البارت العاشر

1639 Words

البارت العاشر .......عشك الزغيرونه قد تفقد اشياء جميله وتقول لا تعوض ويعوضك الله بأشياء أجمل تنسيك مالا يعوض خزائن الله لا تنفذ فكن واثقا بالله فإنه لقلبك كافلا سلامه لگلبك ياگلبي ❤️ السلام عليكم ورحمة الله وبركاته يسعدني ويشرفني ان التقي بكم مجددا مع احداث جديده تقبلو تحياتي اختكم الكاتبه حواء البغداديه ??????? عقيل استغليتها فرصه واني اشوفها نايمه جفي على وجها لان الحرك بجتافها يارب حلالي وتحسر عليه وكدامي شجعت روحي وتقربت قريب لخدها ردت ابوسها ماحسيت الا الباب انفتح راسا فزيت من مكاني واني امثل دور الي يعدل بغطاها نجاة هاخويه خوما يوجعها شي عقيل وهو يذبله حسرة و كال لا نايمه ماحاسه نجاة اكلك نطلع لو تبقى نايمه عقيل اليوم نبات بس باجر اشوف الدكتور شيكول لان ادري المستشفيات مابيهن علاج اخذها لعيادة خاصه خاف هذا الاثر يبقى بجسمها نجاة بسذاجة كالت مع كل اسف والله هاي الترافه تخرب عقيل وهو تطلع روحه كال الله لايكولها لاماخليها هيج حتى لو اسافر بيها لبغداد اشوفلي طبيب زين ماخلي بيها اثر بس كون تصير زينه نجاة سمعنه ونتها اثنينه فزينه عقيل بلهفه هاا يبعد روحي شتحسين عشك وهيه مكرمشه وجها كالت عمو عطشانه عقيل يروحي اكعدج وشربي مي نجاة اتقرب عقيل الها بحذر وهو يخاف يلجمها رفعها من السرير بهداوة وكعدها من كعدت ان*دل الثوب لان كان مشكك وطلع مفاتن جسمها ص*رها الي شبه عاري وركبتها لاحضت ابو مسلم وهو يباوع عليها بتمعن وعرفته بنضراته الها حيل متاثر بيها عقيل وهو يحس على نفسه ويخجل من ضعفه امام اخته الي واكفه على راسهم بدة يسحب بثوب ايريد يغطي مفاتن جسمه وعشق بيده مثل السعفه بوسط ريح كانت رايحه روحه وصايرة خرده عقيل وهو يقرب بطل المي من حلكها وهو يشوفها اشلون تشرب وشلون المي ينزل قطراته من حلكها عشق عمو رجعني للبيت ضجت هناه عقيل بويه غير الدكتور يكول يالله نطلع عشك لزمت ايده وتوسلته وكتله عفيه عمو الله عليك مالي خلك ما احب المشفى فدوة عقيل وهو ياشر لنجاة تلزمها كال هسه اروح للطبيب وشوفه شيكول عقيل دخلت على الطبيب وكتله اريد اطلعها كال مابيها شي بس اهم شي احموها من التلوث لان التلوث موزين عليها لان يسبب الها تسمم طلعها وهذا العلاج استمر عليه عشق طلعت من المشفى ١٢ بليل كان حضر التجوال لان كان الامريكان يلزمون الطريق مايخلون احد يمشي ورة ١٢ بس من شافو حالتي خلونه نتعده وصلنه البيت دك هورن راسا طلع سجاد فتح الباب سجاد بتفاجأة هاي شجابكم شفوتكم مو كلتو تباتون بلمشفى عقيل لا عشك ضاجت وكلت للدكتور وكال طلعها لحد ما باجر اشوفلي طبيب زين وعرضها عليه اتقرب سجاد ومد راسه من جام السياره وكال شون صرتي عشق بتعب زينه عقيل وهو يفتح الباب ويمد ايده يسندها ويكلها شيلي روحج شويه شويه يالله بعد ابوج عشك مديت ايدي وهو حاضني يخاف عليه خاف اوكع لو خاف ادوخ وهو يردداستندي عليه لاتخافين عشق وصلني للغرفة وكان الكل نايم دخلني لغرفة نجاة بحذر وخطوات هادئ راسا وخر الغطه وكال لنجاة جيبيلي جرجف مامنيوم بي نضيف نجاة فراشي نضيف مابي شي عقيل يابعد اخوج ماسمعتي الطبيب شكال اهم شي التعقيم والنظافه طلعي جرجف بساعج نجاة ركضت على الكنتور طلعت منه جرجف جديد وفرشته على الجربايه وسحب عشك ومددها على بطنها بحذر وكال نجاة بسرعه طلعي المعقم الجبته من المستشفى ومسحي بي الغرفه عشك المواقف هيه الي تبين حقيقة الانسان وحرصه شكد شفت وعشت ولا مرة حسيت بحنان مثل الي جاي احسه هسه حسيته مثل كلب الام على بزرها من يصير بي شي بس بلنسبه