JAVIER
Ngiting-ngiti ako habang nakaupo sa nilapag kong mat sa damuhan. Inaya kong magpunta si Sarah sa likod ng hacienda. Meron doon maluwang na damuhan na puwedeng magpicnic kasama ng mga anak namin. Siyempre natuwa ako ng pumayag siya dahil ito ang unang lalabas kaming mag-anak.
“Gusto kong ganito, nagpi-picnik. Hindi na nagagawa ng mga tao ang ganito mag-bonding ng pamilya. Iyong simple pero masaya. Karamihan kasi ngayon ay kumakain sa mall o di kaya naman ay sa restaurant. Mas gusto ko ang ganito. Romantic,” ani Sarah habang may ngiti sa kanyang labi.
Ginagap ko ang kanyang kamay at hinagkan ang likod niyon habang hindi inaalis ang malagkit na titig sa babaeng pinakamamahal ko at ina ng mga anak ko.
“Of course to the special woman dapat lang maging romantic ang date natin. I lov
