شمس الصعيد( مكتملة)

( شمس الصعيد ) ? أستغفر الله العظيم و اتوب اليه ? في شقه في أحدئ الاحياء الراقيه بالتحديد في غرفه ورديه تدخلها اشاعه الشمس نجد فتاه بيضاء البشره ب*عرها الاسود وعيونها السوداء الواسعه تجلس علي مكتبها تمسك بقلم وتكتب في مذكراتها ? انا (شمس عابد حسين الهاشمي )عمري ٢٢سنه. متخرجه من كليه اداب ( كل ده عادي ) بس اللي مش عادي أن بكره كتب كتابي وفرحي علي ابن عمتي ((فزاع .)). هو ابن عمتي اه .بس انا معرفش عنه حاجه غامض لدرجه كبيره يعتبر مش بشوفه غير في المناسبات ومفيش بينا كلام غير السلام بس . انا عايشه مع بابا( عابد الهاشمي) وماما( امال الهاشمي .) واختي (ضحي .) احنا من قنا بس انا واختي مولودين هنا في القاهره وحياتنا هنا . ازاي بعد العمر ده هعيش في بلد ريفي بعد ما كنت عايشه في المدينه والأهم من كل ده . مش عارفه اتصرف وله اتعامل ازاي مع فزاع ده . حتي اسمه بيخوف ما بالك هو . . الغريبه بقي ان بابا وافق علي زواجي بدون اعتراض وقابل ان هعيش في البلد انا مش عارفه هتعود علي عيشتهم وله لا بجد انا خايفه اوي من فزاع بس اللي مصبرني أن انا بحب عمتو ناصره عمتو (ناصره حسين الهاشمي )هي ست صعيديه اصيله من الستات اللي ليهم كلمه مسموعه وكلمتها تمشي علي الكبير والصغير ربت ولادها فزاع وصقر بعد موت ابوهم . فزاع هو اللي مسك الشغل في الشركه والاراضي ويعتبر هو كبير عائله الهاشمي رغم صغر سنه ******* الباب خبط شمس قفلت المزاكره اللي بتكتب فيها شمس : اتفضل ... دخلت الست ناصره بابتسامه شمس بأدب : اتفضلي يا عمتو . جيتي امتي من البلد ناصره : لسه واصله يا زينه البنات . جولت اشوف مرت ولدي محتاجه حاجه قبل ما اخدها ونسافر شمس اتخضت من الكلمه وبصت في الارض بدموع ناصره قعدت علي السرير وشدت شمس تقعد جنبها ناصره بحنان : ست البنات بتبكي ليه شمس بدموع : يا عمتو انا خايفه ليه اتجوز بسرعه كده . طيب اتخطب الاول واخد علي فزاع . انتي عارفه ان هو مش بيجي وله انا اعرف عنه حاجه . طيب صقر بيجي وبيكلمنا وبعرف اتعاملت معاه بس فزاع لا ناصره: يعلم الله يا شمس اني عحبك كيف فزاع وصقر وليكي مكانه في قلبي . انتي عاقله وعتفهمي كلامي .. بس الاول قولي انتي عتحبي حد شمس بتأكيد : لا . طبعا يا عمتو انا مفيش حد في حياتي . ناصره : زينه البنات انتي انا واثقه في اخلاقك وتربيتك . بس اسمعيني زين . انتي لو اتخطبتي من فزاع مفيش جديد هيتم بينكم لانه هو هيكون مشغول في شغل ومشاكل الارض والبلد ومش هتعرفو تتعودو علي بعض . لكن لو اتجوزتو هتيجي تعيش في البلد وهتتعرفي عليه اكتر وهتفهمي شمس : يا عمتو انا بصراحه بخاف من فزاع ده . علي طول كده قافش وجامد ومش بيضحك . كلامه محدود . افرضي معرفتش اعيش معاه ناصره بضحك: ههههه. ولدي وخابره زين هو قلبه كيف اللبن الحليب بس علي كتفه هموم جبال ،ترك الجامعه اول اما كمال الله يرحمه مات وهو اللي شال هم الشغل والارض وبقي الكبير . فزاع مكنش اكده . بس الهم يا بتي كبره . وبعدين الست العاقله اللي بتعرف تحتوي جوزها وتشيل الحمل معاه وانتي زينه البنات عقلك يوزن بلد . انا عندي ثقه