اليه اني ماشفت حنان ام لان امي مو مثل الامايات للحظة مجرد تفكير نزلن ادموعي من اذكرت امي مااعرف اشتياق مااعرف هيه غريزة الي تخليني احن عليها واتمنى اشوفها مااعرف عقيل بخبصه بويه ليش تبجين يوجعج شي عشق وهيه تحاول تخفي نشغاتها بلمخدة وتكول لا ما ابجي عقيل وهو يتقرب منها ويكلها شو خلي اشوف وجهج شاف وجهي وشاف ادموعي ذبله حسرة وكال شسوي لهاي الدموع وماخليهن ينزلن عشق من كال هيج زاد بجي وعلت نشغاتي وبدون ما احس سحبت ايده وبستها يمكن لان كنت ممتنه منه او ردت اتشكرة على احسانه عقيل سحبت جف ايدي وباستها بقيت صافن بعيونها ردت اشوف شنو ورة هاي نضراتها وريد اعرف تفسير لبوستها الي عقيل **رت خاطري هاي المرة من صدك من شفت نضرة امتنان وحسيت بنضرتها مثل الي دكول لاتعوفني عقيل وهو يحاول يطمنها وذبله حسرة وكال لاتهتمين يروحي والله لو يطير علاجج اجيبه وشوفي بس هليومين اريدج يكوة عودج واخذج لبغداد دخلت نجاة وسطل بيدها مال تعقيم وكالت ابو مسلم بس امسح عقيل اي خذي راحتج انه بس اغير ملابسي وطب اسبح وجايج نجاة لالاروح اخذ راحتك نام ماعندي شي انه انام يمها عقيل هزيت راسي وكتلها تمام ديري بالج عليها خاف تلجم وهذا دواها يمج خاف تحتاجه عقيل صعدت فوك لكيت الجهال نايمين بغرفتهم وايه نايمه يم امي متعودة تنام يمها دخلت للغرفه لكيت فاطمه نايمه سحبتلي كلبيه من التعلاكه وخاولي نضيف ورحت للحمام سبحت وحسيت جبل نزل من على اجتافي من كد التعب طلعت نشفت راسي سحبت جكارة ورثتها واني صافن بحالتها وبقيت افكر خاف بليل يثكل نومها وتنام على ضهرها وتلجمه بقيت هاي الافكار براسي لحد ماحسيت بنفسي الا واني على الدرج دخلت للغرفه لكيت ريحة الديتول بيهه تعط اجيت لكيت نجاة من تعبها نايمه بلكاع وعشك نايمه ماحاسه بنفسها ومكشف ضهرها كله كصيبتها صايره على صفحه اجتافها الي محروكه احسهن يعورن اعيوني من اشوفهن نزل نضري لانحناء ضهرها الي عبالك مرسوم رسم لان الحرك الحمد لله بس بجتافها سحبتلي مندر من الكنتور ومخده وغطه خفيف ونمت يم جربايتها وبقيت الليل كله كل ساعه اتفزز ساعه بالسته الصبح وسمع امي فوك راسي وهيه تكول هايمه جاشوكت اجيتو فزيت من مكاني واني اجاوب امي وكتلها بليل يمه من انتم نايمين باوعت عليه وهيه عبالك ملاك نايم مو هاي الوكحه ام عين الصلفه بقيت هاي الفترة كلها اداريها وشرف على علاجها وره يومين جابولي عنوان دكتور بلبصرة وخذتها ورحت بيها للبصرة والحمد لله صارت زينه وتجاوزت هاي المرحله عشق الحمد لله طابت اجروحي والاثار بقى شي خفيف وحسب كلام الطبيب كان مع الزمن يضيع الاثر ويخف لان اني جاي اخذ علاج تجميل خاص بلحروق وهذا الفضل يرجع كوله الله ولعمي الشيخ العائله بدت تنتبه لاهتمام الشيخ بيه لان كان مركز وياي بقل تفاصيل لحد مايوم من الايام وشفنه هوسه صارت بديوان ومصايح ركضنه كنه نباوع من شباك المطبخ ونشوف الشيخ يتهدد على رضيوي ويصيح وعلي اكتله بقينه متعجبين وفاطمه الي متخبله على اخوها وضاهر كانت تعرف شنو الي صاير والعركه عليمن الحجيه يمه الله يستر شجاكم وهيه لازمتلها مي وترش بي داير مداير الديوان سجاد يمه ماكو شي والله روحي طبي جوة الام لاماطب الاتكلي شكو وشيخ ليش متعصب سحبها سجاد ودخلها للغرفه مالتها وسد الباب عشك جنه الفضول كاتنه ونريد نسمع بس مع الاسف ياهو النسأله مايجاوب سجاد يمه راح اكلج بس لاتكولين لكل واحد وخصوصا البنات لان الشيخ مايقبل اكول الام يمه كول احجي وهوشتني ( يعني قلقتني) سجاد يمه اليوم رضيوي جايب خاله فيصل وجاي يكل للشيخ زوجني عشك انت مو