TAHIMIK lang na nakikinig si Sofie sa mga ikinukuwento ng kaniyang asawa. Dumating na pala si Daniel at nagkita nga ang mga ito kasama ang kaniyang kakambal.
Nakangiti ito habang ikinukuwento ang mga kalukuhang pinaggagawa ng kaniyang kapatid sa kaniyang kakambal. Kung paano raw hinalikan sa pisngi si Sofia at kung paano ito kumilos na akala mo galawang babaero.
"I think, 'di tayo nagkakamali, wife ko. May gusto ang kapatid ko sa kakambal mo. Lalaking tao rin ako, alam ko ang galawan ng mga kalalakihan kapag nagpapapansin sa isang babaing hinahangaan. At 'yon ang napansin ko kay Daniel. Unang pagkakataong kumilos ito ng ganoon kay Sofia. At kung 'di ako nagkakamali, kakaiba ang paraan ng titig niya sa kakambal mo. Kung paanong tinititigan kita no'n. Pagmamahal ang nakikita ko sa mga mata