انك هتغيري فزاع للاحسن وتخليه انسان جديد وانا معاك . انا عايزه اطمن عليكم يا ولاد قبل ما اقابل وجه كريم شمس : ربنا يد*كي الصحه وطولت العمر . طيب افرضي متغيرش . والاهم هو ازاي اساسا وافق انه يتجوز بسهوله كده ناصره : في مثل بيقول (جوزك علي ماتعوديه وابنك علي ماتربيه ) . يعني انتي هتبقي مرت الكبير ولازم تروضيه وتخليه ما يقدرش يستغني عنك ستات عايله الهاشمي مش قليلين . ونعرف نروض السبع وبعدين انتي حلوه وجميله ومتعلمه يعني هتقدري وانا معاكي يا حبيبتي الغاليه شمس : كلامك جميل يا عمتو بس الفعل هيكون صعب ناصره : لا صعب ولا حاجه . انتي مكتوبه لفزاع من وانتي في اللفه. والوكيل والكل عارف أكده . . وقدركم انكم تكونو لبعض . لازم تحبيه وتتقبلي الحياه الجديده . وترضي علشان ربنا يبارك فيها شمس : ربنا يستر . بس اوعديني انك هتكوني معايا وتقفي في صفي ناصره : اوعدك يا غاليه .. ودلوقيت قومي علشان تنزلي تختري لبس ليكي وانا جايبلك لبس زين في الفيلا هنكا .. شمس بقله حيله : حاضر يا عمتو هلبس واجي وراكي خرجت ناصره من اوضه شمس . وشمس لبست وخرجت كانت ضحي اختها الصغيره لبست ضحي الهاشمي : الاخت الصغري لشمس عمرها ١٩سنه بتدرس في حقوق . بشرتها خمريه وشعرها طويل اسود وعيونها سوداء كالليل .. مشاغبه كثيرا تحب صقر الاخ الثاني لفزاع وهو أيضا يعشقها شمس : انا لبست مين هينزل معايا امال ام شمس : حبيبتي خودي اختك وانزلي . مش هينفع اسيب عمتك . وابوكي لسه مجاش شمس : ماشي يا ماما ناصره : خودي يا شمس الفلوس دي واشتري كل اللي نفسك فيه . هتلاقي العربيه تحت والسواق مستنيكي شمس بطاعه : حاضر يا عمتو نزلت شمس مع ضحي هما الاثنان اخوات واصدقاء وديما سرهم مع بعض .. ضحي : يا بختك يا شمس هتتجوزي وتترتاحي شمس : هو اللي بيتجوز بيرتاح . وبعدين ده انا هتجوز فزاع . هرتاح ازاي ده بيخوف حتي ضحي : هههههه . انتي بس اللي بتخافي منه . مع اني شايفه أنه تقيل كده ورزين وعسل . يا بنتي ده مز صعيدي راجل بمعني الكلمه شمس : انتي هتقولي فيه اشعار. وبعدين الشكل مش كل حاجه . طيب ما تيجي نبدل اتجوزيه انتي وانا موافقه ضحي : وانا مالي بقي ،، وبعدين انتي عارفه ان القلب مشغول شمس : اه يا ختي مشغول بصقر . عارفه كل قذراوتك ضحي بضحك : اه ..صقر قلبي وحشني شمس : ما تلمي نفسك يا سفاله ضحي : انا هيكون خالص اهو . يلا علشان وصلنا المول . انزلي يا ختي ، انزلي ..... نزلت شمس وضحي وظلو يتجولون من مكان لآخر لتتسوق شمس من أجل الزواج اشترت الكثير من لبس خروج وبيجامات واشياء اخري كثيره ضحي بتعب : خلاص . انا تعبت ورجلي وقفت كفايه كده شمس : اه وانا كمان تعبت جداً . يلا نروح علشان كمان لسه هنسافر البلد . ضحي : اه . يلا . انا مش عارفه مالهم مستعجلين ليه . شمس : والله انا كمان مش عارفه . ادعيلي يا ضحي انا خايفه اووي من اللي جي ضحي : اللي تخافي منه ميجيش احسن منه وجمدي قلبك احنا صعايده وااااه ? شمس : وااااه . ايه يا ضحي . انتي اتجنينتي يا اختي ضحي : بتكلم صعيدي يا بنتي شمس : ههههههههههه . ارجوكي بلاش تتكلمي تاني صعيدي لانك فاشله ضحي : انا