البارت الثاني

1760 Words

رهف تمشي أيامنا اعتيادية بله اي تطور اما رفل ضلت كل يوم تمر عليه للكلية عسى ولعل تشوف الاستاذ ماجانت تدري ان هو يجينه يومين بالاسبوع بس و اني هم خباثة ما كتلها متعجبة ع تصرفات اختي فجأة انكلبت مراهقة ونست كل الثكل مستعدة تسوي اي شي حته تشوفه وتحجي ويا مستغربة من تصرفات رفل لعد وتصرفاتي شسميها ليش دا اتصرف بأنانية ليش ضليت اضوج من جية رفل الكليتنه ليش ماريدها تعرف بالايام الي يتواجد بيها الاستاذ بالكلية مادري مادري كلها اسأله معلكة ويحتاجلها جواب وللاسف مدا اكدر الكه جواب لاي واحد منهم احس نفسي بمتاهة مالها نهاية رفل ومشاعرها للاستاذ الي دا تكبر يوم بعد يوم وهي مملتقية بي بس مرة وحدة و اني الي ماعرف شيصيرلي من رفل تحجيلي عن مشاعرها اتجاهه ومراقبتي اله بكل مرة اشوفه لدرجة صرت احفظ حركاته نظراته وحتى ملابسه اما هو فمادري اذا كان منتبهلي او لا او منتبه الرفل او اذا كان يعرف ان احنه شخصين او لا ******** بكر ادخل للشقة ميت تعب بعد ماكنت بالمستشفى يطلع سامر من غرفته يركض بأتجاهي والضحكة ماليه وجهه انزل للارض وافتح ايديني واحتضنه بقوة بكر يا حبيب ابوك انت سامر بابي انت تعبان بكر ابعده عن ص*ري واباوعله باستغراب: ليش وليدي يقرب ايديناته الزغار ويحاوط وجهي: بابي عنوناتك حمله(بابي عيوناتك حمرة) بكر هههههههه يااا بعد ابوك انت حبيبي هاي لأن مانايم هيج صارن يعني انت اذا متنام هم يصيرن عيونك الحلوات هيج سامر لا بابي الوح انام اني بثلعة (اروح انام اني بسرعة) بكر تعشيت سامر اي بكر عوافي… يلله حبيبي اني رايح اسبح وابدل سامر بابي من تخلص نلسم (نرسم) بكر تدلل بس رسمة وحدة وتروح تنام سامر بفرح اوك اكوم من الارض واعوف سامر وراي جانت المربية واكفة اباب الغرفة وتباوعلنه احجي وياهه بالسويدي بكر مساء الخير جيني اهلا سيد بكر بكر تستطيعين المغادرة ان اردتي جيني الم ينام سامر بكر لا انا معه اذهبي انتي اعوفها واتوجه الغرفتي بلا مااسمع جوابها ادخل للغرفة واني افتح بدكم القميص وانزعه بعدها انزع البنطرون واضل بالداخليات اخذ المنشفه وادخل للحمام اطلع بعد ربع ساعة لاف المنشفة ع جسمي بدون لا البس شي افتح الكنتور حته اطلعلي ملابس واتفاجأ بالصوت وراي جيني هل اساعدك؟ جانت واكفة اباب الغرفة وتباوعلي بنظرات سخيفة وع وجها ابتسامة بكر بعصبية الم اقل لك ان تذهبي بدت تتقرب وتدخل للغرفة جيني لم استطع ترك سامر لوحده بكر لا تقلقي انه معه عليك الذهاب الآن جيني سيدي انااا بكر جيني قلت لك عليك الذهاب الى اللقاء تتحول ملامحها للغضب وتطلع بلا ماتحجي اركع الباب بقوة وراهه وتأفأف بتذمر رغم تصرفاتها المو حلوة الي دا تزيد بمرور الوقت بس ما باليد حيلة هي الوحيدة الي تآقلم وياهه سامر بسرعة بعد مربيات هواي قبلهه اسمع موبايلي يدك واني البس بملابسي البس بسرعة واخذ الموبايل من ع الميز جان المتصل معتز صديق الغربة