SARAH
“SARAH, kausapin mo naman ako. Please?” pakiusap ni Kevin sa akin. Kahapon ko pa siya hindi kinikibo. Inamin niya kasi sa akin na siya ang nagsasabi ng mga ginagawa ko dito at kung nasaan ako. Pero hindi naman niya daw sinabi ng magkausap sila ni Javier kung saan ako nakatira, noon lang daw iyon. Hindi ko alam na nag-uusap pala ang dalawa. Wala siyang kuwentang kaibigan! Hindi siya ang tipo ng tao na nagtatago ng lihim. Tin-raydor niya ako!
Tinalikuran ko siya at lumabas ng bahay. Wala akong ganang kausapin siya o makita man lang siya. Naiinis lang ako sa kanya.
“Sarah naman tayong dalawa na nga lang dito mag-aaway pa ba tayo?”
“Iyon nga, eh? Dalawa na nga lang tayo pero nakipagsabwatan ka sa lalaking iyon. Pinagkatiwalaan kita na magiging safe ang lihim ko pero mukhang hindi man
