Natawa ang binata. Ikinulong nito ang magkabilang pisngi niya sa mga palad nito atsaka siya nito tinitigan. Unti-unti nitong ibinaba ang mukha sa kanya atsaka siya kinintalan ng halik sa labi. “Because I want you to think of me,” anito nang bumitaw sa kanya. Hindi naman nakagalaw si Thea na noo’y tila natulala na.
“Mag-iingat ka rito! Text mo ko kapag nakauwi ka na,” anito sabay pisil sa baba niya.
Nakaalis na si Cedric pero hindi pa rin gumagalaw ang dalaga mula sa kinatatayuan niya. Dahan-dahan niyang dinama ang mga labi niya na hinalikan ng binata. Hindi na niya maitatanggi pa sa sarili na gusto niya na rin ang binata.
Gaya nang gustong mangyari ni Cedric. Hindi na nga ito maalis-alis sa isip niya. Lagi niyang inaabangan ang pagdating nito at pagkatok sa pinto niya.
Gabi nang m