زواجك وياها على الورق واني احق بيها اني اريدها وحطها على راسي وانت رجال مزوج وحاسبها امانه ليش كاسر بختها ومخليها معلكه وشتشرط اني موافق الحجيه اي والشيخ شكال سجاد يمه عساج لاتشوفين الشيخ يمه تخبل وكله هاي اهانه اليه اكو واحد يخطبون منه مرة وهيه مسمايه بأسمه جا انتم بيا عين شفتوني مكرن الحجيه لاعاب حلكه هاي اشلون طلعه يطلعونها يمه الشيخ يكول انه ماعتب على رضيوي الفاهي اعتب عليك يفيصل اشلون انت تجي وتحجي هاي لحجايه رجال وعقلك براسك تقتنع بحجي واحد مطفوك الحجيه يمه هذا ارعن لو مو ارعن ماحجها هاي حجايته .بس ليش الشيخ كمز بوجه رضيوي وضاربه سجاد يمه مو رضيوي استفز الشيخ ويكله اخذ رايها وشيخ تخبل طفر عليه ونام بلعومه وخلاه مثل الجريذي الي نخنك بجزوة عشق دخل الشيخ علينه وجها شاحب ويطفر شرار اني وفاطمه ونجاة جنه واكفين بعتبت الدرج منتضرين ومترقبين الاخبار ونريد نعرف شنو الي صار فات الشيخ وباوع عليه بس اني من شفت نضرت عيونه خفت وحسيت للحظة بان اني سبب مشكله وبقيت اشك بروحي ياربي شمسويه وما ادري دخل على امه الحجيه وره ربع ساعه طلعو من الغرفه هو والحجيه وسجاد كان الكل مترقب كلامهم ويريد يعرف شكو عقيل وهو يباوع لفاطمه كال عشك تعاي عدي حجايه وياج عشق التفتت يمنه يسرة مااعرف يمكن من خوفي ردت اطلب العون من الموجودين بقيت صافنه صاح بعلو صوته انطرشتي مو احجي وياج صحيت على روحي وتقدمت بخطوات سريعه وكتله هاا اي جايه جايه صعد فوك لغرفته وكلي طبي نجاة وهيه تتقرب لامها وكالتلها يمه شكو وشصاير الام بعد اشويه الكل يدري نجاة شني حزورة سجاد الله عليك شكو سجاد وهو يحاول يطمنها كال ماكو شي ماتصبرين ربع ساعه فاطمه اكلكم انه كلبي مامرتاح الشيخ ضايج لان رضاوي خطب عشك الحجيه ها كون انتي عدج علم بهاي السالفة فاطمه اي ادري بخوي جا شماله موزلمه مابيه شي يطيها اله ويريح راسه سجاد بضحك كال هو من ناحية يرتاح راسه هسه كلكم ترتاحون ويريح راسه وراسكم عشق دخلت وره الشيخ وشفته اشكد صاير عصبي وكان حركته وخطواته متوتر ومبين عليه الانفعال كعد على طرف الجربايه وشمر السبحه مالته على الميز وكان كاعد منتجي بع** ايديه على ركبه ويباوع من جوة حاجبه يعني مدنك راسه ويباوعلي اني عرفت الشيخ هاي نضرته من يكون منفعل او مترقب يسمع من المقابيه عشق هااا عمو رايد شي عقيل وهو يرفع راسه وكال انتي ملتقيه برضيوي شايفته محاجيج عشق كتله لاعمو مشايفته بس من اجينه من السوق اني وياك ومرة من تعاركت ويه فاطمه حجيته ودنكت لان خجلت منه لان راح يذكر المشكله ويضوج لو يحاسبني عقيل هذني ادري بيهن بس خاف ملتقيه بي مسير علينه وطالعتله عشق حجيتها على السريع وكتله دخلي يولي هواني اطيقه حتى اشوف خلقته الزفرة كنت احجي بعفويه وطلاقه عقيل عشك اذا يوم سمعت بيج ملتقيه بي وماكلتي احسبي الله ماخلقج فاهمه عشق كان يحجيها بتشدد ونفعال كتله لاوالله ماضامه وسال نجاة هو اني وين شايفته عشق شفته رجعت البسمه لوجه والراحه كام على السريع لزمني من جف ايدي ومشه خطوات سريعه نزل من الدرج واني وراه مااعرف شنو الي براسه وشنو الراح يسوويه نزلنه والعيون كلها تترقب الاتي عقيل بحده واصرار كال الحاضر يخبر الغايب باجر اتمم زواجي من عشك الى اللقاء احبتي استودعكم بامان الله وحفظه ملتقانا غدا انشاء الله مع احداث جديده تقبلو تحياتي اختكم الكاتبه حواء حواء البغداديه البارت غير مدقق لاتنسون الايكات والتعليقات فديتكم

Free reading for new users

Scan code to download app

App Store Google Play

Facebookexpand_more