Dahil mainit pa ang lahat nagpasya si Cedric na magpalamig muna. Bibigyan niya muna nang sapat na oras si Thea para iproseso ang mga bagay-bagay. Alam niyang hindi ganoon kadaling kumbinsihin si Thea pero hindi siya susuko hanggang sa mapatawad siya nito.
Ibinuhos ni Cedric ang oras niya sa trabaho. Halos gabi na siya kung umuwi. Hindi lang iilang beses niyang tinangkang katukin si Thea pero napanghihinaan siya ng loob. Alam niya kasing galit pa ito sa kanya. Ilang beses niya ring tinangkang mag-message pero sa huli ay binubura niya rin ito. Araw-araw niya itong pinadadalhan ng bulaklak sa opisina nito. Kahit man lang sa ganoon makabawi siya sa atraso niya. Kahit alam niyang wala siyang kasalanan. Kahit wala siyang intensiyong lokohin ito. Nasaksihan pa rin nito ang ginawa ni Glenda. K
