بين ش*يقتي وشقائي

وحـــتى لو صدفة.. وتلاكـــينا بدرب إعتيــــادي تنـــع** خطـــواتنا وشـــاءت الصـــدفة وتلاكــــينا بدرب هـــوه رايـــح... و انــــي جــــاي كــــلبي شـــك صـــدري وطفر وإفتـــــر وراي وكـــام يدفعــــني على دربـــه ويكول... فدوة فدوة والله آخـــــر مرة هـــــاي منقول ************* السويد... ستولكهولم الساعة بالسبعة الصبح بدت الشوارع تزدحم بالسيارات والناس من أول الصبح ومع بداية وقت الدوام مثل كل يوم الجو بارد جداً والضباب يسود اجواء ستولكهولم وقطرات الندى متخذة أماكنها على اوراق الأشجار رفل إستغفر الله وين راح هذا البدي صار ساعة ادور راح يروح عليه الوقت وأني بعدني مامبدلة طبعاً اكيد عد رهف... بسيطة اني اعلمج أطلع من غرفتي واتجه لغرفة رهف أفتح الباب بعصبية وادخل انتي ماتوبين من سوالفج شكم مرة كتلج لا توصلين لملابسي شوفي الساعة بيش صارت واني بعدني مامبدلة من ورة حظرتج واكفة ع المراية تتمكيج وتباوعلي من خلالها: الناس تكول صباح الخير... بعدين شسوي بملابسج اني اشو كل شي عندج عندي مثله شسوي اخذهن رفل لعد وين راح البدي مالتي النيلي رهف واني شدراني روحي دوري اكيد هسه صايرة عركة بكنتورج مثل العادة مادري شلون تلكين غراضج انتي أعوفها واطلع من الغرفة بعصبية واني ادردم يااااربي محد يذب ع نفسه عيله بهالبيت كلهه صاحبة حق ************* رهف أبتسم ع أختي الي ماتتفاهم أبداً دائماً نار وشرار رفل أختي التوأم أني وياها وكأنما حباية ومقسومة بالنص لكن بالشكل بس ودائماً نلبس نفس الشي كل ملابسنه نشتريها سوه أما من ناحية الاطباع فنختلف كلياً اني هادئة ومسالمة وما احب المشاكل وباردة نوعاً ما او مثل ما تسميني رفل دائماً (فاهية) أما رفل فع**ي تماماً عصبية نار وماتسكت عن حقها وماتخاف من احد الي يحاجيها حجاية ترد بعشرة وماتعرف تجامل ابداً عمرنا 23 سنة أني ادرس كلية طب جامعة ستولكهولم ورفل كلية هندسة معمارية بنفس الجامعة طبعاً احنه البنتين الوحيدتين الماما وبابا بابا مهندس معماري والهالسبب رفل اختارت هالمجال تيمناً ابابا اما ماما فمكملة ادارة واقتصاد لكن فضلت ان تكعد بالبيت وتقوم بواجباتها كزوجة على الوظيفة والشغل طلعنا من العراق بأحداث 2003 لتركيا ومنها انتقلنا للسويد واستقرينا بستولكهولم وكملنا دراستنا بيها وبابا بده يشتغل هنا والحمدلله عايشين بهدوء وسكينة حياتنا هادئة وروتينية نوعاً ما اني ورفل كلمن ملتهية بدوامها ودراستها وبابا ملتهي بشغله اما ماما فمشغولة بين واجباتهه بالبيت واتجاه بابا والحمدلله ع هالحياة اسمع صوت ماما وهي تصيحنا ع الريوك اخذ جنطتي وكتبي والقي نظرة سريعة ع نفسي بالمراية واطلع ادخل للمطبخ واشوف ماما وبابا وهمه كاعدين ع ميز الطعام وماما تصب البابا جاي ابتسم ع شكلهم سبحان الله رغم صارلهم اكثر من 30 سنة متزوجين لكن لهفتهم وحبهم وخوفهم على بعض تحسهم وكأنهم عرسان جدد اتجه بأتجاهم