Ayaw ko sanang sumilip kay Drioz dahil wala naman akong pakialam kung nagka-amnesia ba ito matapos malunod o kung tinubuan ng palikpik pero muli akong kinatok sa silid ko ng katulong dahil pinapatawag daw ako nito kaya heto at mukhang obligado pa ako!
Nalunod lang siya pero bigla ay naging demanding na at obligasyon ko pa yatang pumunta kapag pinapatawag niya!
Sana pala ay tinagalan ko muna iyong pagsagip sa kanya ng ilang minuto para naman mas matagal din siyang maka-recover at nang hindi siya nangungulit na puntahan ko!
Para namang magkakapera ako kapag pumunta! Kung sana ay pasasalamatan niya na lang ako in cash para matuwa naman ako!
Masyado pang sariwa iyong ginawa sa'kin ng anak niya at kahit lihim ko iyong nagustuhan ay ayoko muna itong makitang muli na sigurado akong mangyayar
