Hindi ko alam kung paanong nangyaring paharap akong nakasalampak ngayon sa kandungan ni Sir Coco at nakakapit pa talaga ako sa kanyang batok.
Ang mas malala ay nakayapos sa katawan ko ang matipuno niyang mga braso. Romantiko sanang tingnan kung hindi lang ako isang lalaki sa paningin ng lahat!
Bigla akong nanlamig at kumabog ang puso dahil sa kaba nang mapansin ko ang bahagyang pagdidilim ng asul na mga mata ni Sir Coco. Tila kinokonsidera niya na akong ibigay sa mga humahabol sa'min dahil dito sa kalapastanganang ginawa ko.
Kasunod niyon ay sabay-sabay na nagsitunugan lahat ng mga warning bells ko sa isip nang maramdaman ang bahagyang paghigpit nang pagkakayapos sa'kin ni Sir Coco. Sa laki ng katawan niya kumpara sa'kin ay kayang-kaya niya akong pigain gamit ang kanyang braso niya