بأبتسامة واصبح عليهم وابوس بابا من خده وماما كذلك واكعد ليلى شصبلج حليب لو جاي رهف لا ماما حليب فدوة ليلى تدللين تجي بهالاثناء رفل وتصبح علينه وتبوس ماما وبابا ليلى تشربين جاي لو حليب مثل اختج رفل لا ماما جاي قابل زعطوطة ماعندي اسنان اشرب حليب تباوعلي بنظرة حقيرة وتمد ل**نها احمد رفل جوزي من اختج رفل باباتي حبيبي واني شكلت هسه رهف فديته المايرضى ع بنته رفل ويع ويع... بس لا تتلوكين رهف انشالله ست رفل ويلله خلصينه عندي محاظرة ب8 ونص هم يالله نوصل رفل وهي تكوم يلله امشي نودع ماما وبابا ونطلع طبعاً بالرغم من ان احنه نفس العمر لكن ماكانت عندي الجرأة اسوق اخاف جداً من الشارع والازدحامات وطبعا جانت رفل هي الي متولية هالمهمة بحكم طبيعتهه الجريئة لأن بابا اشترالنه سيارة زغيرة حته نروح ونجي للكلية وايضاً نخلص مشاوير البيت اذا كان هوه ماموجود توصلني رفل لكليتي وتروح هي الكليتها أدخل وامشي بسرعة مستعجلة لا تفوتني المحاظرة أشوف ديما جايتني من بعيد ديما صديقتي الوحيدة بالكلية سورية مغتربة بستولكهولم رهف صباح الخير ديما يا صباح العسل ليش كل هالتأخير رهف شسوي بفضل ست رفل طبعاً ديما اي يلله لكان خلينه نروح ..صحيح إنسيت احكيلك اليوم في دكتور جديد حيجي لألنا رهف الله يستر لعد.. امشينه مو من اول يوم نبديها ويا بتأخيرة ************ رفل ادخل كليتي واتوجه للكافتريا مباشرة احنة شلة عبارة عن 3 بنات و2 ولد اني وسما ومحمد عراقيين وهشام أردني وغادة مصرية احنه العرب الوحيدين بالدفعة تجمعنه من المرحلة الاولى واستمرينا ويه بعض وحاليا احنه مرحلة رابعة يومية ننجمع بالكافتريا قبل بداية المحاظرة الاولى نتريك ونراجع سوه وبعدها نروح نحظر المحاظرات ادخل للكافتريا ويأشرلي محمد من الطاولة الكاعدين عليهه و اروحلهم مباشرة رفل صباااحوو سما ومحمد وهشام صباح النور أكعد واحجي لعد غادة وين هشام راحت مشان تجيب طلباتنا وجاية سما شنو معنوياتج لامتحان اليوم رفل زفت والحمدلله محمد ونحن كذلك تجي غادة بهالاثناء بأبتسامتها المعتادة وهي شايلة طلبات الشلة غادة يا صباح الفل رفل صباحج عسل بس لا نسيتيني غادة وهي تحط الاكل ع الطاولة وتكعد و انا أقدر انساك يا قمر انت رفل فديتج اني طبعا غادة جانت متروسه شوية وتحب الاكل والشباب دائما يتحارشون بيها بس كلبها طيب كلش وماكو بشر بحنيتها محمد اكلي اكلي حتصيرين برميل طرشي غادة بأستغراب يعني اي ده سما يعني حلة مخلل يختشي غادة بزعل وهي ترمي الاكل من ايدها ربنا يسامحك يامحمد طب واللهي منا ماكله بعد كده خالص محمد هههههههههههه اشاقة يمعودة اكلي اكلي لج انتي غير البطة مالت الشلة قابل مثل هذني لمعصعصات غادة واللهي منا فاهمة حاجة رفل عوفي يلغي الوحدة محمد هاا رفولة ناوية ع نفسج اليوم رفل شحدك تنصب عليه هشام اتركن بحالن يا اخي ما بتمل انته محمد شعندي غيرهن قابل احبل اجيب سما خلصو خلصو بسرعة ورانه محاظرة ***************** مــن بـــعيد وشـــفت كـــل الجـــمال البيك و اذا تتـــقرب أكـــثـــر يندمــــر حــالــــي ولا جـــنك بشـــــر من طيــــن صـــرت ومـــــاي حـــور العيـــن كمـــت أتخيـــل كبــــالــي ردتـــك گــوة منــــهم حتـــى بيــــك ارتـــــاح يالمـــومـــالي أعــرفــك بــس كـــلت مالـــي شنـــو المــابيـــك ينحـــب كــامــل الأوصــــــاف اذاً **ـــر بجمــــع سميــــتك الغــــالي يــا نظـــرة عيـــونـك خـــزرة الشــــاهيـــن أعـثـــر لو أشـــوفـــك واگـــف گبــــالي مخبــــل عنــي گـــالوا هلــــي ومجنـــــون مايــدرون منــــك يـا حلــــــو خبــــالـــــي منقول ***************** بكر أصف سيارتي كدام الجامعة وانزل اني بكر عمري 40 سنة طبيب جراح تركت العراق قبل 10 سنوات تقريباً واستقريت بالسويد الي تجربة زواج سابقة من امرأة سويدية استمرت 7سنوات وعلى اثرها اخذت الج*سية السويدية وصار عندي سامر الي حالياً عمره 5 سنوات لكن قبل سنتين صارت مشاكل بيناتنا وطلبت الطلاك وتنازلت عن سامر الي ضل عندي وخليتله مربية تعتني بي كانت علاقتنه طول السنين الي عشناها سوه باردة وعادية جداً تفتقد الحب واللهفة وانتهت بطلاك وقبل كم شهر سمعت عنها تزوجت اعمل بأحد مستشفيات ستولكهولم اخذت الماستر من فترة قصيرة واليوم هوه اول يوم الي كمحاظر بكلية الطب كان دوامي بالكلية عبارة عن يومين بالاسبوع فقط ادخل كلية الطب واتجه للقاعة الي يتواجدون بيها طلاب المرحلة الرابعة ادخل والقي التحية على الطلاب باللغة السويدية طبعاً كانت لغتي متقنة جداً لدرجة الي مايعرفني مايحط عليه انو اني عربي اعرف عن نفسي و ابدي بشرح المحاظرة التفت للوحة المعلقة ع الجدار حته اكتب بعض الملاحظات وانطي ظهري للطلاب يجيني صوت انثوي تحجي بهمس ديما ليكي رهوفة عم تشوفي الي عم شوفو لك بيجنن بيجنن ما كأنو اجنبي بالمرة ملامحو عربية كتير رهف اششششش ليسمعج سكتي ديما ايييي علينا… و اذا سمع يعني حيفهم شنو عم نقول رهف ولو… مهما كان سكتي وبس بالبداية كنت مامنطي أهمية للي يصير وراي وللبنت الي كاعدة تمدحني وماتدري بيه دا اسمع و افهم كلامها الحد ما اجاني ذاك الصوت وأخترق مسامعي والتمست اللكنة العراقية رجف كلبي ماعرف ليش و احس اكو شي اهتز جواي كان الصوت قريب نوعاْ ما عرفت انو جاي من لستيج الاول حاولت التفت حته أعرف منو لكن كان الستيج اكثريته بنات فصعب عليه اميز منو منهن ورجعت اكتب سما لك شو هالهيبة يارهف شو هالحلا هنا التفتت قبل لا ترد حته اعرف منو لكنها اكتفت بض*ب صديقتهه بيدا ض*بة خفيفة التقطتها بسهولة ركزت شوية بملامحها جانت الملامح العراقية طاغية بوجها جمالها عربي اصيل نظرتها حادة احس كلبي حن وكأني اعرفها من سنين تجاهلت الي صار وكملت المحاظرة ماردت يعرفن اني سمعتهم يحجون ***************** رهف مر اليوم عادي وخلصت محاظراتنا ورجعت ويه رفل للبيت عدا ذاك الدكتور الي اجانه