Chapter 34
Hailey Sophia Medrano
HINDI ako pwedeng magpalamon sa iniisip ko. Kaya imbes na balikan ang picture na sinend ni Kath o basahin pa ang sunod-sunod na message ni Brayden, niyaya ko si Mara na umalis na kami para sa meeting.
Tahimik lang siya habang nasa kotse kami. Hindi siya nagtatanong. Hindi siya nangungulit. Pero kilala ko siya, ramdam niyang may mali. Paminsan-minsan, pasimple niya akong sinusulyapan pero hindi siya nagsasalita. Siguro hinihintay niyang ako ang maunang mag-open.
Hindi ko ginawa.
Kung iisipin ko pa si Brayden ngayon, kung uulitin ko sa utak ko na magkasama sila ni Kath sa out of town, na iisang duyan ang inuupuan nila, baka kung ano lang ang masabi ko. Baka kung ano lang ang magawa ko. Hindi puwede. Kailangan kong unahin ang sarili ko. At ang bata.
Humi
