Chapter 40
Hailey Sophia Medrano
HINDI siya nagdalawang–isip na samahan ako nang sabihin ko sa kanya kagabi na may check up ako today, akala ko magdadalawang–isip pa siya. May rehearsal sila buong hapon para sa concert bukas. Alam ko kung gaano kaimportante iyon sa kanya.
Pero hindi siya tumanggi.
“I’ll move it,” sabi lang niya habang hawak ang phone. “I’ll adjust.”
“At rehearsal?” tanong ko noon, hindi makapaniwala.
“I said I’ll adjust,” ulit niya, seryoso. “You come first tomorrow morning.”
Hindi ko alam kung bakit, pero doon ako napangiti.
Ngayon, magkasama kami sa clinic. Tahimik ang hallway. Dahil maaga pa. Pinili naming pumunta sa private schedule para walang makakita. Walang tsismis. Walang mag–picture.
Tulad ng usapan, mananatiling lihim ang lahat.
Hindi na ako kumontra.
