ALAS SIYETE ng gabi ng makarating ako sa mansion nila Sofie.
Sinalubong naman ako ni Tita Bernadeth.
"Hijo.."
"Good evening, tita!" nakangiting bati ko.
Niyakap naman ako nito.
"Sandali lang ha? Aakyatin ko lang si Sofie, titingnan ko lang kung nakabihis na," nakangiting wika nito sa 'kin.
"Sige po, tita."
Pagkaalis nito, bigla naman akong napabuga ng hangin. Ang totoo kanina pa ako kinakabahan.
Hindi ko alam kung tama ba itong gagawin ko. Pero hindi ko na kayang ilihim pa ang nararamdaman ko para sa dalaga.
Ilang buwan na rin naman ang nakalilipas simula ng simulan ko itong ligawan. And I think, this is the right time na umamin na rito.
Ilang minuto akong nakaupo ng bigla akong mapaangat ng tingin.
Lihim akong napalunok. Para pa akong tanga na napaawang ng labi ng makita ang
