شمس الصعيد( مكتملة)

الرابعه

١٠&١١

الحلقه١٠

(الحمد لله )

وصل مساء ليجد البيت هادئ

دخل فزاع الي الغرفه كانت شمس نائمه ...

نظر لها بحب لفت نظره العشاء ، يبدو أنها كانت في انتظاره

. اغلق الباب بهدوء حتي لا يزعجها وذهب إليها حملها بهدوء وراح علي السرير يضعها ولكن شمس فتحت عينيها

فزاع بهمس : كملي نومك يا حبيبتي

شمس بنوم : اتاخرت ليه

فزاع : سامحيني كان في مشاكل واتحلت الحمد لله

شمس : انا عملتلك عشاء

فزاع : مش هاكل . كملي نومك انتي

شمس وضعت يدها علي رقبته : بس انا مش عايزه انام

فزاع بمكر : احسن برضو. قومي فوقي . وانا هدخل الحمام ثواني واجيلك يا شمسي?

شمس وقفت من علي السرير وظبطت نفسها في المرايا وأضات الشموع وشغلت موسيقي . فزاع أخذ دش وخرج وهو ينظر لها بإعجاب وحب يكبر يوم بعد يوم . اقترب منها

شمس : أرقص معايا سلو

فزاع : لازم سلو .

شمس : اه

فزاع : ينفع اكده . كبير عائله الهاشمي يرقص و سلو كمان

شمس بدلع : بس انت معايا مش الكبير . انت زوجي حبيبي . صح

فزاع ضحك وقرب منها ووضع يده علي خصرها وابدأ يتحرك معاها .

شمس : شوفت الموضوع سهل . بطل تعقد الامور

فزاع : ماشي ياست شمس . بس ايه الجمال ده كله شمس منوره

شمس : بحبك يا روح القلب . قولي شعر من اللي انت حفظه

فزاع : اممم ?

باحبّك حبّ صَعيدي جوّاني

باحبّك كِيف ما سكن الليل في صوت (فيروز)

وسكن الصوت في ليل قلبي وجُوّاني

باحبك كيف نسيم الزرعة لما يطير في جو الريف وجو النيل وجواني

باحبِّك حُبّ حيَّاني

وزوّد شوقي للحُرقة ولِلُّقْيَا ولِلْفُرقَة

وللدمعة اللي تنزل تحرق الجوابات

ومُشتاقلِك وواحْشاني ومِحتاجلِك.. باحبِّكْ

بَاحبِّك حُب كان م**وف يبيِّن نفسُه قُدّامي

وكان يطلع لي في منامي

في صورة جوز عيون صافية

وبنت جمالها كله سَمَارْ

وأنا شايلِكْ عروس الدارْ

وضرْب النار في كفّ عمامي مامْبَطّلش

غريب الحِلم لما يواعِد النّعسان ومايطوّلش

شمس : الله جميله . انت بتحب الجخ عشان من قنا

فزاع بضحك: اه بلديات بقي..

شمس ضحكت علي صوت ضحكاتهم

فزاع : بقول كفايه اكده بقي . عايزك في كلمه سر

#######

. ومرت الايام وصقر في القاهره لان الدراسه بدات

كان بيوصل ضحي معاه الجامعه الصبح .والحياه ما بينهم فيها شقاوه وحب ومش بتخلي من الغيره

وفزاع مشغول بالشركه والارض ومشاكل البلد وبيخ*ف الوقت يقضيه مع شمس حياته

شمس لناصره : عمتو ما تيجي نخرج نتفسح

ناصره : عايزه تروحي فين

شمس : تعالي نركب مركب علي النيل . بس انتي اللي هتقولي لفزاع

ناصره : ماشي . اطلعي البسي وانا هكلمه

شمس صعدت الي غرفتها وابدلت ملابسها لتستعد للخروج ولكن عند نزولها سمعت صوت ضيوف

شمس : اووف هو ده وقته انا زهقانه ..

