Chapter 21
*Rachel*
Bakas sa mukha ni Rona ang takot niya nang makita si Robert. Pero pinatuloy niya pa rin kami sa munti nilang bahay ng kaniyang kinakasama. Gawa sa kahoy, maliit pero tama na sa kanilang dalawa. May isang kwarto, pero ang sala ay siya na rin yatang nagsisilbi nilang kainan dahil nakita ko ang maliit na lamesa sa mag sulok. Pinaupo niya kami sa plastic na upuan at nagpaalam na kukuha ng maiinom. Kakaonti lang ang gamit nila. Halatang kalilipat lang.
Nahihiya itong ngumiti sa akin nang abutan niya kami ng tig isang baso ng soft drinks. Bumili pa yata siya sa labas dahil medyo matagal bumalik.
Pinagmasdan ni Robert ang kapatid niya. Nasa mga mata ang awa. Lalo na nang mapatitig siya sa may umbok sa tiyan ni Rona.
“Kamusta ka na?” Tanong niya.
Akala ko ay pagagalitan
