شمس الصعيد( مكتملة)

السادسه

١٤&١٥

الحلقه١٤

(سبحان الله العظيم)

فزاع كان بيخبط علي باب غرفه عمه اشرف وسمع ناديه زوجه عمه ومني ابنتها تتحدث معاها

مني : قولتيلي ارمي الزيت علي السلم ات**رت ووشها مخرشم وبرضو عمال يحب فيها . مش عارفه البت دي عامله في ايه . انا طول عمري بتمني ليه الرضا وهو يتجوز دي . قوليلي فيها ايه زياده عني

ناديه : مفيهاش حاجه زياده . ده انتي قمر . انا قولتلك هخلصك منيها . اهدي كده . ابوكي قال هنمشي بس بعد اللي حصل قال اقعدو مع ناصره عشان تعب شمس . وانا هتصرف

مني : انتي ماشوفتيش لهفته عليها وكيف كان شايلها . ده فزاع اللي كان مبيهموش حد . انا مخنوقه وهطق منيها. عايزه اقتلها واستريح

ناديه : قولتلك سيبي الموضوع ده. انا هروح للانشراح تعملهم عمل يكرهم في بعض

مني : خليها تعملي عمل يحبني انا كمان

ناديه : اللي انتي عايزه هعمله .

فزاع واقف وسمع كل الكلام ده واتصدم . بيفكر يدخلهم يموتهم وله يعمل ايه الغضب متملك منه نزل بسرعه علي تحت . دخل المكتب بتاعه وفضل يروح ويجي . وي**ر ويرمي اي حاجه قدامه . امه دخلت عليه وبصتله بخوف

ناصره : مالك شكلك عامل اكده ليه

فزاع : ولاد ال***** هما السبب . في اللي حصل لشمس

ناصره : صلي علي النبي اكده واهدي يا ولدي . فهمني مين دول

فزاع : ناديه ومني .

ناصره بخضه : كيف يعني

فزاع حكلها كل اللي سمعه . ناصره خبطت بايديها علي ص*رها وبصتله

ناصره : وانت عايز تعمل ايه

فزاع : هقتلهم

ناصره : لا يا فزاع. اكده غلط .

فزاع : عايزين يقتلو مرتي وعيالي اللي فبطنها وتقولي غلط .

ناصره : اهدي اكده بس . وفكر بعقل

فزاع قام وقف : عقل ايه . واهدي كيف . دول لسه بيفكرو يروح لوحده تعملنا اعمال . هستني ايه كمان

ناصره : ربنا يحفظكم. اقعد يا بني ربنا يهد*ك . ونفكر نتصرف كيف

فزاع انا هخرج وانتي اطلعي لشمس فوق يا مه شويه وراجع

ناصره : حاضر يا فزاع

خرج فزاع علي الاسطبل واخرج حصانه وركب عليه وجري به وهو بيسابق الريح وبيحاول يهدي علشان ميرتكبش جريمه وبعدين اتصل بعمه وقاله يقبله في الاسطبل .

عمه وصل و فزاع جلس معاه وحكاله علي ما حدث

اشرف : فزاع انا هجبلك حق شمس

فزاع : شمس هتاخد حقها بايديها . بس لو مرتك عملت اللي في دماغها وراحت للي اسمها انشراح دي متلومش الا نفسها . انا هعرف وساعتها قسماً بربي لاندمها

اشرف : خلاص يا ولد خوي . انا هخدهم وهسافر

فزاع : يكون احسن يا عمي . لان مرتك وبتك معملوش اعتبار لحد

فزاع رجع مع عمه اشرف وطلع اوضه شمس كانت صاحيه وقعده بتتكلم مع ناصره وبتضحك . دخل سلم عليهم وقال لشمس تقوم معاه . خدها وراح خبط علي اوضه عمه وناديه فتحتله وهي وشها متغيره وكانت بتلم هدومها

فزاع : تعالي يا مرت عمي انتي وبتك بره ، عايزك

وقف فزاع هو وشمس علي اول السلم وحكالها علي اللي حصل وشمس مصدومه من اللي بتسمعه

ناديه خرجت مع اشرف ومني وواقفين قدام فزاع

فزاع : شمس وقعيهم الاتنين من علي السلم زي ما عملو فيكي

شمس مصدومه وسكته .. اشرف : خلاص يا فزاع انا قولتلك هاخد حقها

فزاع : وانت فاكر اني مقدرش ارجع حقها . بس عشان انت عمي انا معملش حاجه . بس هي اللي هتاخد حقها بايديها

(تاليف: ياسمين علاءالدين)

مني : ايه اللي فيها زياده يخليك تعمل كل ده علشانها

فزاع : دي مرتي وحبيبتي . واحسن من امثالك انتي الحقد ماليكي مع اني طول عمري بعملك بادب واحترام بس انتي الغل اللي جواكي كبر ولازمن تتربي . بس دي مهمه ابوكي