توجهت لاسفل لترحب بالضيوف

ناصره : تعالي ياشمس سلمي علي

الحاج( اشرف )عم فزاع ودي مرته الست( ناديه) ودي (مني) بنتهم .وده (مازن ) ابنهم

........

(( اشرف ده عم فزاع ده راجل طيب وغلبان عنده ارض في البلد وبيت بس هو بيحب يسافر يشتغل بره وبياخد معاه مراته واولاده ))

((اما ناديه: مرات اشرف دي مش سهله وعلي طول بتحبب تخطط . وتعمل في مصائب ))

(( مني: بنت عم فزاع مدلعه . كانت بتحبه من زمان بس هو مش في دماغه . عندها ٢٥سنه ))

((مازن: ابن عم فزاع ده صغير عنده ١٧سنه بس طيب . مشغول دائما بالموبيل ))

......

شمس سلمت عليهم بابتسامه: اهلا وسهلا نورتونا

جلست بجانب ناصره

مني بغيظ بتكلم امها في ودنها : دي بقي اللي اتجوزها فزاع . مش حلوه علي فكره انا احلي منها

ناديه : ده انتي قمر .

اشرف : والله ياحاجه ناصره . انا كنت مسافر في شغل والعيال معايا ولسه جي من السفر . قولت اجي ابارك . واعتذر منك

ناصره : ربنا يقويك يا حاج. حمد لله علي السلامه نورت قنا

ناديه : تسلمي يا حاجه . فين فزاع مهمل مرته ليه ده لسه عريس حتي

ناصره : الشغل يا ام مني . انتي عارفه فزاع زين

ناديه : ربنا معاه . وصقر فين هو كمان

ناصره : رجع القاهره عشان الدراسه ابتدت

اشرف : هنقوم احنا ياحاجه ونبقي نيجي في وقت تاني يكون فزاع اهنا

ناصره : والله ما يحصل. انت هتقعد تتغدا معانا وانا هكلم فزاع يجي

مني : اه خلينا يا بابا . انا عايزه اسلم علي فزاع وكمان هنقعد فين

ناديه بخباثه : هنقعد في اي فندق لحد اما الدار يتوضب

ناصره : وده اسمه كلام يا حاج اشرف . بيت اخوك مفتوحلك في اي وقت تيجي اهنا .

اشرف : ما عهينفعش يا حاجه . كلها يومين وننقل للدار .

ناصره : والله ما يحصل .. و(نادت علي سعاد )

سعاد : نعم يا حاجه

ناصره : وضبي ٣ غرف بسرعه وقوليلهم يحضرو الغداء

سعاد : امرك يا حاجه .

(( جريت سعاد واخذت معاها كام بنت وطلعت تنظف الغرف))

...

ناصره اتصلت بفزاع واخبرته أن يحضر ليرحب بعمله ويتناول الغداء

مني وناديه يرمقون شمس بغيظ وشمس مش في دماغها حاجه .

ومازن يجلس معاهم ولكنه مشغول بالموبيل .

واشرف يتحدث مع ناصره . مر الوقت وفزاع وصل

دخل من الباب وهو يرتدي بدله رماديه اللون جميله عليه

يبحث بعينه علي شمس حياته

اول اما عينيه وقعت عليها ابتسم ابتسامه جذابه

وهي ضحكت وقفت وخرجت من الصالون لتذهب إليه تضمه . حضنها وقبل راسها .

ثم توجهه الي الداخل يرحب ب عمه ومرات عمه ومني ومازن

وبعد السلام والتحيه جلس بجانب شمس

ومني تشعر بالعيد منهم .. ولكن شمس في دنيا اخري مع فزاع

......

الغداء جهز و جلسو علي المائده كلهم

شمس ساعدت فزاع في خلع جاكت البدله واعطته لسعاد تضعه لاعلي .

