbibigay naman ng komento ni Prince.
Tumango-tango naman s