شمس : كفايه يا فزاع . انا مسامحهم . كفايه عليهم يمشو من البيت

فزاع بعصبيه : خودي حقك يا شمس وزوقيهم

شمس عيطت وحضنت فزاع : خلاص يافزاع بالله عليك . مش هعرف . مش هعرف والله

اشرف لف لناديه وض*بها قلم جامد . وض*ب بنته كمان

شمس اتخضت من صوت القلم لانه كان جامد وفزاع واقف قدامهم بتحدي ولسه مصر ان شمس تاخد حقها

شمس لناصره اللي واقفه ساكته : عمتو قوليلو خلاص

ناصره : ده حكمه وانا مقدرش ادخل

شمس اغمي عليها وفزاع شالها ودخلها علي جوه وناصره جريت وراهم

اما اشرف فاخد ناديه ومني ومازن ومشيو بعد اما لمو هدومهم . لانه عارف ان فزاع مش هيسكت علي الحق

شمس طولت في الاغماء وفزاع اتجنن عمال يفوقها وهي مش راضيه تفوق .

ناصره : روح يا بني انزل وانا هفوقها

فزاع : اسيبها كيف . انا هتصل بالدكتوره تيجي تشوفها .

ناصره : طيب انزل روح هات الدكتوره انت . بكده هتبق اسرع وانا قاعده معاها

فزاع خرج بسرعه وركب العربيه .

ناصره لشمس : قومي خلاص نزل

شمس فتحت عينيها : مكنتش هقدر اوقعهم وله اض*بهم يا عمتو . قلبي مطوعنيش .

ناصره : عارفه يا شمس انك قلبك ابيض . بس دول ناس شر

شمس : اكيد ماشيو . شوفيهم كده يا عمتو وماشيهم .

خرجت ناصره . وبعد شويه دخلت لشمس

ناصره: خلاص راحو في داهيه. . واتصلت بفزاع قالتله ان شمس فاقت وهي كويسه اغمي عليها بسبب الضغط عليها

بعد شويه فزاع رجع حضن شمس بخوف وحب

عند صقر كان قاعد في شقته اللي في القاهره

وضحي بتكلمه في التلفون

ضحي بحزن : انت لسه زعلان مني . عمال اصالح فيك . اعمل ايه تاني .

صقر بجديه : نفذي ال*قاب اسبوعين ماتكلمنيش

ضحي بدموع : اسبوعين. مش هقدر والله . انت مفتري ياصقر

صقر كتم ضحكته : مفتري . وكمان بتغلطي . اقفلي يا ضحي

ضحي بتعيط اكتر : اسفه . خلاص بقي والله هو اللي جه كلمني . وانا كنت ماشيه . وانت عارف كويس اني بحبك وعمري اصلا ما بكلم ولد .

صقر قلبه حن : خلاص كفايه دموع . الموضوع ده ما يتكررش تاني

ضحي : والله خلاص مش هيتكرر . مسامحني

صقر : مقدرش علي زعلك . ده انتي العشق

ضحي ضحكت : بحبك يا صقري

صقر : وانا بعشقك يا قلب صقر . بس بغير عليك يا جميل

ضحي : تيجي تتعشا معانا

صقر : الوقت اتاخر . وانا عندي محاضره بدري . خليها يوم تاني

ضحي: ماشي يا قلبي .. تصبح علي خير

صقر : وانتي من اهل الخير يا قلب قلبي?

*********

الحلقه ١٥

يوم جديد بدأ

شمس استيقظت علي صوت ضجيج وفزاع استيقظ معاها .... ذهب يري ما يحدث وعاد لشمس

شمس : في حاجه

فزاع : ده خالي ومرت خالي وضحي تحت

شمس : اكيد عرفو . انت اللي قولتهم؟؟

فزاع : اكيد امي خبرتهم...

دخل الحمام وبعد وقت خرج وارتدت ملابسه ليرحب بخاله عابد

شمس بعد تفكير : فزاع متقولش حاجه . قولهم اني وقعت علي السلم وانا نازله

.

فزاع باسها من راسها : حاضر يا قلبي . خليكي هنا متقوميش وانا هخليهم يطلعو يسلمو عليكي

شمس : مش هتفطر انت

فزاع ابتسم : فكري بنفسك وانا هتصرف متقلقيش عليا

شمس : بحبك

فزاع كان خارج رجع? : بحبك اكتر

......