رفع اكمام القميص و جذب الكرسي واجلس شمس بجانبه

. كل ذلك يحدث وعيون مني تراقب كل تلك التفاصيل وهي تشتعل من الحقد

انتهي من الطعام

ودخل فزاع يغسل يده في الحمام كانت شمس تقف أمام الباب بالمنشفه ... خرج فزاع ليغمز لها وهو يجذبها إليه و خ*ف قبله سريعه منها من دون أن

يلاحظ أحد .. ولكن مني هي اللتي كانت تراقبهم والحقد يملاء قلبها

جلس فزع مع اشرف ومازن وهو يتحدث معاهم وشمس وناصره تتحدث مع ناديه . ومني تحاول أن تستفز شمس لتحرق دمها

مني لشمس : بس فزاع احلو اووي

شمس : هو اصلا حلو من الاول

مني : اه انتي هتقوليلي . ده البنات كلها كانت عتموت عليه وهو كان بيوصلني المدرسه . ويقولي سيبك منيهم

شمس بغيره : والله . هو كان بيوصلك المدرسه كمان

مني : اه أصله . كان عيخاف عليه كيف عنيه . بس احنا سفرنا واتفجات انه اتجوزك انتي

(( ونظرت لها بسخريه من أعلي لاسفل ))

شمس اتغاظت : ومالها انا . ده فزاع بيموت فيا

مني بخبث : فزاع طيب وعيحب كل الناس . اساليني.. انا اللي عشرته انتي كنتي في القاهره . وانا متربيه معاه هنا

شمس بغيظ: ههههههه. طيب

مني في سرها : انا هخليكي تتغاظي مني وتنكدي عليه عشان يكره يقعد معاكي .&&&&&&&&&&&??

********

عند صقر في الجامعه كانت لديه محاضره بعد ساعه اتصل بضحي ليعرف مكانها واخبرته انها في الكافيه حق الجامعه ذهب وجلس معاها

صقر : واحشاني

ضحي : وانت كمان . فاضي وله وراك حاجه

صقر : لا عندي محاضره كمان ساعه . ليه

ضحي : كنت هعزمك علي الغدا . بس تتعوض

صقر : مره تاني . انتي عندك محضرات

ضحي : لا دي كانت اخر محاضره .بس هقعد معاك لحد اما يجي معاد محاضرتك .وبعدين همشي انا وانت اول اما تروح طمني عليك

(تاليف: ياسمين علاءالدين)

صقر بيكلم ضحي وهناك فتاه اقتربت لتتحدث الي ك صقر

ضحي بتهمس في اذن صقر : اتلم وبطل ضحك

صقر : وانا عملت الحاجه . البت بتكلمني وبتسالني علي حاجه

البنت واسمها سالي : بجد يا دكتور انت شرحك ممتاز . انت مرتبط

ضحي : وانتي مالك انتي . وعلي فكره اه مرتبط

سالي بتبص لصقر : بجد

صقر ضحك علي غيره ضحي : اه بجد . متجوز كمان وبحب مراتي جداً

ضحي : شوفتي . امشي بقي بعيد

سالي : طيب . انتي بتتكلميي كده ليه

ضحي : انا بكلمك لحد دلوقتي باحترام . بس بعد كده مضمنش نفسي ممكن اعمل ايه فيكي

صقر بصلها بغضب وبعدين بص لسالي : في حاجه تاني مش فاهماها

سالي : لا شكراً يا دكتور . ربنا يخليك لينا . سلام هشوفك في المحاضره

مشيت سالي . وضحي بصت لصقر : ايه بقي ده اللي حصل

صقر : ضحي انتي مش ملاحظه انك مزوده الموضوع اووي . انا معيد هنا مش طالب . يعني شئ طبيعي ان اي واحده تيجي تكلمني وتسألني علي اي حاجه .

