عشك الزغيرونة

البارت الاول...... عشك الزغيرونه السلام عليكم احبتي في كول مكان اسعدني اللقاء بكم من جديد بقصه حقيقيه وواقعيه من مجتمعنا العراقي اقول لكم اتمنى ان تنال رضاكم تحياتي الكم غالين مع عشك الزغيرونه الكاتبه حواء حواء البغداديه ????? عشق احب اعرف عن نفسي بدت قصتي من ٢٠٠٥ كان عمري ١٥ سنه اني يتيمة الاب وامي مزوجه من ابن عمته بعد وفاة ابويه ٢سنه اجدادي متوفين والباقين عمامي الي همه سكنت العماره اشيوخ ومعروفين بسمعه الطيبه وصيتهم واصل لبغداد بس مع الاسف غلطتهم الوحيده مايسألون عليه عافوني بيت ابويه الي امي وزوجه ازوجت بي بعد وفاة ابويه مواصفاتي اني حنطيه صاحبت عيون كبار وجفن كثيف وجهي دائري عندي رصعه بلخدين وشامه بين حنجي وشفتي اجذب شي بيه شعري الاسود الي عبالك ليل طويل حيل لدرجة ما اكدر اضفره او امشطه كنت دائما اقنع بأمي اكوله كصي وكانت ترفض رفض قطعا طولي كان متوسط ومربربه مثل ميكولولي المدرسات هههههههههههههه يعني مو ضعيفه اطباعي جدا عنيفه وسليطت ال**ن كنت الي يسمعني حجايه اردله بعشره ودائما هذا الشي كان سبب مشاكلي بلمدرسه وبلبيت وحتى بشارع ولي يشوفني او يحتك بيه يكولي انتي ممربايه وحقيقتا ومع الاسف هذا الصحيح اني الي ربتني امي ومع الاسف كانت عقليتها محدوده وابد مافد يوم عرفت تسيرني بصحيح من كنت ازغيره لحد ماكبرت كنت الي اريده اسويه غصبا عليها امي عيبها كانت شخصيتها ضعيفه وما محتكه بمجتمع غير مجتمعها يعني متقوقعه على نفسها امازوج امي كان شكو شي اسوي فقط يعلق ويصيحني كان يكرهني لان كنت متمرده وما اسمع كلامه ولاكلام امي برغم ما اني جاي اكبر وشوف الناس اشلون عايشه اتمنى عندي عائله مثل عوائل صديقاتي من يسولفن ويكولن على وضعهن بين اسرهم دائما اشوف نفسي اني اختلف على العالم برغم ما كلبي بي طيبه تكفي العالم كوله بس مع الاسف محد جان يحس بطيبت كلبي يمكن لان كنت ضاهري ع** الي بكلبي عشق امي اسمه ايمان وزوجه اسمه فؤاد وخواني من امي واحد اسمه سعد وثاني وعد واختي اسمه لمياء لمياء عمره ٨ سنوات وسعد عمره ٦ سنوات وعد عمره ٣ سنوات الام وهيه تصيح على الجهال يهدئون اشويه لان ابوهم نايم عشق وهيه لازمه كتابها وخاله عيونها بي وكالت او نامت عليه طابوكه انشاء الله الام وهيه تسمع تمتم عشق وفهمت حجيها كالت ليش ولج شكد ادبسز ولج هو يمج عشق عيني وشدعوة هيج محترك كلبج عليه الام ولج يمعزايه ليسمعج ويروح يسوينه مشكله دكعدي وسدي حلكج فؤاد وهو يفتح باب الغرفة وكال اشكد شفت صلفات وكحات مثلج ماشفت ولج صدك ماعندج تربيه عشق وهيه واكفه على طولها وبكل صلافه كالت اي عايفه التربيه الك يابو التربيه الام ولج سدي حلكج احسلج لا اكوم صدوك اهينج عشق على ساس انتم هسه محترميني دروحي بابا الله يخليلج رجلج الام ماصيرلج جاره تهجمين بيتي يالله ترتاحين فؤاد ختولي هذي جلب مسعور بس تنبح ولي يتقرب الهه تعضه عشق بستهزاء وتصيح عو عو عو ههههههههههههه ديربالك لاعضك فؤاد اكول ايمان راح يجي سامي ابن اخوي هسه خابرني اليوم يبات عدنه وباجر يلتحق ايمان يارجال وين انبيته ليش احنه عدنه مكان فؤاد خلي الجهال ويانه ينامون وهو ينام بلهول عشق من لاهله بي ياربي وين انام كانت تحجي ويه نفسها لان مو اول مرة يجي يبات يمهم عشق سامي من اهالي البصره ودوامه بغداد كان دائما