نزل فزاع سلم علي عابد وامال وضحي وطمنهم علي شمس . واخبرهم بحملها

. صعدو لغرفتها يطمئنون عليها . وفزعو من شكلها

امال حضنتها : كده يا شمس وشك . الف سلامه عليكي

شمس : الله يسلمك يا ماما . انا كويسه الحمد لله

عابد حضنها : الف سلامه عليكي يا حبيبتي

.

ضحي : وسع بقي يا حاج . انا عايزه اسلم عليها . ضحي حضنتها : واحشاني يا كلبه

شمس : يا جزمه اتلمي . ايه اخبارك مع صقر

ضحي : كله تمام . متخفيش علي اختك . خافي عليه هو

شمس ضحكت : والله انتي كارثه . ربنا يعينك يا صقر .

عابد خرج من الغرفه بعد أن اطمأن عليها وتركهم . يتحدثون معا وضحي بخفه دمها تجعلهم يضحكون

.....

سعاد صعدت بالطعام لهم .. وتناولو الافطار .. وشمس اخذت دواها ونامت من التعب

صقر اتصل بضحي واطمن علي شمس . وقالهم انه هيجي اخر الاسبوع

شمس ابتدت تتحسن ووشها خف بس لسه ايديها في الجبس وكلهم كانو معاها وبيساعدوها

اخر الاسبوع وصل صقر من القاهره

فزاع حضنه : حمد لله علي السلامه يا صقر . واحشتني يا خوي

صقر حضنه : وانت كمان . مب**ك علي حمل شمس هتبق احسن اب

فزاع : تسلم يا غالي . عقبالك

صقر : قول يارب وكلم خالك يخفض مده ال*قاب ويجوزوني البت ضحي

فزاع بضحك : هقوله حاضر . تعال ادخل لامك

.....

دخل صقر لناصره وضمها بحب واشتياق

ناصره: اتوحشتك يا صقر

صقر: وانتي كمان يا غاليه واحشاني قوي . اخبارك ايه

ناصره: الحمد لله يا ولدي .. بخير طول ما انت بخير

صقر: احنا بخير طول ما انتي بتدعيلنا

(تاليف: ياسمين علاءالدين)

و بعد السلام تناولو الغداء معا ومر اليوم كله وصقر يمزح معاهم ويحكي له عن مواقفه المضحكه التي يمر بها

***********

في المساء

كان صقر يسير في حديقه المنزل مع ضحي

ضحي : صقر انت متغير ليه

صقر : انا . لا مش متغير . ليه بتقولي اكده

ضحي : احساسي بيقولي انك مخبي عني حاجه ؟؟

صقر : لا ياحبيبتي متهيالك بس ، يمكن علشان مشغول ، لكن مفيش حاجه ، انا لسه بحبك وبعشقك

ضحي ابتسمت بس من داخلها تشعر أن هناك شئ به

كان يسير بجانب ا بعضهم ب**ت ،،

صقر: مش هتنامي

ضحي: اه . هطلع انام

قبل يدها: تصبحي علي خير

ضحي : وانت من اهل الخير

صعد كل منهم الي غرفته

..................

فزاع صعد لشمس التي كانت تجلس في انتظاره تجلس علي الاريكه وهي تشاهد فيلم انمي.. نيمو

فزاع : حبيبتي صاحيه ليه .

شمس : كنت منتظراك .. تعال نقعد شويه مع بعض . اليومين دول انت مشغول وانا كنت تعبانه قولت نسهر مع بعض

فزاع : عيوني ليكي .ثواني اغير واجيلك

خرج فزاع من الحمام . وجلس بجانب شمس ونظر التلفاز ب**ت ثم أدار نظره إليها باندهاش

شمس : ايه مالك

فزاع : انتي بتتف*جي علي كرتون اطفال ليه

شمس بطفوله : ده فيلم جميل . اتف*ج عليه كده . هيعجبك جداً

فزاع بضحك : انتي قولتي نسهر مع بعض يعني نتف*ج علي فيلم رومانسي مش فيلم كرتوني . .هو انا متجوز طفله

.

شمس : وفيها ايه اما ابقي طفله .

فزاع : مفروض تكبري انتي هتربي عيالنا ،، ازاي . مش عارف

شمس ضيقت عينيها : يعني ايه . انا مش عجباك .

فزاع : مين قال انك مش عجباني . ده انا بعشقك يا شمس .

شمس : انا بحب اكون طفله معاك . وله انت عايز تغير رائيك

فزاع : انا بخاف عليكي زي بنتي و بعشقك وانتي حبيبتي و بتكلم معاكي كصحبتي .وبحس بحنيه منك زي امي . انتي عندي كل دول . هغير رائي ازاي

شمس حضنته : انت عارف اني بعشقك . وفعلا انت عندي كل حاجه . بحس فيك بخوف الاب وحنيه الاخ وحب الحبيبي واما تزعل او تتعب بحس بخوف الام عليك . ربنا يخليك ليا يا كل حياتي

ضمها فزاع بحب: يخليكي ليا يا شمسي يا ام عيالي .