اليوم وديما لطشت عليه وكوه سكتتها ردنا ننطرد من المحاظرة الا شوية هوه صحيح حلو ووسيم وهيبة وكلشي بي يجذب لكن يبقه اجنبي و اني ابد ما انجذب للاجانب او بالاحرى ما انجذب غير للعراقي فقط وفقط الساعة 8 بليل جنة منجمعين بالصالة نباوع تلفزيون وبابا يقره جريدة ليلى احمد شمشتهي عشة احمد كلشي من ايدج عسل ع كلبي رفل الله الله ابو رفل شهالغزل ياعيني شعليج ليلى شنو تردين بعد ليلى عزه بعينج شنو ليلى ولج اختج الزغيرة اني رهف ههههههههه حل ترزلتي بعدين ليش ابو رفل خو ابو رهف رفل اني اكبر منج رهف اهووووو كلها خمس دقايق الي اجيتي بيهن للدنيا قبلي ذليتينه بيهن رفل ولو ابقه اكبر منج…. بابا خلي اروح اجيب عشه من بره يباوع من فوك نظارته الطبية ويحجي بكيفكم ليلى اي ولله ياريت بعد احسن جنت محتارة اصلاً رفل رهف تجين وياي رهف اي اجي بس خلي اروح البسلي جاكيت فوك ملابسي الجو بارد بره رفل بسرعة انتظرج ************ بكر كاعد وكدامي اللابتوب أحظر علمود المحاظرة الجاية وبيدي جكارتي تجي المربية وهي جايبه الجاي وتخلي ع الطاولة كدامي احجي وياهه باللغة السويدية بكر هل نام سامر؟ جيني نعم سيدي قبل قليل بكر تستطيعين الذهاب الآن جيني شكراً سيدي الى اللقاء تطلع المربية جيني من البيت و اضل بوحدتي جانت تجي الصبح قبل لا يصحه سامر وبليل من ينام ترجع البيتهم صح جنت ببلاد اجنبية ويمكن هي ماعدها مانع تبات يمنه لكن اني كنت صارم جداً ومتمسك بعادات وتقاليد اهلنا الي ربينه وكبرنه عليها مهما يكون تبقه هي بنية وابقه اني رجال غريب واعزب هاي حياتي وهاي معاناتي رغم شغلي الي ناجح بي ورغم احترام الكل الي ورغم استقراري المادي لكن يبقه داخلي فارغ احس حياتي بيها نقص احس نفسي مو كامل جربت الزواج وكان فاشل بالنسبة الي يمكن اختياري كان خاطئ او ليش اغالط نفسي جان هدفي من الزواج هو الج*سية حتى اثبت نفسي اكثر لكن طول الفترة الي قضيتها وياهه عمري ماحسيت نفسي بيه لهفة الها وحته من اتقرب الها كان شي عادي جداً مجرد شهوة او غريزة رجولية لا اكثر اما حب عمري ماحسيت بهالاحساس فجأة تجي ابالي صورة ذيج الانسانة ويرجع صوتها يرن بأذني الله يا هالصوت احسه سيمفونية خذتني العالم ثاني ماجذب من گال الدم يحن يتبع….. البارت الثاني تعــــاليلي الصبـــــر ذبــــاح و انـــا الوحــــدي بليـــلي تعــــاليلي السهــــر كتـــال بدونـــج يهــــدم بحيــــلي تعــــاليلي أگلــــج ويـــن صـــارت لــوعتي وويـــلي تعــــاليلي أحبـــج حيـــل و أشـــم عطـــرج اليشكـــيـلي تعــــاليلي العمــــر خلصـــان إبتســــامة وجهــــج اهديـــلي منقول *********** رهف الساعة 1 ونص بليل مطفية اضوية الغرفة عدا اباجورة اضاءتها خفيفة يم السرير مشغلتها وكاعدة ع السرير اراجع شوية قبل ما انام باجر عندي امتحان وجان ينفتح باب غرفتي وتمد راسها رفل رفل كاعدة رهف ايي دا اراجع تعاي تدخل وتسد الباب وتتقرب مني تسحب الكتاب من ايدي وتكعد رفل بسج راح تعمين من وره القراية رهف شبيج انطيني كتابي باجر عندي امتحان رفل يمعودة وقت دراسة هسه شوفي الساعة رهف ما ادرس هيج مجرد مراجعة قبل لا انام وانتي شلونه امتحانج اليوم رفل عادي... سويت العليه والباقي يم العزيز الجليل رهف: ههههههه حلوة هاي رفل وانتي شلونه يومج رهف لا جديد ..