أنثى في معتقل الخطيئة

احدى محارمك

‌‎عندما يترُكك إنسان أو لا يَتقبّل وجودك في حياته فليس بالضرورة أن تكون المُشكلة فيك!! قد يكون هو من يُعاني ويُقاسي فينع** ذلك في سُلوكه نحو تدمير علاقاته، فلا تقفز نحو اتهام نفسك.. أنت إنسان رائع جدًا لكن ربما لم تجد من يكتشف روعتك، ولم تجد من يَفهم مشاعرك.. "هوّن مِن عليك"..?

زمن..... :

دخلني بالسياره وصعد .. درت ع الجامه وافكار براسي .. عن الي حيصير الي... بهالليله احساسي كان احساس طفله متعلقه بامها واول يوم بالمدرسه وتحس نفسها ضايعه .. وتريد امها ... او غزاله ومحاوطينها مجموعة ضباع وهي تنظر الهم بعيونها الحزينه ومحتاره منو الي راح ينهش لحمها اول واحد..

كتمت شهگاتي واني دايره راسي ع الجامه .. واباوع ع الشارع .. واحس الوجع ملاحگني بكل مكان ..

وصلنا لمكان وكف يم بيت..نزل فتح الباب ودخل السياره .بالكراج. فتح الي الباب وكال شرفي انزلي يله ..

باوعت اله ومتردده انزل .لحظات. عصيبه. وكبر المكان وفخامته ذهلتني

ماانتظرني انزل هو سحبني من ايدي سحلني من السيارة ، اللتوت رجلي والكعب انشحط والتوى واجيت اوكع هو سندني قوي حييل ووكفني عدل ..

طبك باب السياره بقوه ولزمني من ايدي ويسحب بيه . كان اكو عدة بايات يم البيت صعدها وهو يسحب بيه .. وكفني على الحايط وطلع المفتاح وديفتح الباب اني رجليه ماعانتني كعدت ع الكاع

ورى مخلص مد ايده سحبني وكفني احس نفسي مثل الريشة بيده ودخلني للبيت ..

ماترك ايدي لازمني باقي بقبضته العنيفة كلش

البيت كلش فخم .. الدرج دائري وجبير .. صعدني للدرج واني لزمت سياج الدرج ماريد اصعد

هو التفت الي وخزرني كال شلوون بالله مناويه تخلصين مسرحية الاستشراف هايه ؟؟؟

شهكت بخنيك وابجي خايفة والله خايفة اتركني

كال ادري منين مطلعج خايفة من بيت اوادم بيت شيوخ من الجامع لو ما مطلعج من بيت رذ*لة ود***ة مفروض انت خبرة هسه وتدلليني

واني كاعدة ع الباية وهو واكف فوك راسي ورافعة راسي اله اباوعله واحجي عفية مو هيج اني والله مجبورة لخاطر الله اتركني خلي اروح لأمي

رجع لزمني من خصري باثنين اديه ووكفني على حيله كال يله ماشبعت تمثيل ودموع تماسيح

صعدني سحل حتى الحذاء وكع من رجلي وصرت حافية دخلني للغرفه .. وترك ايدي ..تقرب مني رجعت للخلف ظل يتأمل ملامحي بنهم وانفاسه تض*ب وجهي واني انفاسي سريعة ، تشبعت بعطره وماكامت تلعب نفسي عبالك مااشتم شي ويأست للحظة

شمرني على السرير ومد ايده لدگم القميص وهو بنص الغرفه دينزع قميصه .. درت وجهي ع الباب ورحت اركض اريد اطلع

هو اجه بسرعه طبگ الباب وتقرب مني حسيت حرارة انفاسه تلفح وجهي مرة ثانية .. حسيت بعصبيته تنهشني من خلال نظراته

گال ابتسم بخبث ونظراته تلتهم وجهي وكل انش بجسمي وكال بابتسامة لعوب ولاتفكرين حتى ...

ودفعني النص الغرفه .. وكعت على الكاع يائسة واحس بدوخة ... نزع قميصه وشمره يمي كومني .. ودفعني ع السرير.

تمدد عليه واللتصق جسمي بجسمه زاد خوفي واحس انفاسي تنسحب سحب من رياتي

خليت اديه بضعف على بطنه وجسمه العاري ادفع بي على الخفيف احس عاجزة ...

قرب حلكه من وجهي وصار يبوسني من وجنتي ..وشفافه تتحرك على بشرتي الناعمة

گتله همست بتوسل بعرض اختك بستر امك عوفني .. تشبثت باخر امل عندي ....