اضطر أن يجلس بجانبها ويشاهد الفيلم لكي لا يحزنها ....

............

نهار يوم جديد

الكل اتجمع علي الافطار

وعابد وامال وضحي ودع العائله وعادو الي القاهره وصقر عاد معاهم

الايام تمر والحياه مستقره بين الجميع

في يوم كان موعد شمس لكي تفك الجبس

ذهب فزاع مع شمس الي المشفي وبعد أن قامت بعمل اشاعه فكت الجبس

خرجوا معا من المشفي وهي كانت تضحك وسعيده

....

شمس : الحمد لله . ده انا كنت مخنوقه منه اووي

فزاع : حمد لله علي سلامتك .

شمس :الله يسلمك يا حبيبي ... فزاع مش عايزه ارجع البيت ما تخرجني

فزاع : عندي شغل . بس اوعدك اول اما اخلص اللي ورايا هخرجك

شمس : طيب ينفع اخرج مع عمتو

فزاع : لعععععععع

شمس : ليه بس . هي مش بتخرج وانا كمان ومخنوقين . هنخرج ونروح نركب مركب او نروح النادي .

(تاليف: ياسمين علاءالدين)

فزاع : هخاف عليكم . انا بقولك هخلص شغل واخرجكم

شمس بزعل : انا نفسيتي تعبانه وعايزه اخرج اغير جو . و معانا عارف السواق يوصلنا . وافق بقي وحياتي وحياتي

فزاع : اوووف بطلي زن زي العيال الصغيره . خلاص روحي مع امي . بس هتركب مركب لوحد*كم انتم الاتنين وبس

شمس ببراءه : طيب و مين هيسوق المركب

فزاع : ههههههههه . اقسم بالله انتي عسل . يلا اركبي العربيه

.. ........

عادو الي البيت واخبر لعارف يذهب معاهم الي مركب ويهتم بهم واخبر ناصره نفس الكلام

فزاع : أن شاء الله هحاول اخلص شغل بدري . خلي بالك من نفسك يا شمس

شمس: حاضر يا كبير

ضحك وقبل جبينها وذهب لشركته

....

ناصره ارتدت ملابسها وخرجت مع شمس وراحو علي المركب

شمس : الجو جميل اووي يا عمتو . انتي ليه مش بتخرجي

ناصره : عادي يا شمس . انا كبرت . ومش بحب اخرج من البيت

شمس : كبرتي ايه بس يا عمتو انتي متجوزه وانتي عندك ١٨سنه ومخلفه فزاع وعندك ٢٠سنه يعني عندك ٥٠سنه . لسه صغيره علي فكره

ناصره : لا مش صغيره . انا كبيره

شمس : لا صغيره . ده انتي قمر

ناصره : هههههه . ده انتي اللي قمر . تعرفي ان كمال واحشني اووي يا شمس

شمس : احكيلي عنه يا عمتو كان شبه مين فزاع وله صقر

ناصره : كان قمر شبهه فزاع بكل حركاته وكلامه وطوله وهيبته . كان الكل بيخاف منه وفي الحق ميعرفش اخوه . اتجوزنا وكنت صغيره وبخاف منه . بس هو كان حنين وبيعاملني كيف الاطفال. وعمره ما مد ايده عليا ولا زعقلي . علشان اكده انا واثقه ان فزاع وصقر هيتقوا الله فيكم . لان ابوهم كان بيتقي الله فيا .

شمس حضنتها : ربنا يرحمه يا عمتو .

ناصره : يارب

شمس : كان عندك حق في كل كلمه قولتيها قبل كده فزاع فعلا طيب اوي وبيعملني كويس جدا

ناصره : انتي وصلتي لقلب فزاع وقدرتي تغيري فيه ، فزاع كان عايش سن اكبر منه واتحمل مسؤلية بدري بدري. كان بيشتغل في الشركه ويتابع الأرض و يحل مشاكل أهل البلد .. شال هم .

شمس : هو ليه صقر مكنش بيساعده

ناصره : فزاع رفض أن صقر يسيب مدرسته ، فزاع اتحمل مسئوليه كل حاجه وبيعامل صقر زي ابنه مش بيعامله زي اخوه

شمس : ربنا يحميهم ويحفظهم لبعض

ناصره : اللهم امين

.........

كان هناك من يقف بعيدا ويتابع شمس وهو ينتظر اي فرصه ليقترب منها ويتحدث معاها ولكن كيف وهي الآن ابتعدت وتجلس في المركب برفقه عمتها

وقف ينتظرها حتي تعود المركب مره اخري ويتحدث معاها

********

يتبع