“Kumusta ang lakad ninyo ni Damian sa opisina kanina?” tanong sa kanya ng Ninang Giselle niya nang puntahan niya ito sa gazebo.
Pagdating nila kanina ni Damian sa bahay, diretso na siya agad sa kanyang silid para magpahinga at si Damian naman sa library/office ito nagtuloy. Ang mga paa niya, nanginginig pa rin mula sa tensyon kanina. Parang may bakal na nakadagan sa dibdib niya habang inaalala ang bawat tingin ni Damian—malamig, matalim, parang binabasa siya mula ulo hanggang paa at hinuhusgahan.
“May maganda ka na bang balita, Micah?” Tanong pa ng Ninang niya na may malapad na ngiti sa labi, halatang excited sa kanyang sasabihin. Ang mga mata nito, kumikinang sa pag-asa. Parang bata na naghihintay ng regalo sa Pasko.
Humugot muna siya ng malalim na paghinga bago sumagot dito. Pin
