Grigori’s POV
Ang umagahan dito sa mansiyon ay parang may engrandeng birthday-han. Hindi puwedeng ‘di puno ng masasarap na pagkain ang lamesa. Huli na ako nang dumating sa hapag. Lahat sila nandito na nang dumating ako. Napatingin ako kay Vance. Nagawa na niyang makalabas ng kuwarto niya kaya mukhang hindi na masakit ang katawan niya. Natatawa talaga ako nang malaman kong nagpatawag pa sila ng private doctor kagabi para tignan siya. Panay kasi ang inda ng katawan niya nang magkaroon na siya ng malay-tao. Pakiramdam daw kasi nito ay nabalian siya ng buto dahil sa nangyari kahapon. Hanggang ngayon tuloy ay hindi siya makatingin sa akin, lalo na itong si Grady. Nawala ang angas nila nang makita kung paano ako magalit.
“After our breakfast, get ready. Today, we will visit your late mother at
