Unsolved love effect

Apat na taon na pala ang nakalipas mula ng maghiwalay kami ni mattheus, hanggang ngayon hindi ko pa rin nasasabi sa kanya ang dahilan ko kung bakit ako nakipag hiwalay sa kanya at ngayon nagsisisi ako kung bakit ko nga ba nagawa ang mga nagawa ko. Napakabuti niyang tao, maalaga siya at pasensyoso rin pero sinayang ko lang siya at heto ako ngayon nagpakalayo layo para lang matupad ang pangarap ko na maging jewelry designer. Kasama ko ngayon ang aking kaibigan at siya ang katulong ko sa pagpapalago ng aking munting negosyo at tagapagpayo ko sa tuwing nag rerelapse ako sa nakaraan ko kay mattheus. “Maxine ano ka ba patawarin mo na ang sarili mo, alam mo di ka man siguro maintindihan ni Mattheus kung bakit mo siya iniwan pero pano niya malalaman kung di kayo maguusap diba?” sabi ni brielle. “hindi pa ako handa brielle, nasasaktan pa rin ako sa nagawa ko sa kanya, at siyempre nasasaktan ako dahil mahal ko pa rin siya.” Sabi ko. “alam mo dapat move on ka na kasi ikaw naman ang pumili sa kalagayan mo ngayon. Ang maipapayo ko lang sayo friend, magusap kayo at ipaliwanag mo sa kanya ang dahilan mo, kung baga closure para na rin mawala yang bigat na nararamdaman mo ngayon.” Saad ni brielle “madaling sabihin Bri pero parang ang hirap gawin” saad ko “Paano mo malalaman kung di mo susubukan diba saka alam mo baka yan pa yung way para maka move on ka na rin at mapatawad ka niya, mapatawad mo yung sarili mo diba?” tanong sa akin ni brielle. Napagisipisp ko na tama si brielle baka nga yun yung way pero paano ko gagawin yon kung nasa ibang bansa si Mattheus. Habang tinatanong ko ang sarili ko at nag iisip ng way kung paano kami mag -uusap ay naimagine ko naman at nasabi ko sa isip ko na baka ngayon ay masabi ko sa kaniya ang reasons ko at pag nagkataon baka meron pang chance para sa aming dalawa. Alam kong malabo mang mangyari pero tulad ng sinabi ni brielle paano ko malalaman kung hindi ko susubukan kaya napag dedisyonan ko na uuwi ako sa amin. Pagkauwi namin ni brielle ay tuwang tuwa naman ang iba naming kaibigan dahil ang tagal daw naming nawala at miss na miss na namin ang isa’t-isa. Lima kaming magkakaibigan ako, si brielle, si joan, si theo, saka si Anthony. At dahil miss na miss namin ang isa’t-isa ay nagpunta kami sa bar kung saan kami madalas dati, nagkwentuhan at nag iinoman lang kami para na rin updated kami sa mga ganap namin sa buhay. Habang nagkwekwentuhan ay may nasabi si theo na hindi ko inaasahan. “alam niyo bang ikakasal na si Mattheus?” tanong ni theo “Ha? Kanino naman saka kelan?” tanong ni Anthony “Ang balita ko kasi ikakasal siya kay jasmine, pinsan ni brix yung kaklase natin nung high school” sagot naman ni theo “Ok ka lang ba Maxine?” tanong sa akin ni joan “ano ka ba ok lang ako saka matagal naman na yung sa amin ni mattheus eh kaya ok lang ako” sabi ko naman sa kanila para hindi na sila mag-alala sa akin kahit na ang totoo ay hindi talaga dahil nagulat ako sa balita na yon. Hanggang sa naiba na ang topic ng kwentuhan pero ako ito pa rin tulala sa kung ano man ang nalaman ko. “ikakasal na siya sa iba? Huli na ba talaga ako? Hindi na ba talaga pwede?” tanong ko sa isip ko Hanggang sa hindi ko na namalayan na napaparami na pala ang nainom ko. Halos alas dos na ng matapos kaming uminom hinatid naman ako ni theo sa amin at nagpasalamat si mama sa kanya sa paghatid sa akin at pag dala sa kwarto ko.