الوحيد طلعنه من العراق سوه لكن هوه محامي وجان مزوج بالعراق وعنده 2 بنات دز ع زوجته بعد ماستقرت اموره وحاليا عايش هوه وعائلته هنا بكر الووووو معتز هلا بالشيييخ بكر هلا يخوووي معتز وين انت بكر توني وصلت للبيت معتز تعشيت بكر ميت جووووع الله وايدك معتز يااخي تزوج وفكني حته مرتي ضلت تسميك شريجتي مهتم بيك اكثر منها بكر ههههههههه خرب يومك معتز: ههههه يلله اجيب عشه وجايك بكر منتظرك يالعزيز بعد نص ساعة تقريبا يوصل معتز واكف بالمطبخ اسوي جاي وسامر كاعد ع ميز الطعام يرسم يندك جرس الباب بكر سموري باباتي افتح الباب اجه عمو معتز يروح سامر ويفتح الباب معتز هلا ولله بالكبد شلونك عمو سامر بابتسامة زين معتز بابا وين سامر بالمتبخ (بالمطبخ) يسد معتز الباب وياخذ سامر من ايده ويدخل للمطبخ معتز وهو يحط العلاليك ع الطاولة: السلام عليكم بكر هلا بالعضيد اتقرب عليه واحضنه معتز وهو يكعد يلله تعال تعال ادري كاتلك الجوع بكر اي ولله معتز يا اخي انت تدخل للمستشفى وانت تنسى روحك بشرفك متغدي بكر لا ولله معتز وهسه الساعة ب10 بليل ادري انت جمل ماتحس بالجوع بكر شسوي يخوي والله من الشغل مالحك احك راسي خليها ع الله بس معتز ولشوكت ياخوية جم مرة اكلك ازوج لا تضل هيج ع الاقل اذا انت تنسه روحك المرة تذكرك ماتخليك هيج بكر الله كريم معتز اكل اكل هوه هذا الماخذة منك الله كريم ومغلس اباوعله بنظره جانبية وارجع اكل لان الوضع مو مال نقاش ابدا ميت من الجوع ************ رفل كاعدة بغرفتي لازمة كتابي وسرحانه بغير عالم صار ايام اروح الكلية رهف بشكل يومي ومااشوفه ومن اسأل رهف تكول مادري ومتنطيني حجي مضبوط معقولة ترك الجامعة لا لا ممعقول لعد وينه ليش مدا يداوم يدك موبايلي بهالاثناء ويصحيني من سرحاني جانت غادة هي المتصلة رفل الو غادة اهلا يا ستي ازيك رفل تمام الحمدلله غادة اييييه مالك ليه صوتك عامل كده رفل مابيه شي بس جنت نايمة غادة انا اسفة صحيتك بس كنت عايزة اسألك عن سما متصلتش عليكي عماله اتصل بيها من الصبح وما بتردش رفل ماعرف مادري بيها غادة اهاا طيب.. بس ياستي فكيها بقه.. اوعي تقوليلي انك لدلوقتي بتفكري بسي سيد ده رفل ههههههه اكذب عليج اذا كتلج لا غادة وللهي انك مجنونة في حد بيحب حد وهوه مش شايفوا غير مرة وحدة ومابيعرفش عنو حاجة رفل انتي الوحيدة الي المفروض تكون فاهمتني يعني لما حبيتي محمد كدرتي تتحكمين بكلبج غادة اااااه يارفل بتفكريني ليه حرام عليكي طب ياختي هوه مش راضي يحس وبيتمصخر عليه ليل نهار اعمله اييه قوليلي رفل شفتي… المشاعر عمرها ماكانت بدينا الله كريم بس غادة زي ماقلتي ياختي اسيبك انا دلوقتي اروح اشوف البت التانية اتنيلت راحت فين رفل مع السلامة اسد الخط من غادة الله يساعدها هي الثانية مو احسن من حالتي هم واكعة بالحب تحب محمد ومحمد مايدري بهوى دارها نازللها تصنيف اااخ يربي ارحم بحالنا ولله خطيه احنه ********* بكر بعد