Alas sais-kuwarenta ng umaga. Dala ng babae ang tray na naglalaman ng breakfast na corned beef hash, scrambled egg, fried rice, juice at coffee. Sa tabi, may saging at pineapple chunks na nasa tasa. Sinamahan pa ng babae ng tatlong piraso ng Hershey's Kisses na binili niya ng sarili. Isa sa mga staff ni Bishop Israel, ang 20-something na girl ay naatasan ng obispo na taga-prepare ng pagkain ni Father Markus.
Excited siya paglabas niya ng courtyard galing sa kusina. Nakasalubong niya ang isang lalaking staff.
"Good morning, Susie," sabi ng lalaki. "Ngiti naman diyan."
Ngumiti ang babae.
"Good morning!"
Nagkakape na'ng mga guwardiya sa entrance ng tunnel at nang makita ang babae ay mabilis na nagsipaghusto ng mga tindig. Stomach in, chest out. Sinalubong nila ang girl ng kanilang pinaka
