Chapter 46
Hailey Sophia Medrano
DALAWANG araw na ang lumipas mula nang matapos ang concert ni Brayden sa Araneta, pero hanggang ngayon parang hindi pa rin humuhupa ang ingay nito sa social media. Kahit saan ako tumingin, puro iyon pa rin ang laman ng feed ko.
Nakaupo ako sa sofa ng condo habang hawak ang cellphone ko at nag–scroll ng kung anu-anong videos na lumalabas sa timeline ko. Halos lahat galing sa concert. May mga short clips na kinunan ng fans mula sa iba’t ibang anggulo ng arena. May fancams na nakatutok lang kay Brayden habang kumakanta siya sa stage, may edits pa na nilagyan ng slow motion at dramatic music.
Napailing ako habang pinapanood ang isang video. Sa clip na iyon, makikita si Brayden na bumaba sa stage habang nagkakagulo ang fans sa harap. Halos abutin siya ng mga