ماتعشينه ونومت سامر رجعت حميت الجاي وصبيت الي والمعتز الي فتح باب البلكون وكعد بالصالة اخذ صينية الجاي واروح يمه احطهه ع الطاولة واكعد يعدل كعدته معتز وجكارته بأيده ايي ولله وكته اسحبلي جكارة واخذ كوبي مالت الجاي معتز ي عيني سولف اباوعله بأستغراب شسولف معتز شوف اضحك ع العالم كلهه بس من توصل يمي اوكف انت صويحبي من عمر واعرفك شبيك كبل لا تحجي وادري بيك مو ع بعضك ابد فأحجي شبيك بكر احط الكوب ع الطاولة وارجع راسي ع القنفة واني اسحب نفس من الجكارة وازفر بقوة ااااخ شحجي وشسولفلك بكلبي ضيم ياخويه ضيم معتز و اني جنت ولا زلت مستعد اسمع ضيمك بكل وقت كول خويه اسمعك بكر هي وحدة الي شبت النار بكلبي وخلتني بهالحالة معتز هههههه هاااا اني كلت حالتك مو لالله واخيرا وكعت ومحد سمه عليك دكتور بكر مادري يا معتز مادري اذا هوه حب لو اعجاب بي الي اعرفه ان لما اشوفها كلشي بيه يرجف وماكدر امنع عيني تباوعلها نظراتي لا ارادياً تروح عليهه معتز هههههههه طحت يكبييييير بكر هسه انت جاي تواسيني لو شمتان بيه حدد موقفك معتز ههههه لا لا بربك كمل حلو شكلك وانت عاشك ههههههه بكر هوه انت صوجك كوم ولي البيتك كوم معتز هههههههههههههههه اكوم واسحبه من ايده وامشي للباب وادفعه بره واسد الباب وهوه بعده يضحك اااخ يا كلبي تاليتي صرت مضحكة ************ يوم جديد رهف اليوم عدنه محاظرة لأستاذ بكر طبعاً عرفت اسمه من الطلاب وما كلت ولا جبت سيرة الرفل بالرغم هي يومية تسألني لكن خلص هالشخص لازم نبتعد عنه ثنينه وننهي القصة قبل لا تبتدي ********** بكر اكعد وكلي نشاط اليوم اشوف وردايتي واكحل عيوني بطلتها اااخ يبنية كلبي ورويحتي وين جنتي عني كل هالسنين تمنيت اشوفج من زماااان ومااخلص كل هالسنين بالتعب ادخل للجامعة بخطوات ثابتة وانه عيوني تدور عليها اريد المحها لو من بعيد بعد نص ساعة ع المحاظرة واحس نفسي بعد مابيه صبر ********* رفل جنت مثل كل يوم اوصل رهف وادورلي حجه حته انزل وياهه وفعلا نزلت وكعدت يمها هي وديما شويه بعدين ايست منه وودعتهم وكمت حته اروح الكليتي الي صارلي فترة يومية اتأخر عليهه بكر جنت امشي وعيوني تدور واحس كلبي رجف كل عضاي بادت وانه اشوفها جاية من بعيد رويحتي لابسه احمر احسها كلوب ومشتعل مو بنية احتركوا اهلج ع هالجمال ولج بطأت خطواتي وضليت امشي ع كيف واني سارح بيها بس ما جنت اريدها تنتبهلي رفل جنت امشي وتقصدت افوت من المكان الي اتصادمنه بي عسى ولعل اشوفه وفعلا شفته واحس كل الطاقة صارت بيه جان يمشي بهيبته وشخصيته المعتادة واتعمدت افوت من يمه بس مانتبهلي ولا رفع نظرة اصلا وخابت كل امالي وطلعت من الكلية وانا مامتحمله نفسي بكر بقيت امشي وانا احس روحي طارت الها قبل جسمي وكلما اتقدم خطوة منها احس نفسي اذوب من الجمال الي اشوفه تقربت وفاتت من يمي بس تعمدت مااباوع وماردتهه تنتبهلي فاتت ولو بيدي اركض والزمها وماخليها تروح ياا بعد بيتي