كمان بقول كده. خلي فزاع هو اللي يتكلم بس نظرت لها شمس بغيظ باسرع ضحي الي السياره التي كانت بانتظارهم شمس وضحي وصلو الي البيت وهما مرهقين عابد ابو شمس : اهلا بعروستي الحلوه . كيفك يا شمس شمس : بخير يا بابا الحمد لله ضحي: وانا يا بابا مش هتسلم عليا عابد : وانا اقدر . عقبالك يا ضحي ضحي : يارب يا بابا عايد : بت اتحشمي ضحي : بهزر معاك يا والدي ، انا مش هسيبكم ابدا ناصره بابتسامه : تخلص ضحي الجامعه كيف ما انت رايد وهتتجوز كيف شمس من صقر ولدي عابد : ربنا يسهل . لازمن تخلص جامعه وبعدين تتجوز مثل شمس شمس غمزت لضحي اللي كانت طايره من الفرحه امال : يلا الاكل جاهز . جلس الجميع يتناولون الطعام ويتحدثون عن الفرح وبعد ذلك جهزو الحقائب و ركبو العربيات لقنا علشان الفرح هناك ضحي كانت سعيده لأنها ستري صقر قلبها ،،تحبه من صغرها وتهيم به عشق .. صقر كان دائم الزياره لبيت عمه في القاهره ليراها ،، هو أيضا يعمل معيد في كليه حقوق . ولذلك ضحي اختارت تلك الجامعه من كثر حبها في صقر تابعت خطواته ..... اما شمس طول الطريق كانت شارده الزهن وتفكر في مستقبلها وحياتها القادمه ... شمس لنفسها ::ياتري هقابل ايه وهعيش ازاي وهتعامل ازاي مع فزاع تن*دت بتوترت وهي تشعر بألم في معدتها من كثر القلق .. ولكن أكثر ما يطمئنها هي عمتها ناصره التي تحب الحق وتحبها واكيد هتكون معاها في أي شئ ******* ?سبحان الله وبحمده سبحان الله العظيم ? اخيراً وصلت السيارات الي قنا وسط استقبال كبير واحتفال بقدوم عروسه الكبير عائله الهاشمي كان صقر اول من استقبلهم صقر : نورتو قنا يا جماعه .. اتفضلو ضحي فرحانه وعينيه بتتامل صقر اللي بيبادلها النظره بعشق .. عابد ماسك ايد امال مراته وصقر ماشي جنبه مع امه ناصره اما شمس فهي كالجثه المتحركه ماشيه وسرحانه وحزينه دخلو البيت وقاعدين في الصالون بيستريحو من تعب السفر ناصره : فزاع فين يا صقر صقر : بيخلص ترتيبات الفرح ومشغول علي الاخر . ناصره : قوله يجي يسلم الاول ويكمل اللي وراه بعدين صقر : حاضر يا حاجه. خرج صقر ينادي فزاع شمس بتهرب : عمتو عايزه اطلع استريح ناصره بصوت عالي : بت يا سعاد .تعالي دخلت فتاه تعمل هناك كخادمه : نعم يا حاجه ناصره : . طلعي شمس وضحي علي غرفتهم يرتاحو سعاد بطاعه : حاضر يا حاجه . من عيني . خرجت سعاد الاول وضحي وراها و شمس خلفهم شمس بصه في الارض وهي تسير .. لتشعر أنها اصطدمت في حائط رفعت عينها لتجد فزاع أمامها يرتدي جلباب صعيدي واقف بكل هيبه وبصوت رخيم تحدث إليها فزاع : كيفك يا بت خالي شمس ابتلعت ريقها هي كانت طلعها تهرب منه : الحمد لله . انت عامل ايه فزاع بغموض: الحمد لله بخير ضحي : فزاع عامل ايه فزاع : نحمد الله . انتي كيفك يا ضحي ضحي : بخير يا كبير فزاع بابتسامه ساحره : لسه زي ما انتي عفريته وش*يه ضحي : وهفضل كده . عندك اعتراض فزاع بمكر : لا . وانا مالي . اسالي صقر لو عنده ضحي وشها احمر : احم انا هطلع . بقي شمس : استني انا كمان هطلع عشان تعبانه صعدت علي الدرج شمس وضحي . وفزاع يرقبها وهي تتحرك . ثم دخل يسلم علي خاله عابد وزوجه خاله امال ووالدته