“Ferson, ibigay mo ang ibang mga groceries diyan kina Uella at Ipe dahil mamimili na lang ako ulit ng bago. Mahirap na at baka expired na mga naka stocks sa kusina,” ang sabi ni Mang Kanor kay Ferson.
“Lahat po ba ng mga stocks, Mang Kanor?”
“Oo, para naman bago mag expired ay makakain ng masarap ang mag-amang yon na panay mga talbos lang ang inuulam. Maganda ng ipamahagi kaysa sa masayang,” ani pa ni Mang Kanor na bait na bait sa sarili.
“Kaya paldong-paldo kayo lagi sa sabong, eh. Mabait talaga kayo, Mang Kanor,” pang uuto ni Ferson lalo pa at nabahaginan siya ng balato ng among lalaki dahil nga malaki ang napanalunan sa sabong.
“Kaya nga ipanalangin mo na lagin akong pumapaldo para lahat kayo ay nabibiyayaan. At saka swerte mag alaga ng manok yang si Ipe at madalas talaga akong nan
