"Nandiyan ang shipment files at mga ebidensyang nagtuturo sa mga involve na tao sa likod nang pagkawala nito."
Nabalik ako sa kasalukuyan nang marinig ang pahayag ni Sir Coco. Sa pagkakataong ito ay hawak na ni Sir Mhilo iyong case.
"Paano mo na nakuha 'to?" kunot-noong tanong ni Sir Mhilo sa kapatid. "Akala ko ba ay tuluyan nang nawala kahit anong may kinalaman roon sa shipment."
Pahinamad na umikot sa sariling mesa si Sir Mhilo at bumalik sa pagkakaupo bago binuksan ang case. Sobrang bilis lang nitong ginawa iyon gayong nahihirapan nga akong hanapin ang bukasan niyon kanina.
"Iyan din ang akala nila," makahulugang sagot ni Sir Coco. "Maswerte lang tayo at may traydor sa panig nila at s'yang nag-secure ng mga kakailanganin natin... para sa tamang presyo. And that makes him our ass