ويرحب بهم ضحي وشمس طلعوا وغيرو ونامو من التعب . كي يستعدو ليوم الفرح ايضا عابد وامال صعدو لغرفتهم . فزاع جلس مع ناصره يحكي معاها عن ترتيب الفرح وبعدها نام الجميع ******** اشرقت الشمس وبدأ يوم جديد وبدا الطباخين يذ*حون الذبائح ويجهزون الاكل من أجل المعازيم استيقظ الجميع وبدا يجهزون الافطار والكل توجهه الي أسفل يفطر ماعدا صقر وفزاع اللي كان في الخارج من أجل الانتهاء من كل شئ يخص الفرح قبل المساء ...... شمس طول الوقت قاعده مرتبكه ومتوتره وضحي بتهزر معاه علشان تفك وتهدي فزاع احضر لها ميكب ارتيست ومعاها فستان من ارقي الأماكن وكان شكله خيال ابتدي الكل يجهز للفرح و بعد فتره الكل خلص وجهز ولبس ضحي ?كانت ترتدي فستان بلون الاحمر الداكن وعليه الحجاب من نفس اللون وكانت تبدو كالقمر منور اما شمس? فكان الفستان الابيض وباكمام وواسعه كانت تبدو ك الاميره بالفستان وعليه الحجاب الابيض زادها نور وعليه التاج وكانت اسم علي مسمي شمس منوره اما فزاع فارتدي جلباب صعيدي فخم زاد هيبته ووسامه صقر أيضا ارتدا الجلباب الصعيدي وكان وسيم للغايه عابد ابو شمس ارتدا الجلباب فهذا تقليد من تقاليد أبناء الصعيد .. واستعد لاستقبال الضيوف صقر مع فزاع بره يستقبلون الضيوف ويرحبون بهم ناصره في الفيلا بتستقبل الضيوف مع امال ام شمس وسط فرحه من الكل وزغريط الماذون وصل وتم كتب الكتاب وبدا ض*ب النار اول اما الماذون أعلن زواجهم اشتعلت الاحتفالات والطبل البلدي وفزاع وصقر طلعو علي الحصان وظلو يرقصون بالعصيان بينما كانت شمس وضحي يشاهدون ما يحدث من النافذه مع امال امهم . وعابد واقف تحت معاهم بيرقص . اما ناصره فكانت واقفه تتف*ج ودموعها تبهط بسعاده وحب وهي تري صغارها رجال أمام أعينها ترقيهم وتحصنهم من كل عين اقتربو منها و قبلو رأسها وايديها ناصره : ربنا يحميكم من العين ويحفظكم فزاع بحب : تسلمي يا ام الرجال . صقر : ما تجوزيني ضحي يا حاجه . الماذون لسه هنا ناصره : يا صقر خالك ما يرضاش صقر : هقوله . لو انتي موافقه ناصره : موافقه يا بني ربنا يسعدك صقر اقترب من خاله عابد صقر : ما تجوزني بتك يا خال عابد : هههههههه.،، اما تخلص يا صقر الجامعه لاول صقر : هنكتب الكتاب وبس واما تخلص هنتجوز . وافق وخلي الفرحه فرحتين . ووعد رجال مني ما هلمسها لحد اما تخلص تعليمها فزاع : وافق يا خال . انت عارف ان صقر راجل وقد كلمته وبيحب ضحي ناصره وقفت معاهم : ها يا خوي قولت ايه . عابد رفع رأسه ليجد ضحي تضحك بسعاده : موافق يا حاجه . ربنا يفرح قلبهم . بس افتكر وعدك يا صقر صقر بفرحه : علي رقبتي يا خال . هنادي الماذون بقي ...... جري صقر ونادي الماذون وقاله انه يكتب الكتاب حتي شفوي ويخلص الورق ويجي مع عابد يوثقه ... عابد صعد لضحي اللي كانت طايره من الفرحه ليتأكد من موافقتها وتم عقد القرآن الليله كانت مبهجه للجميع ،،، الكل سعيد بس شمس لسه مش مطمنه وخايفه واخيراً خلص الفرح وكل واحد صعد الي غرفته **** عابد سلم شمس لفزاع ، كانت تضع علي وجهها الطرحه فزاع أخذ يدها ودخل بها الي غرفته لاول مره في حياتها "فزاع ليه دور كامل يعتبر جناح