“Hi, Kuya Grant!” Mariel just came to the rescue. Bibang ikinaway-kaway pa ang hawak na wooden spoon sa bagong dating. “Hoy, Anthony, magbigay-pugay ka sa Kuya ni Becca, ang may-ari ng bahay.”
Mas naging prominente ang kunot sa noo ni Grant lalo na nang mapako kay Anthony ang atensyon. Parang may gumuhit na sense of recognition at mas naging defined ang tila galit sa mga mata nito. Wala sa sariling itinulak niya pababa ang braso ni Anthony na hanggang ngayon ay nakaangat pa rin. Ang pagkain sa kanyang bibig ay minadali niya sa pagnguya at paglunok. May bumara pa nga sa kanyang lalamunan kaya napainom siya ng tubig nang wala sa oras.
“Magandang araw ho, Sir!” magalang na bati ni Anthony na bahagya pang yumukod. Ganito talaga si Anthony, sobrang magalang.
Tawag marahil ng kagandahang asal
