***Tala POV***
MALAKAS ang tawa ni papa habang kausap si Garett sa sala. Malakas din ang boses nya kapag nagsasalita at may tonong yabang. Hindi sa binabash ko ang sariling ama pero base ito sa napapansin ko sa kanya kapag may bago syang nakakasalamuha lalo kung may sinasabi ito sa buhay. Nagbubuhat sya ng sariling bangko at halos puro patungkol sa kanya ang kinukwento nya. Tungkol sa mga karanasan nya sa buhay gaya ng mga naging trabaho nya, mga lugar na napuntahan nya at mga malalaking taong nakakasalamuha nya gaya ng mayor at mga konsehal. Wala namang masama kung i-flex nya ang mga karanasan nya. Pero ang hindi ko ma-take ay ang lumalabas sa bibig nya kung gaano nya kami kamahal at pinahahalagahan daw ni Maki kahit may pangalawa na syang pamilya. Kung paano raw nya pagkasyahin ang kini