بحمام وصالون ليه دخلت شمس وبتتف*ج وعجبها الغرفه وذوقها" فزاع اقترب منها وابعد الطرحه عن وجهها وهو مبتسم . شمس مستغربه من ابتسامته ومتوتره فزاع باعجاب : ما شاء الله . طالعه كيف الشمس المنوره شمس ب**وف : شكراً فزاع بيقرب يمسك ايديها فشمس بعدت خطوه . فسكت هو لانه علم بخجلها فزاع : ايه رايك عجبك العفش . وله حابه اغير فيه حاجه شمس : لا جميل ما شاء الله فزاع : لو في حاجه حابه تتغير قولي . متت**فيش . . تحبي تتدخلي تغيري في الحمام . وله اخرج انا شمس لم تجيب فزاع أمسك يدها ليشعر برتجافتها فزاع : شمس انا مش هاكلك ومش هجبرك علي شئ . افهمي ده . بصي الاول كده ادخلي غيري الفستان وهدومك البت سعاد حطتهم في الدولاب . انا هنزل تحت لحد اما تخلصي خرج فزاع وترك شمس . شمس فرحت انه خرج لتبدأ ملابسها براحه ********* اما عند صقر فاستأذن عابد انه يقعد مع ضحي شويه في حديقه البيت . صقر : اخير يا ضحي بقيتي مراتي . ضحي : بجد فرحان يا صقر صقر : ده انا هطير من الفرحه .. يا بت ده انا بحلم باليوم ده من زمان ضحي : وانا كمان صقر : وانتي ايه يابت . ضحي ات**فت صقر : بحبك ضحي : ها صقر : بحبك ضحي : اخيراً نطقت صقر : عمري ما كنت هقولها غير وانتي علي زمتي . ضحي ساكته وسرحانه في عين صقر صقر : قولتلك بحبك . واعترفت . انتي مش هتعترفي ضحي ما زالت علي سكوتها صقر شعر بالضيق ووقف ضحي : رايح فين صقر : انا بتكلم وانتي ساكته ما تتكلمي معايا يعني بتحبيني قوليها نفسي اسمعها منك ضحي ساكته مش عارفه تبدا بالكلام صقر اتعصب و كان سيمشي ضحي ا مسكت ايده . صقر : انا مش هضغط عليكي ضحي: استني يا صقر انا بحبك والله . وبحب كل حاجه فيك طولك وشعرك الاسود وعينك العسلي دي وبحب كلامك وهزارك وكل حاجه فيك . انت صقر قلبي صقر : كل ده يا مفتريه جواكي وساكته . ده انا بعشقك وبموت فيكي . انتي بنتي وحبيبتي . يا سلام لو انهارده كان زفافنا كنت قولتلك بحبك قد ايه ضحي : قليل الادب صقر بمزاح : حد بينادي عليا هههههههههه ***** فزاع كان نزل تحت ودخل المكتب ناصره : حبيبي نازل وتارك مرتك ليه فزاع : مفيش يا حاجه . هي مستحيه وانا قولت اتركها علي راحتها ، تغير ناصره : يا ولدي انت راجل ولازم تطمن مرتك . شمس مستغربا ك . وانت عارف طبعها هادي لازمن تحتويها . خابر انت ابوك الله يرحمه كان بيعاملني كيف الطفله ويحايل فيا . خليها تحبك يا فزاع . وتطمن من ناحيتك وتبطل تخاف منك فزاع بتساؤل : وهي قالتلك انها عتخاف مني . ناصره : انت طابعك واعر وصعب . بس مفروض تعامل مرتك باللين مش بالشده . سيدنا محمد صلي الله وعليه وسلم "قال : ما اكرمهم الا الكريم وما اهانهم الا اللئيم " فزاع : عليه الصلاه والسلام .. صدق رسول الله ناصره : خدها الصبح وروحو علي فيلا اللي في البح الاحمر .. وقضوا شهر عسل . واخوك هيمسك الشغل بدالك . فزاع : بس ناصره : اسمع كلامي يا حبه عيني . انا عمري قولتلك شيء يضرك فزاع : حاضر يا حاجه . بكره هسافر انا وهي . تؤمري بشئ تاني ناصره: ما يؤمر عليك ظالم . ربنا يسعدك يا بني. اطلع بقي لمرتك . فزاع قبل ايد ناصره وصعد لشمس خبط ودخل وشمس كانت