“Babe, bilisan mo naghihintay na ang mga kaibigan mo sa labas!” ani Cedric nang katokin si Thea sa banyo. Iyon ang unang beses na makakasalamuha niya ang mga kaibigan ni Thea kaya excited siya. Sinama niya rin ang bestfriend niyang si Zoren na noo’y ipinakilala niya kay Thea. Bumalik sila sa Bataan kung saan naudlot ang masayang bonding ng magkakaibigan. Doon personal niyang nakilala ang iba pang kaibigan ni Thea. Masaya at magaan kausap ang mga ito kaya hindi naman siya nahirapang makisama. Pakiramdam niya nga matagal na rin niyang kakilala ang mga ito. Lalo na ang kenkoy na si Popoy na may hawig sa komedyanteng si Empoy. May patapik-tapik pa ito sa kanya habang nagpapatawa.
Nang gabing iyon, magdamag silang nag-inuman hanggang sa isa-isa na itong bumulagta at makatulog.
“Pards, maun
