It was a weekend. Kasalukuyan niyang pinapasyal si Tito Gener sa hardin nang may humintong sasakyan sa tapat ng gate. Hindi kay Grant ang sasakyan. Sinabi nito noong huling bisita nito na magiging abala ito sa mga out of town appointments sa buong linggo. He will be meeting with potential investors at pag-uukulan nito ng pansin ang projects sa ibang panig ng bansa. Limang araw nang hindi ito nagpapakita.
She missed him already.
Bumukas ang bintana ng itim na kotse at may sumungaw na ulo ng isang babae.
“Becca!”
Lumawak ang ngiti niya nang mapagsino ang mga bagong dating. Sa excitement ay halos salubungin na niya ang sasakyan hindi pa man tuluyang nai-park.
“Mariel, Anthony!”
Buong pananabik silang nagyakap na magkakaibigan. Matagal-tagal din niyang hindi nakikita ang dalawa. Si Ma