تجلس علي الفراش شالت الطرحه بس لسه بالفستان فزاع : ما غيرتيش كل ده شمس بخجل : اصل انا .. اصل . بس فزاع : هتقطعي ليه شمس ووشها في الارض : مش عارفه افتح السوسته فزاع قرب منها ولف فتح السوسته بهدوء ورجع لوره عشان متخفش منه لانها كانت بتترعش شمس : شكرا .. ودخلت علي الحمام فزاع : اتوضي علشان نصلي مع بعض شمس من الحمام : حاضر ارتدت بيجامه ستان بيضاء واتوضت وخرجت فزاع دخل الحمام اتوضي . كانت هي لبست الاسدال وقف وصلي بيها وبعدين حط ايده علي راسها وقال الدعاء فزاع قام وقف وهي قامت وخلعت عنها الاسدال مسك ايديها وجلست علي السرير . هي ما زالت خائفه منه فزاع : عرفت انك بتخافي مني . شمس : بصراحه فزاع : اتمني انك تتكلمي بصراحه شمس : انت ابن عمتي وانا معرفش عنك حاجه . غامض كده في نفسك ومش سهل اني اعرف انت بتفكر ازاي. . انا خايفه من اللي جي معاك. فزاع : طيب ليه ما تكلمتيش من الاول وقولتي انك مش عايزه الجوازه . بدل ما ده شعورك عني شمس بدموع : فزاع انا مش بكرهك . انا بس مش متعوده عليك . حساك بعيد ومش فهماك . ومش عارفه اقرب منك ازاي. متزعلش مني .. زاد بكائها ? مسح دموعها : عتبكي ليه بس .. احنا بنتكلم مع بعض . ا. اولا انا فرحان انك بتكلميني ثانياً انا مش هقرب منك غير اما احس منك حب ثالثاً ممكن تديني فرصه اعرفك عن نفسي . واعرفك كمان . لانك فعلا بعيده عني . اتفقنا شمس بتحرك راسها بنعم فزاع : طيب يلا ننام والصبح هنسافر البحر الاحمر نقضي شهر العسل. .اوعدك مش هلمسك غير برضاكي شمس ابتسامت له برقه .. ليبتسم بدوره نامت شمس علي طرف السرير وهي بتفكر في اللي جي فزاع نام علي الطرف التاني بهدوء واليوم عدي .. ياتري هيحصل ايه ؟؟؟؟؟ ******** استيقظت شمس علي صوت ترك الباب . فتحت عينها بصعوبه و نظرت للفراش لم تجد فزاع . قامت تفتح الباب كانت آمال امال : عروستي الحلوه عامله ايه شمس : الحمد لله يا ماما . صباح الخير امال : صباح النور .. ايه الاخبار شمس : اخبار ايه امال : نعم . ؟؟!!! شمس : مفيش حاجه حصلت انا كنت خايفه وفزاع سابني امال : بصي يا شمس احنا صعايده . والكلام ده ما ينفعش . فزاع خلاص بقي جوزك . وانتي لازم تتعاملي معاه علي الاساس ده وتحبيه وتنسي الخوف . فزاع زين الشباب وراجل وليه حقوق ولازم تسمعي كلامه شمس : حاضر يا ماما . فهمت .. هو فين فزاع يا ماما امال : كلهم تحت شمس : طيب هقوم اغير وانزل امال : ماشي يا شمس ربنا يسعدك يا حبيبتي .. ...... شمس قامت دخلت الحمام وخدت شاور وارتدت ملابسها فستان ابيض به ورد وعليه طرحه حمراء ونزلت لاسفل .. شمس : صباح الخير كلهم : صباح النور ناصره : ما شاء الله . تعالي يا شمس جنبي شمس قعدت جنب عمتها وعينيها في الارض . فزاع كان يتحدث مع صقر . فطر معا . وبعدها ذهب الرجال لصلاه الظهر في الجامع . ضحي كانت تمزح معاهم بسعاده وتتكلم معاهم ثم خرجت هي وشمس لحديقه الفيلا تتمشي وتحكي لها عن صقر وكلامه معاها وهي سعيده شمس : رينا يسعدك يا ضحي . بجد فرحانه ليكي ضحي : حبيبتي يا شوشو . ربنا يسعدك ويخليكي ليا صقر دخل عليهم : ايه يا قمرات عاملين ايه ضحي : الحمد