"Ah, this is the life," muni ni Mayor Arteza habang sumandal sa upuan at nilagay ang mga kamay sa likod ng kanyang ulo at nilanghap ang sariwang hangin. Ang kanyang tanawin ay ang mabituing kalangitan.
Pasado alas-9:00 ng gabi at nasa itaas na deck sila ng yate ni Tulsa na naka-anchor sa pier ng marina. Matapos maghapunan sa restaurant ng seaside hotel ay nagtungo sila rito para magpahinga at uminom ng red wine. Tahimik ang kapaligiran, patay na'ng ilaw ng karamihan ng mga yate at maririnig ang banayad na palo ng alon sa gilid ng mga bangka. Dahil dito, inaantok tuloy si Father Deng.
"Et es very relaxing," sabi ng pari, pumupungay ang mga mata.
Kanya-kanya sila ng sandal sa upuan hawak ang wine glass.
"So, how did you two meet?" tanong ni Jules kina Mayor at Tulsa.
Ayon kay Mayor, nag
