[MION's POV]
Nang buksan ko ang kwarto ni Isaac ay napamangha ako dahil sobrang linis ng buong kwarto nito. Hindi ba ako nagkamali sa kwartong pinasukan ko? Sa unang tingin ay aakalain mong kwarto ito ng babae dahil sa organisadong pagkakaayos ng mga gamit. Wala ka talaga makikitang kalat sa paligid. Mas maliit ito kumpara sa kwarto ko pero mas maganda at mas malinis naman itong tingnan.
Agad na naagaw ng pansin ko ang litrato ng isang babae sa study table ni Isaac. Kung hindi ako nagkakamali ay si Samantha ang babaing ito. 'Ang kaisa-isang babaing minahal ni Isaac.'
Isa pang litrato ang katabi ng larawan ni Samantha. Isa iyong lumang larawan ni Isaac noong bata pa ito kasama ang isang babae na sa tingin ko ay si Alessandra.
Dalawa sa mga importanting babae para kay Isaac ang bigla na