لله . تعالي اقعد معانا صقر : انتي تامري يا زوجتي ضحي : هههههههه . صقر : ايه يا هبله بتضحكي ليه شمس : مش مصدقه نفسها صقر : ولا انا . مصدق . ده انا منمتش من الفرحه شمس : ربنا يسعدكم ويتم فرحتكم علي خير صقر وضحي : يارب . جلس يتحدثون معا بعد وقت دخل عليهم فزاع فزاع : السلام عليكم كلهم : وعليكم السلام فزاع : شمس يلا قومي حضري نفسك. وجهزي الشنط شمس : حاضر قامت شمس جهزت شنطتها . فزاع خبط ودخل فزاع : خلصتي شمس :انا خلصت وحضرت شنطتي. بس مش عارفه انت هتاخد ايه فزاع : انا هحضرها . واغير. شمس ساعدت فزاع . وانتهي دخل يبدل ملابسه . كانت هي تجلس في انتظاره ارتدي بدله سوداء جميله جدا جعلته يزداد وسامه وجاذبية أكثر .. شمس نظرت له بإعجاب فزاع : ايه روحتي فين . شمس : اول مره اشوفك ببدله فزاع : لازم البس الجلابيه هنا في البلد . لكن في الشركه او اما اسافر بلبس البدله . عجبتك شمس ب**وف : شكلك حلو فزاع : انتي احلي بكتير .. يلا انا خلصت أمسك ايديها ونزل وهي تشعر ب*عور غريب من لمسته تلك .. أخبر احرس ياخذون الحقائب علي السياره بعد أن انتهى من السلام والارشادات العائليه صعدو للسيارات ،، وانطلقوا علي البحر الاحمر السائق كان يقود السياره وهما يجلسون بالخلف شمس تضع الهاند فري وتسمع فيروز وهي تنظر للطريق وفزاع بجانبها نزع ال سماعه من أذنها شمس انتبهت له فزاع : بكلمك وانتي سرحانه شمس : مش سمعت حاجه . كنت بسمع فيروز . بتحبها فزاع : طبعا بحبها وضعت له واحده من الهاند فري وهي واحده واقتربت عليه فزاع ابتسم وقرب أكثر وضع ايده علي كتفها وكان بيسمع معاها و خد قراره انه لازم يخليها تحبه وتعشقه كمان لانه هو بيحبها بس الكبرياء منعه يعترف شمس كمان حاسه ب*عور مختلف قررت تدي نفسها فرصه تقرب منه وتعرفه اكتر علشان تحبه . حطت راسها علي ص*ره وبعد شويه راحت في النوم فزاع حضنها ونزع السماعه من اذنها وهي نايمه وصلو الاستراحه . وخلي السواق يقف وقاله ينزل يشتري حجات ومياه وعصير من الاستراحه . نزل السواق . وشمس صحيت من صوت غلق الباب شمس بنوم : احنا وصلنا فزاع : لا . احنا في استراحه تحبي تنزلي شويه شمس : اه ياريت . فزاع : يلا ننزل نزل فزاع وفتح الباب لشمس اللي بصتله بستغراب ومد ايده وساعدها تنزل وبعدين قفل الباب ومسك ايديها ودخل للاستراحه شمس : هدخل الحمام اغسل وشي فزاع : هطلب اكل وهستاكي هنا علي الترابيزه دي شمس : ماشي فزاع طلب اكل لهم والسائق واخبره بعد أن ينتهي من الطعام يأخذ الاشياء الذي بتاعها الي السياره شمس انتهت وجلست مع فزاع تاكل وهم يتحدثون شعرت أنها كانت تظلمه ففزاع برغم من كبريائه وغروره الا انه طيب جداً وحقاني . هذا اتضح من المواقف اللي بيحكي عنها شمس باعجاب : تصدق اول مره اعرف ان البلد فيها مشاكل كده فزاع : واكتر بكتير شمس : هو انت اللي بتحل كل حاجه . ليه مش بيروحو للشرطه فزاع : هما مش بيحبو ان الشرطه تتدخل ما بينهم . وبيحكمو كبار العائلات وبنعمل قاعده عرب وبيبقي فيها احكام ولازمن تتنفذ شمس : ربنا يقويك . فزاع : يارب .. . قام فزاع و شمس و صعدو السياره وكملو الي البحر الاحمر