بس صحيح اليوم اجانة استاذ جديد رفل شلون شكله حلو رهف ولله فارغة.. هذا الهامج رفل لعد شلون رهف حلو ووسيم وشكله يجذب ومو جبير بالعمر بس انتي تدرين بيه مااحب الاجانب رفل اهووو انتي ضلي بعقدج رهف بس تردين الصدك اسلوبه جدا هادئ بالشرح احسن من الاستاذ الغثة الي جان يجينة بالمادة ارتاحينه منه رفل شوقتيني اشوفه رهف علويش شوقتج انتي يومية بكليتنه اكيد راح تشوفيه رفل يلله اني اروح هاج كتابج وتصبحين ع خير نامي عود مو ياخذج الواهس وتبقين للفجر ادرسين رهف ههههه لا لاتخافين اصلا نعست وانتي من اهل الخير تطلع رفل وتسد الباب هاي اختي حبيبتي احسها قطعة من روحي رغم اختلاف شخصياتنه بس نبقه وكأنه شخص واحد مو بس الشكل بيناتنه مشترك لا احس ارواحنه مشتركة عمري ماحسيت اني وياها شخصين منفصلين بالع** احس احنه شخص واحد احط كتابي ع الميز واطفي الاباجورة وانام ************* رهف تمشي الايام عادية وروتينية مابين دوام وبيت مابيها اي جديد واليوم عدنة محاظرة للاستاذ الجديد يجينه يومين بالاسبوع بس ********* بكر اصحى من النوم يمليني النشاط بالرغم ماجنت متردد او متكاسل من فكرة عملي كأستاذ جامعي لكن بمجرد ما دخلت الجامعة وتعرفت ع الطلاب حسيت اكو شي يربطني بيها او ليش اكذب تغيرت نظريتي لما سمعت صوتها وذيج اللكنة العراقية الي رجفت كلبي كلبي الي عاف العشك وقفل الباب وضيع المفتاح من سنين ابدل بسرعة واترك سامر يم المربية واطلع متوجه للجامعة ******** رفل نطلع من البيت اني ورهف وجنه لابسين سوه مثل العادة أوصلها الكليتها وتنزل واطلع اني الكليتي لكن فجأة انتبه التلفون رهف واكع جوه الكشن رفل اووووف منج رهف يالفاهية هسه شيرجعني افر سيارتي وارجع واني اتأفأف وادردم ع رهف اخذ التلفون وانزل ادخل للكلية *********** بكر وصلت للكلية قبل موعد المحاظرة بربع ساعة وقبل لا اروح لقاعة المحاظرات مريت ع عميد الكلية جان عندي شغل ويا خلصت وطلعت واني عيني بالاوراق الي بيدي اقره بيهن جنت كاتب الاشياء المهمة لمحاظرة اليوم ودا اراجع بيهن خاف ناسي شي وما احس نفسي الا داخل ببنية ارتطمت بيها بقوة واختل توازنها رادت توكع ولزمتها باللحظة الاخيرة ******** رفل دخلت للكلية واني بعدني ادردم بيني وبين نفسي ع رهف وفهاوتها جنت امشي واتلفت عسى ولعل المحها بين الطلاب وفجأة احس نفسي ارتطمت بقوة بجدار او عمود صلب جداً اختل توازني وردت اوكع جان اصرخ اوووي وجان واحد يحاوطني بقوة قبل لا اوكع احاول اركز وانتبه ع نفسي و اشوف شنو الي صار وبيمن انض*بت جان رجل عمره بالثلاثينات تقريباً