يجي قبل دوامه بليله يبات يمنه والصبح يلتحق بس كانت هذي الليله اليجي بيها كانت سلبان راحه بنسبه الي كنت حيل اضايق مو منه لا كنت اضايق من انام بغرفة امي وزوجها لان كان اثنينهم ماعدهم احساس كان يجبره يمارس حقه الشرعي واحنه كنه نايمين بنفس الغرفه كنت اسمع انفاسهم المفضوحه الي ميكدرون يكتموهها كنت اسمعهم واني مشمئزة بداخلي منهم اثنينهم كنت دائما اخاف على اخواني خاف يتعلمون او يسمعون مثل ما اني اسمع وكانت واضحه الصوره كرهت امي وصرت اشوفه بعين الزغيره لااكدر احاجيها ولا اكدر اسكت كانت ليله من اليالي السود الي اعيشها وهو هذا من اهم الاسباب الي كنت اشوفهم بنضري بعين الزغيره اخلص اليل ما اكدر انام ايمان وهيه تكعد بنتها تكولها خذاج الوقت روحي للمدرسه عشق كعدت مصطورة من النوم بسبب موقفهم البارحه شلت راسي باوعت بوجه امي اريد اشوف شنو تعابير الي بوجها مااعرف فضول مااعرف غيض مااعرف اشمئزاز وله نضرة عتب ايمان شكو تباوعين بجهي بحقد ومن الصبح عشق عفتها وكمت حتى صباح الخير مكتلها رحت سبحت وطلعت من الحمام باوعت بساعه ٨ الا ربع هاي يمتى امشط شعري يمتى اضفره لفيته ولبست شالي فوكه وطلعت كنت لابسه ص*ريه سوده وقميص ابيض الص*ريه كانت كاعده على جسمي وكانت ضيقه حيل كانت ملامحي الانثويه مبينه يعني مفاتن جسمي بارزه كأي بنيه مودعه طفولتها وداخله بعالم المراهقه طلعت من بيتنه بستعجال شفت كدامي يمشي ابن جيرانه عدي كان هذا فارس احلامي كنت دائما احسه عشقي وحبيبي بس مع الاسف كان من طرف واحد سرعت خطواتي وصرت بمستوى مشيته التفت عليه وبتسم بوجهي وكال هلو عشق شو متاخره اني هنا صارت خبصه بداخلي وطبول الفرح دكن بكلبي ولاعبالك كلي حجايه وحده لاعبالك احترفلي بحبه صرت اباوع بوجه واني صافنه بعيونه عدي هههههههههه هاي شبيج اشو ساكته مو من عوايدج عشق فزيت من كال مو من عوايدج وستجمعت قواي وكتله ها اخذتني نومه وبالي خاف اتاخر وصلنه مفترق طرق هو راح بطريقه واني رحت بطريقي بس كنت حيل فرحانه وصلت للمدرسه ولكيتهم ديصطفون صرت بين الاصطفاف سلمت على صديقاتي وكانت صديقتي المقربه اسمها هدى كالت ليش اشو اليوم متاخره عشق بهيام وسرحان كالت ولج شفته هدى منو عدي؟ الله عليج اي وشكلج عشق سولفتلها على الكلام الي دار بينه هدى وهيه تض*بها بخفه على راسها وكالت والله عبالي مصارحج بعد الي شفته مرسوم بوجهج عشق ولج شيصارح مونعمه من الله من يباوع بوجهي هدى والله يا عشق انت تخبلين بس لو اطباعج تغيريها والله جان خطبتج لخوي هههههههههههههه عشق مبرطمه لاعيني اخوج الخبل خلي على حالكم اني اريد حبيبي وبن كلبي هدى يا طايحت الحظ اخويه خبل لعد ابقي هاي ضلتج حتى متعرفين جاملين وتكولين مثل الناس الله يخليه يستاهل الاحسن مني اني مافكر بزواج اشو راسا تكولها بوجهي اخويه خبل عشق اي والله خبل لوماخبل مافكرتو بية هدى ههههههههههههه انزول عليج والله انتي الخبله وضاهر استاذ عدي حيخبلج بزايد عشق هزيت راسي وكتلها ايروحله فدوة زوج امي وعشيرته هدى ولج انتي كارثه اشكد تكرهيه هل المسكين عشق والله انتي المسكينه واحد اناني وخره عشق خلص الدرس الاول وصارت فرصه رائسا طلعت مشط من الجنطه ونطيته لهدى وكتلها تمشطه لان مالحكت هدى تدرين شعرج لو عندي ماخلي شعره بي تنهمل عشق والله لو تبادليني ب*عرج هذا المصوف