Chapter 56
Hailey Sophia Medrano
DALAWANG araw matapos ang lahat, pinayagan na rin ako ng doktor na umuwi. Sinigurado muna nilang wala na ang pagdurugo at stable na ang katawan ko bago nila ako pinayagang mag-discharge. Kahit sinabi nilang okay na ako physically, alam kong hindi ganoon kadali ang paghilom ng ibang sugat.
'Yung nasa loob.
Hindi ko sinabi sa mga magulang ko ang nangyari. Ilang beses ko silang gustong tawagan habang nasa hospital ako, pero tuwing kukunin ko ang phone ko, hindi ko rin matuloy. Alam kong mag-aalala sila. Alam ko ring hindi nila kayang tanggapin ang nangyari.
Kaya nakiusap na lang ako kay Mara.
“Please… sa atin na lang muna ito,” sabi ko sa kanya noong araw na iyon sa hospital room.
Nag-alinlangan siya. “Hailey, your parents deserve to know.”
“I know,” s