وسيم جداً وملامح الرجولة كلش طاغية بوجها جان محطاوني بأديه بقوة حته لا اوكع ويباوعلي بنظرات غريبة لكن فجأة نزل عينه مني ورخه اديه وتركني حجيت ويا باللغة السويدية رفل انا اسفة ظهرت شبح ابتسامة ع وجهه وجان يرد لا عادي انصدم واتفاجأ باللي كاله انت عربي بكر عراقي رفل باستغراب وشمدريك اني عراقية بكر للحظة ردت اكلها لان سمعتج بالمحاظرة تحجين لكن بدلت وكتلها: من كلمة اووي الي كلتيها لما ردتي توكعين هاي كلمة عراقية بحته رفل ههههه ولله مانتبهت ع نفسي شكلت ع العموم فرصة سعيدة بكر اني اسعد اتركه واكمل طريقي و اني اصلا شبه ناسية عليمن جنت ادور جماله يدوخ اشم ملابسي وابتسم عطره لزك بيه واخيرا اتذكر اني ليش هنا واتوجه لقاعة رهف وقبل لا اوصل للقاعة اشوف رهف تمشي ويه ديما صديقتها وبمجرد مالمحتني اجت باتجاهي رهف رفل موبايلي لكيتي بالسيارة مو توني ردت اتصل عليج من موبايل ديما اسحب ايدها وافتحها واحط الموبايل بيها: هاج وبطلي ثول تأخرت عن محاظراتي بسببج ..الا اكولج استاذكم الجديد شلون صاير ديماا لك اسكتي بيجنن بيجنن بتقولي عربي ولله ابتسم بمكر واحجي واذا اكلكم عراقي شتكولون ديما احلفي رفل ولله.. توني صادفت استاذ اول مره اشوفه بكليتكم وانردمت بي بالغلط جنت دايخة ادور ع الآنسة وكتله اووي ربج ماغلطت عليه لو كلت شي محلو جان انعلست ديما هههههه ولله شلك بيضحك رهف هههههه مو ردتي تشوفي هاي الله استجاب دعائج رفل بس مو بهالطريقة لتفشل ديما بس عنجد الي بيسمعوا كيف بيحكي اجنبي مابيتخيل انو عربي انا هيك حكيت انو عربي من خلال الشكل بس رهف اي صحيح لهجته كلش متقنه… يلله ديما امشي ندخل للقاعة هذا هو اجه رفل دخلن البنات للقاعة ووكفت اني ع جهة اباوعله شلون يمشي ياربي هيبة يجنن احس عطره الهسه لازك بيه عبر ومانتبهلي وبمجرد مادخل للقاعة اتجهت الكليتي مباشرة ********* رهف من كالت رفل ان الاستاذ عراقي واني احس نفسي فرحت ليش ما ادري حته من دخلت للمحاظرة وبده يشرح ضليت اسمعله بكل اهتمام واراقب تحركاته وشكله جان طويل وجسمه رياضي يجي عمره بنهاية الثلاثينات تقريباً صوته وشكله وهدوءه يذكرني بكاظم الساهر هيج شي ودي اكوم واطلب منه يحجي عراقي صار عندي فضول اسمعه يحجي بالعراقي مادري ليش من حجت رفل انها انض*بت بي بالغلط وحجه وياها عراقي اجاني احساس ان هو عباله رفل اني خاصة من دخلت للمحاظرة جان كلما يلتفت تجي عينه عليه و احسه يركز بيه وبعدين يشيل نظره لما يحس اني انتبهت *********** رفل كاعدة بالمحاظرة وسرحانه وبالي مو يمهم كله يم الاستاذ للحظة حسدت رهف وتمنيت لو داخله طب مثلها كلساع اشم ملابسي وكأني خايفة على عطره لا يروح ياربي مادري شسوالي هالبشر ********** بكر لما انض*بت بيها وحسيتها راح توكع مدري شنو صارلي لزمتها بقوة جنت خايف عليها تتأذه خاصة لما سمعتها تكول اووي احس كلبي رجف وطلع من مكانه جانت مغمضة عيونها بخوف ولما حست نفسها