DAHIL SA PAG-I-STALK ni Zenna kay Matt Recaforte sa f******k ay na-late na siya ng gising. Kung kailan dapat siyang mag-apura dahil sa ngayon ang pagtalakay ng department nila ang tungkol sa new project for Summer Bikini Collection.
Hindi dapat siya mahuli sa opisina ngayong umaga. Ngayon heto siya at hindi magkandatuto sa paglalagay ng kolorete sa mukha dahil sa pagmamadali.
Gusto niyang pagsisihan ang magbabad sa f******k kagabi para mag-spy sa account ni Matthew. Wala rin naman siyang napala. Wala nga yatang upload photos ang lalaki kundi ang profile photo lang nitong larawan ng Leopard.
Naisip niya, sa guwapo ng binata, bakit kailangan nitong itago ang mukha? Pero ugaling Leopard din naman ito— nakakatakot lapitan, kaya tama lang na iyon ang inilagay nitong profile photo.
Wala