ضحي : يعني انت تقبل عليا ان في واحد يقف يكلمني

صقر بغضب : علشان يكون اخر يوم في عمرك . انتي اتجنينتي . مفيش وجه مقارنه بين ده وده . انا هنا قولتلك زفت معيد وبيسالوني . لكن انتي طالبه اللي جي يسالك هيسالك علي اي تشرحي مثلا حاجه .

ضحي بدموع : انا بغير عليك وبعدين البنات معجبين بيك .

صقر وقد تفهم موقفها : اووف . ممكن تهدي . انا مقولتش متغريش . انا بقولك بال*قل واحده بتسالني علي حاجه وانا بتكلم معاهم باحترم . صح

ضحي : صح . بس اصل انت ضحكتك حلوه فبطل تضحك قدامهم

صقر ضحك بصوت عالي : والله انتي اللي حلوه . وحاضر يا ضحي مش هتضحك قدام حد . . حاجه تاني

ضحي : امممم . بطل تبق حلو متحطش برفان وله تلبس هدوم شيك كده . وله ***

صقر : بس بس . اه في ايه . انتي لسعتي علي الاخر

ضحي : بحبك اعمل ايه

صقر : ما انا بموت فيك . اعمل ايه

ضحي : متشوفش غيري . وخليني علي طول قدام عينيك

صقر : انت مش قدام عيني . انتي جوه قلبي وعقلي وعيني . اهدي بقي .

صقر وضحي اتكلمو واوصلها الي تا**ي وعاد الي المحاضره???

*************

الحلقه ١١

{ ربي اشرح لي ص*ري ويسر لي امري }

سعاد جهزت الغرف وناصره أخبرتهم أن يصعدو ليرتاحو . و دخلت غرفتهاا وشمس صعدت . فزاع خرج يصلي العشاء في الجامع وصعد لشمس

شمس ابدلت ملابسهاا وتزينت بس كلام يتردد في اذنها وتفكر به

فزاع دخل عليها وهي كانت سرحانه ضمها

شمس : فزاع ...صليت

فزاع : اه الحمد لله

شمس بتفك زراير قميصه : تقبل الله

أبدل ملابسه و جلس علي السرير

هي جلست بجانبه..... جذبها لتنام وهو وضع رأسه علي كتفها لتداعب شعره

شمس : فزاع هو ممكن اسالك علي حاجه

فزاع : اسالي

شمس : هو انت كنت بتوصل مني مدرستها

فزاع رفع راسه وضحك جامد

شعرت بالغضب لتبتعد عنه .. جذبها من يدها لتجلس علي الفراش

شمس : يا سلام و بتضحك علي ايه

ضحك أكثر

شمس : ابعد بقي كده . علشان مش هكلمك زعلانه منك . اكيد في بينك وبينها حاجه . وافتكرتها علشان كده بتضحك ومبسوط

تحكم في ضحكاته : احم . اصل شكلك عسل اووي وانتي غيرانه . عمله فيها ناصحه وبتسالي السؤال غلط

شمس : ايه اللي غلط بقي ؟؟

فزاع : احم ..خلاص كفايه ضحك .

شمس : قول لنفسك انت اللي بتضحك مش انا

فزاع : بصي ياشمس.. عمري ما حبيت حد في حياتي غيرك . بحبك من وانتي صغيره وقولت الكلام ده قبل سابق بس انتي بتنسي . اما بقي مني دي فهي هبله . كانت بتفضل تزن علي امي اني اوصلها المدرسه وامي كانت تقولي وصلها .كام مره مش كتير . وبعدين عمر ما كان في حاجه ما بينا . ولو كان في حاجه كنت اتجوزتها . بس كده

شمس : طيب انت كنت تعرف بنات

فزاع : مش هجوبك علشان سوال سخيف

شمس بدموع ،: لا قولي الحقيقه جاوبني

فزاع اتعصب من بكائها لانه يري أن الأمر لا يستحق حزنها وله دموعها... وقف وجذبها لتقف امامه

