"Marigold..." Tawag sa 'kin ni Jonas paglabas namin ng building ng C.A. Nilingon ko siya ngunit hindi s'ya nagsalita. Nakayuko lamang ito. "Pasensya na... Hindi kita natulungan." Mahina niyang wika na halos hindi ko maulinigan.
"Ano ba'ng sinasabi mo d'yan? Ang laki na kaya ng naitulong mo sa 'kin. Saka, sinabi ko naman kanina na ako na ang bahala sa sarili ko, diba?"
"P-pero, 'yung sinabi ni kuya Chardon..."
"Ayos na rin sigurong pumayag ako. Sa tingin mo ba may kumpanya pang tatanggap sa 'kin kung may criminal record ako? Kaya, ayos na rin sigurong bumalik na lang ako ng C.A, kailangan ko rin talaga kasi ng trabaho."
Bumuntong-hininga si Jonas. "Naisip ko lang, kapag naging personal assistant ka n'ya, susunod ka sa lahat ng ipapagawa n'ya. Ang inaalala ko–"
"Jonas..." Awat ko sa kan
