"Tapusin mo na iyang kinakain mo at nang makaalis na tayo!" Malamig na saad ni Damian sa kanya sabay tayo sa kinauupuan nito.
Hindi pa siya nakaka-react at nakakapagsalita rito, mabilis na itong nakalakad palayo sa kanya.
Sumimangot na lamang siya at iniling ang ulo. Sa sobrang kasungitan ni Damian sa kanya.
"Kalma lang Micah, kalma lang," bulong niya sa sarili at sinubo na ng minsan ang kanyang kinakain para makapaghanda na siya sa pag-alis nila ni Damian. Kailangan niya ng mahabang oras para maghanda. Hindi naman siya secretary nito o alalay na basta na lang magbibihis at susunod na rito. Siya si Micah. Siya ang magiging Mrs. Navarro. Sigurado siya roon.
Pagbalik niya ng silid, agad na sumunod sa kanya ang Ninang Giselle niya sa loob.
"Micah, maghanda ka. Ito ang pagkakataon pa