ومسح دموعها : انتي ليه كده . قولتلك بحبك وبموت فيكي . مش كفايه كل ده

شمس : لا .. جاوب علي سؤالي

فزاع : اووف . ايوه كنت بعرف بنات بس كان مجرد كلام وهبل وانا صغير في ثانوي وعمر الموضوع ما تعدا اكده . طول عمري عحبك انتي . (نفخ)نكدتي عليا واستريحتي وله لسه في حاجه كمان. انا نازل

شمس امسكت يده وهو وقف : فزاع بص في عيني

فزاع بصلها : نعم يا شمس

شمس ببراءه: قولي انك بتحبني وعمرك ما حبيت غيري وانت باصص في عيني . علشان لو بتكدب عينك مش هتكدب عليا

فزاع ضحك علي كلامها وبصلها بتحدي وقالها : يا خربيت كده . بطلي الطفوله اللي فيكي دي .. ياشمس انا مش بحبك .. انا بعشقك وبموت فيكي . وطول عمري بحبك وبعشقك وعمري ما حبيت وله هحب غيرك . ارتاحي بقي

شمس حضنته جامد وهو حضنها : بحبك يا فزاع وانت عندي كل حاجه من حقي اغير عليك . واخاف كمان عليك .

فزاع : وانا بقولك انا كلي ملكك ومتحرم عليا الستات غيرك . ارتحتي يا شمسي

شمس ضحكت ومسحت دموعها وطبعت بوسه علي ص*ر فزاع . اللي ضحك ورفعها اليه وهي قبلته علي شفتيه . هو اكمل ما بدائته ??

######

في القاهره

اتصل صقر علي ناصره واطمن عليها وعلي فزاع وشمس واخبرته انه عمه اشرف هنا هو ومراته وعيا

أولاده

.. واخبرها أن تسلم عليهم

اغلق مع ناصره كانت ضحي بتتصل بيه

ضحي : كل ده انتظار . بتكلم مين علي الصبح كده

صقر : هكون بكلم مين . امي يا ضحي ربنا يهد*كي ..

ضحي : اوك . كنت بطمن . اتاخرت ليه . مش قولتلي هوصلك

صقر : لسه بدري علي ميعاد المحاضره

ضحي : لا . ما انت هتفطر معايا . مجهزه الفطار ومستنياك

صقر : اه . الدلع ده وراه طلب

ضحي : هههههه . علي طول قفشني كده

صقر : قولي عايزه ايه

ضحي : صحبتي كلمتني وفي رحله طالعه وعايزه اطلع معاهم اغير جو

صقر : لا الكلام علي الموبيل مش هينفع . انا جيلك في الطريق . وقفل التلفون

ضحي في سرها ربنا يستر

. بعد نص ساعه وصل صقر وضحي فتحت الباب دخل وسلم علي امال زوجه خاله وجلس مع ضحي في الصالون

صقر : رحله ايه يا حلوه اللي عايزه تطلعيها

ضحي: رحله للعين السخنه . ما تيجي تطلع معانا هتبق جامده

صقر : لا مش موافق وبعدين ابوكي يعرف الكلام ده

ضحي بزعل : لا لسه مقولتش . قولت اقولك انت الاول .

بس لا ليه . انا عايزه اخرج واغير جو

صقر : اخرجك انا .

ضحي بفرحه : بجد

صقر : اه . عايزه تروحي فين

ضحي : اممممممم . وديني دريم بارك .

صقر : الملاهي !!!

ضحي : اه وبعدين ندخل سينما

صقر : حاضر يا ضحي اللي انتي عايزه المهم متروحيش الرحله . وشيلي الموضوع ده من دماغك خالص

ضحي بفرحه : ربنا يخليك ليا يا عمري

صقر : ويخليكي ليا

دخلت امال واخبرتهم ان الفطار علي السفره وعابد في الخارج

وفطرو كلهم مع بعض . وبعدين نزلو راحو للجامعه

########

عند فزاع وشمس

اتجمعو الصباح للفطار كان فزاع يرتدي جلباب

مني بدلع : صباح الخير يا فزاع . نمت كويس .

