91
“May tao,” mahina kong sabi.
Agad namang umayos si Anton at dumiretso ng upo sa gilid ng kama, pero hindi pa rin niya binibitawan ang kamay ko. Parang ayaw niya akong iwan kahit isang segundo.
Maya-maya pa ay may kumatok nang sunod-sunod.
“Gen! Gising ka na ba?” boses iyon ni Jessa.
Kasunod agad ang boses ni Miya.
“Hoy, dahan-dahan ka! Baka natutulog pa!” Kilala mo na agad kung sinong maiingay.
“Eh gusto ko lang naman tingnan si buntis!” depensa naman ni Kyla.
Napangiti ako at napatingin kay Anton.
“Sila ‘yan.” Tumango si Anton.
“Mukha nga.” Hindi pa ako nakakasagot nang biglang bumukas ang pinto. Nauna pang sumilip ang ulo ni Jessa bago tuluyang bumungad ang tatlo sa amin. Pero isang segundo lang ang lumipas, sabay-sabay silang napatigil.
Nakatayo si Anton sa tabi ng kama