انتي ******** بــــس الــــك يحلـــــه الغـــزل والغــــزل بــــس بســـمك حلــــه يــا وردة بجتــــاف الجــــرف يــــا احلـــــه من ريـــــم الفلـــــه يـــــا عمـــــي درحمــــنه ولــــــك يـــا مـــــن جمــــــالك مشكــــــلة يـــا امعجـــز كـــل اهــــل الوصـــــف يـــا احلــه مــــن كـــل مگــــذلة الگمـــر منــــك يستحـــــي ومـــن تطلــــــع انـــــت تخجلـــــه انـــــت مثـــل قــــرص الشمـــــس بالعيــــن مــا ينصــــدلـــه ولمــــن أشوفــــك انخبــــص يابــــو نظــــرة قاتـــــلـــة ولســــاني بحلگــــي ينعگــــد وگلبــــي يندهلــــك هــــــلا منقول ********** رهف تتجمع كل الطلاب داخل القاعة قبل المحاظرة ب10 دقايق واني بعدني مصرة ع قراري لازم ابتعد وابعد رفل عن هالرجال خلص هذا احسن حل فجأة يعم الهدوء بالقاعة والكل يسكت انتبه ع الباب واشوفه دخل ياربي هالرجال احس بي سحر خاص هدوءه رزانته ابتسامته شكله صفاته صعب تنجمع بشخص واحد يدخل ويلقي التحية ويبدأ المحاظرة مباشرة احسه يباوع بأتجاهي مادري فعلاً ديباوعلي مادري اني هيج احس لان دا افكر بي احتاريت ولله بعد ربع ساعة من المحاظرة يندك الباب ويدخل طالب من الدفعة جاي متأخر يحجي ويه الاستاذ ويعتذر منه بكل هدوء لأنه مايكدر يدخله ويطلب منه يطلع بعد ماطلع الطالب يرجع يكمل المحاظرة وفجأة وهوه يحجي يقترب مني لأني دائماً كنت اكعد بالستيج الاول ماابدله يقترب واحس روحي راحت كلما يقترب خطوة باتجاهي احس كلبي دكاته تقوه وتعله ينحني وياخذ القلم مالتي الي جنت حاطته كدامي ويسجل اسم الطالب المتأخر عنده ويرجع القلم وهذا كله بلا مايقطع الشرح احس دكات كلبي القاعه كلها دا تسمعها جنت احسه دا يباوع عليه لما اقترب بس ماجانت عندي الجرأة ارفع عيني واشوفه ضليت مدنكة ومشتته نظراتي لحد ما خلص وابتعد بكر بعد ما صادفته بره توجهت رأساً المكتب العميد وطلبت منه ملف معلومات المرحلة الرابعة انطانيا وبديت ابحث عن اسمها رهف…. الله يا هالاسم اسمها رقيق مثل شكلها اووووف يرويحتي كلشي بيج حلو بعد مااخذت كل معلوماتها رجعت الملف وطلعت من مكتب العميد وتوجهت المحاظرتي طول ما اني المحاظرة جنت اختلس النظر الها بين فترة وفترة انتبهت عليها شايلة جزء من شعرهه ليفوك مو مثل قبل شويه من شفتهه جان كله مفتوح استغليتهه فرصه لمن اجه احدى الطلاب متأخر واعتذرت عن حظوره للمحاظرة واقربت منهه بحجة القلم مع انو جان عندي قلم بس حبيت اتقرب منها واحسها مضطربة وخجلانه ودكات كلبها تنسمع اروح فدوة لليخجل اني رهف خلصت المحاظرة اخيراً ولو مطولة اكثر جان خلص كلبي بقه يلملم باغراضه وسمح للطلاب يطلعون ماصدكت اخذت كتبي وض*بت ديما ع جتفها كمنه ووصلنه الباب القاعة وجان يطيح كلبي من يجيني ذاك الصوت رهف يتبع

Free reading for new users

Scan code to download app

App Store Google Play

Facebookexpand_more