فزاع كان يجيب ولكن شمس أجابت قبله

شمس : اه طبعا الحمد لله نام كويس . (وبهمس) اصله مش بيعرف ينام غير في حضني

مني شرقت : كح كح كح

ناديه بخضه : مالك يا حبيبتي . اشربي مياه . عين وصابتك

فزاع ضحك وقرب من شمس : مكنتش عارف انك شرسه اكده . قولتلها ايه . قلب حالها اكده

شمس : متشغلش بالك انت . انا هربيها من اول وجديد .

فزاع : يا شرس انت

شمس بلهجه صعيديه : مش مرت الكبير . لازمن اكون اكده

فزاع ضحك وبهمس : انتي قلب وروح الكبير

اكملو الفطار من غير كلام فقط نظرات بين فزاع وشمس تكفي .... وهناك من يشتعل من شمس

فزاع انتهي من الطعام وخرج مع اشرف عمه ومازن الي الارض لانه كان يتابع ارضهم

.. شمس جلست مع ناصره وحكت علي حديث مني وانها غير متاحه من التعامل معاها

.........

مني وناديه بيخططو لشمس

مني : البت دي مش سهله انا لازم اخليها تطلق واتجوز فزاع انا بحبه من صغري . ليه يتركني

ويتجوز الزفته دي. فيها ايه زياده عني

ناديه : انتي احلي منها بكتير . هي بس تلاقيها ادلعت عليه وامه قالتله بنت اخوي واكيد اتجوزها علشان امه

مني : فزاع ده ملكي انا . انا بس اللي بحبه.

ناديه : انتي حاولي تشغليه بيكي . وانا البت دي هتصرف معاها .

في المساء

كانت مني في انتظار فزاع في الاسفل

عندنا رائته ركضت اتجاهه جريت ومثلت انتا اصطدمت به أنها ستقع

فزاع بغضب : اتعميتي وله ايه . ما تبصي قدامك

مني بدلع : معلش يا فزاع (وبتقرب منه) اصلي كنت خارجه

فزاع : متخرجي وله تولعي وانا مالي . اوعي من سكتي . اوعي

فزاع دخل لغرف ناصره واطمئن عليها وسال علي شمس أخبرتها انها بالاعلي . صعد لها .

شمس وقفت لاستقباله وهي تبتسم

فزاع: شمس قلبي عامله ايه

شمس : الحمد لله بخير طول ما انت معايا

فزاع : قلبي وحياتي انا طول عمري معاكي .

غضبت وامسكت الجلباب لفزاع وهي تنظر إليه

.

شمس بعصبيه : ايه ده

فزاع : ايه في ايه . ايه حوصل

شمس : الروج ده جه منين

فزاع : اكيد منك

شمس : انا مش حطه اللون ده يا فزاع

فزاع راح للمرايا وبص علي الروج : اه صح . يمكن من مني

وضعت يدها علي خصرها : نعم يا خويا .

فزاع : اهدي يا مجنونه . وانا داخل البيت مني خبطت فيا وتقريبا الروج ده منها

شمس : اوعي بقي . انا هنزل واتصرف معاها البت دي لازم تتربي ، قليله الادب

فزاع امسك يدها : خلاص يا شمس . الموضوع ما يستهلش مشكله. ودول ضيوف عندنا

شمس : سيب ايدي . البت دي مش هتتلم . لازم اتصرف معاها

فزاع بحزم : قولت خلاص يا شمس. اقعدي ساكته

حزنت لانه منعها من الخروج وايضا لانه غضب عليها

... تركته وذهبت الي الفراش واغمضت عينها بحزن

أبدل ملابسه وتمدد علي الفراش بجانبها حاول أن يقترب منها ولكنها ابتعدت عنه ليتركها

*********

يتبع