Maingat na itinago ni Uella ang pera na binigay ni Kanor na ayon dito ay sahod niya sa paglilinis ng buong bakuran.
“Ano? Nagustuhan niyo ba ang ulam na pinadala ko kagabi?” tanong ni Kanor na kay aga na namang bisita ng mag-ama sa kubo.
“Opo, Mang kanor. Saalamat po at sa pera na ibinigay niyo,” maagap na pasasalamat ni Uella at alam na ang gagawin. Ang magtimpla ng kape para sa bisita.
“Masaya akong malaman na nagustuhan mo, Uella. Hayaan mo at kapag napunta ako ng bayan ay bibili pa ako ng mga pagkain na uso ngayon para pagsalu-saluhan nating tatlo,” sabi pa ni Kanor na komportable ng naupo sa kawayang bangko kung saan talaga ito nauupo.
“Salamat po talaga, Mang Kanor,” pasasalamat ulit ni Uella na hindi na naiilang sa presensya ng among lalaki na kapag wala na ang tatay niya ay bin