كان تبادلنه هدى اي محاسه بنعمة ربج ولج شعرج يجنن شوفي المدرسه كوله ما بيها وحده مثل شعرج بقت اتسرح بي هدى التمن البنات صفي وكل وحده تنطي رأيها ومتعجبات بطوله وبجماله بس اني كنت ابد ما اهتم او اشوفه حلو بعيني وكلتلهم على فكرة قص شعري وكلهم اعترضو ومقبلو وحذروني كالو اياج رجعت للبيت لكيت زوج امي مستلم راتبه وجايب وياه كيلو كباب وجاي ياكل هو وجهاله وامي وياهم عشق اليوم كباب لازم مستلم راتب فؤاد اي نغطي وراي وخلي طير بركته عشق وليش يابه طير بركته شنو من اسبورتيتك على كولا باقي كباب لو كله شفطتوه الام وهيه تأشر الها بطرف عينها بدون علم زوجها بان اي ضامتلج هزيت ايدي ودخلت للغرفه ابدل اجت امي وشايله لفتين بيدها وتكولي اكليهن بدون ميحس لاتخلي يشوفج عشق ماما اخذيهن ماريد اكل وبسكوت كولي منين راح تجي لعافيه الام بتوسل حبيبتي هو ميكول شي بس ....... عشق قاطعتها وكتلها بس شنو متفهميني تردين مني احترمه وشوفت عينج يفرقني من اخواني الي همه جهاله لان يعرف ذولي يخصونه واني لا الام بضوجه وخجل من بنتها وكالت ولا يهمج دكليهن ومعليج منه عشق نرفزتني واني اتمنى يطلكها لو يموت ونفك منه خذتهن من ايد امي وطلعت شمرتهن بصينيه امي بقت متفاجئة ومتخبله وحايره اشلون تسد الموضوع فؤاد بتعجب وهو يشيل اللفات ويكلب بيهن وكال هاي شنو عشق وهيه مجتفه ايدها وتهز برجلها كالت هاي لفاتك ميعجبني اكول منهن فؤاد وهو يلتفت لامي وكالها هاي انتي ضامتلها منهن ايمان وهيه تمتمت وتكول ها لا مو اني مطابخه كلت خلي اخليلها منهن لعد شتاكول فؤاد اي والله خوش ادور اني اجد على بنتج من تاكل سم انتي وياها عشق دخلت لغرفتي واني روحي طالعه من هاي العيشه الكشره بقيت ادعي عليه كون الله ياخذ عمره واني اسمع طلايبه ويه ماما بس ابد ما هامني عشق كان يوم جمعه وناس كولها كاعده امي كانت تخيط للجوارين فدخلت علينه جارتنه ام عدي اني من اشوف هذي المرة اشكد افرح واحب ابين نفسي بان اني عاقله وحبابه وام بيت هههههههههههه كنت هذا الشي اقنع نفسي بي ركضت للغرفة مالت امي وفتحت شعري من الضفيره وشديته بلاستيكه كتر لونه زهري ولبست دشداشه تراك سود اسود ومخطط بزهري ونعال ابو الاصبع كان حيل لايكاتلي طلعت لكيتها تسولف ويه امي بلهول يتفقن على خياط الملابس عشق اشونج خاله ام عدي ترفع راسها وباوعت عليه وكالت هله هله بعشق حبيبتي اشلونج خاله عشق رديت عليها واني مبتسمه وهادئة كتلها بخير خاله انتي اخبارج اشو محد يشوفكم كنت اسألها وتسألني وجاوبها بس كنت اشوف امي عيونها بيها عدم قناعه او استغراب بس كنت مندمجه ويه ام عدي ولا مهتمه لامي ابد لان مهامتني مااعرف اني تركيبتي كانت تختلف على خلق الله سمعت عياط بشارع وكان الي يعيط واحد من اخواني اني بساعتها نسيت الكاعدين وطلعت اركض الضاهر ابو طبع ميغير طبعه لو شما يصنع او يحاول يغير ركضت للباب وامي وجارتنه ورايه يركضن كنت اسمع ام عدي تكولي خاله على كيفج لاتنخرعين طلعت وشوف اخويه مجطول بشارع الى هنا واقول لكم استودعكم بأمان الله وحفظه ملتقانا غدا انشاء الله مع احداث جديده مع ابطالنه الى اللقاء اختكم حواء حواء البغداديه اتمنى الدعم لان نجاح القصة يعتمد عليكم لاتنسون الايكات والتعليقات احبكم موتتتتتتتتت احب انوه ان القصه سوف تسرد بلهجه العميرجيه واللهجة البغدادية