بامان فتحتهن وياريت ما فتحتهن تخربطت احوالي وعركت وكل جسمي رجف هالبنية الله شكد تعبان عليها احس كل حسن الدنيا انجمع بيها ولما حجت جنت اتمنى ماتسكت وما تنتهي هاللحظة لكن كل الاشياء الحلوة تنتهي بسرعة وراحت وخذت روحي وياها ومن دخلت للمحاظرة اول ماباوعت ع مكانها ولما لمحتها كاعدة احس كلبي طار اوووف ياكلبي لو بس تهيد شوية ********* راح أغمــــض وانــــت فـــــوت حتــــى لا أشـــوفك وأمــــوت انـــت نــــار و انـــــي شمعــــة و ادري مطفيــــك دمعــــــة اخـــــافن تحـــــرگنـــي حبيبــــي وننتـــهي بلايــــا صـــوت منقول ****** رهف كاعدين العصر اني ورفل بالصالة كلمن لازمة كتابها وتدرس تطلع ماما من المطبخ وبيدها صينية بيها كيك وكلاصين عصير تخليها ع الطاولة وتحجي ليلى ضوكوا هاي الكيكة وانطوني رأيكم وهذا عصير طبيعي اريدكم تشربوا كله مدت ايدها رفل وتاخذ قطعة كيك واني نفس الشي رفل اممم… عاشت الايادي تجنن رهف ولله عاشت ايدج ماما كالعادة مبدعة ليلى بأبتساامة عوافي دخل بهالاثناء بابا وبيده علاليك هواية احمد ليلى تعاي هاي كل الوصيتيني عليه جبته ليلى عسى الله لا يحرمنه منك كول امين احمد امين… يلله اني رايح للمكتب عندي شغل اخلصه وارجع ليلى ننتظرك ع العشة احمد انشالله.. ما اتأخر يطلع بابا وتاخذ ماما العلاليك ودخلهم للمطبخ رفل شلونه استاذكم الحليوه رهف زين مادري ليش من كالت رفل هيج ضجت وجاوبتها بلا نفس رفل ااااه يارهف لو تدرين احس اخذ كلبي رهف(بودي اكوم واصرخ بوجها واكلها كافي سكتي) رهف شبيج تخبلتي بهالسرعة اخذ كلبج رفل ولج كلشي بي حلو ولله هيبته تذوب الصخر لو واحد مثله يحبني بعد ماريد من الدنيا شي تحجي بهيام ينرفز ماحسيت روحي غير شايله كتابي بعصبية وكايمة رهف اروح ادرس بالغرفة احسلي انتي هواي تلغين ماكدر ادرس بسببج اعوفها وادخل للغرفة وهي تهز بيدها وتدردم رفل سوادين اي ولله شبيها هاي…. اووووف كلبي يوجعني ولله شهالرجال رهف مادري شصار بيه من سمعت رفل تحجي هيج احسها تحجي عن شي مو الها احس هالرجال من ممتلكاتي طول عمري اني المضحية دائما من جنا زغار وكلشي تريده رفل انطي الها و انا الممنونة حتى امي وابوية دائما يرزلون رفل لان كلشي بيدي يحله بعينها وتريده واني جنت انطي بلا تفكير لان اختي واحبها ماريدها تزعل بس اليوم لاول مرة احس نفسي اتصرف بأنانية و بصراحة مادري ليش هيج تصرفت احس تنرفزت بلا سبب ******** بكر الساعة 10 بليل بعد ما نام سامر وراحت المربية ادخل الغرفة سامر واشوفه نايم اتقرب عليه واغطي عدل وادنك ابوسه من خده وبعدها اطلع من الغرفة جانت شقتي بيها بلكون تطل ع الشارع اطلع للصالة وافتح باب البلكون و اوكف اباوع ع الشارع والسيارات الرايحة والراجعة الجو جان بارد والهوى احسه يخترق ص*ري فجأة تجي على بالي أغنية اسحب تلفوني من جيبي وابحث عنها وابقه استمع وانا سرحان الليلة إحساسي غريب عاشك و انا مالي حبيب يتبع