وخر عني وكام على حيله وكال اششش لتجيبيهم على ل**نج ولاابد شجابج عليهم انت عاهره وبنت ليل مطلعج من بيت دعاره ودتستشرفين عليه واني دافع بيج هدكه فلوس

كعدت اتصنع القوة وباصرار .. : اني مو عاهر .. وان كنت عايشه ابيت دعاره بس ماسويت الحرام ولامارست الرذ*له كل ذنبي اهلي تخلو عني. من اني وطفله ماافهم شي .. مالمسني احد ابد وانت كيفك لاتصدگني .. بس اتركني احلفك بستر امك واختك والله مراح اكدر اونسك اني شوفلك وحدة غيري مراح تحصل مني الي تريده

كال لا اريدج انتي

ليش اني عفية اكو الف غيري اني ماافيدك والله بعدني صغيرة والله مااعرف لكل هاي الشغلات

طكاهه ضحكة ههههههههه تردين تقنعيني

خليني اروح عفية

اشششش ولا نفس كتلج متروحين ويلله خليني نخلص حتى ارجعج

كتله بكيفك انت راح تكتشف اني مو مثل باقي الي ببيت نوال بس اريد اشوف ضميرك يرتاح ؟ بس الدنيا دوارة وااشرف غالي وانت سوي بيه الي تريده بس انتظر الدور على شرفك

مددت جسمي على السرير ورجليه على الكاع فستاني قصير ورجليه طابكتهم حيل من الرجيف ينفتحن وحدهم وارجع اسدهم

واديه على وجهي اشهك وانتظره يجي يتقرب مني ويذ*ح عذريتي اتوقع انو وصلت لمرحلة لامفر .

قياد...:: اباوعلها متمددة رحت مددت فوكاهه

كلما اطخها ترجف ويهتز جسمها من الخوف تعبت اعصابي تمنيت اكلها باسناني. ..

وخرت اديها من وجها ... كمشتها من شعرها .. ورفعت راسها ... وخليت شفايفي ع شفايفها وبستها بوووسه طويله ..بعدتها عني جانت كوة تتنفس

خليت راسي برقبتها اشمها وابوسها واعض عالخفيف وهي ترجف جواي ، نزلت وصلت لص*رها سمعتها تحجي تكول اني والله ماعرف اهلي الحقيقين منو همه شامريني انت متخاف اطلع اختك لو وحدة من محارمك ماافكرت بهالشي

كمت على اثر كلامها ض*بتها على زندها حيييل

و دفعتها من السرير للكاع .. اصلا ماالي نفس لشي ابد سديتي نفسي دكومي ركصيلي عسى ولعل ..

زمن .. :

وكعت ع الارض سندت جسمي بايدي لعد المن بستني .بقلبي تكلمت . گتله مااعرف اركص

نزل يمي ع الارض صرت اباوع اله عيونه كلها سحر .. ص*ره العريض عضلاته ريحة جسمه الخاصة وشعره وسيم وجذاب ... صرت اتمنى لو ملتقيه بي بغير حال الي اني بي. هسه

بس ميحق الي ان اتمنى حتى .. ض*بني على وجهي وگال يا كذابه لو ماشايفج بعيني تركصين وحدج بالغرفه ..ورجع ض*بني على فخذي احس ورمها

سحبت الفستان بسرعة من شدة الالم

گال يلا كومي . اركصي على الاقل خلي احلل فلوسي ..

كمت على حيلي بس متوجعة وهو ونظراته تلاحكني .. بعدها راح تمدد ع السرير .. صرت اركص بشكل متقطع وابجي .لمدة دقائق. واخلي ايدي ع وجهي . شمر عليه المخده وكال انام احسن الي ..لابيج ولابرقصج وسحب مخده ثانيه وخلاهه ع راسه ..

قياد.... : ماعندي حظ لابورده ولابشبيهتها انام احسن الي ..واعوف سوالف النسوان كلها واهتم بشغلي احسن اكعد الصبح واشمر هالحثاله يم بيت الدعاره وابدي من جديد ..

زمن ... : : شفته نام ...

وكعت ع الكاع ابجي وابتسم فرحانه ماسوا الي شي وصرت اشهك رفع راسه خزرني كال انجبي وسدي حلكج يالشريفة اريد انام

صرت ازحف واني وكاعده .. وصلت لميز التواليت وبينما هو گلي ولج اريد انام .. سكتي ..

خليت ايدي ع حلكي اكتم اهاتي وبالايد الثانيه امسح دمعي .. وافكر بباجر شراح يصير الي ..

حسيته نام صرت اسمع انفاسه وهو نايم احساس غريب كأنها موسيقى تناغي احساسي عطره مالي الغرفه .. كانه او**جين الي .. نام واحس اريده يكعد يحاجيني يغازلني يداعبني بس مو بهالحال ردته بالحلال .. عطره الي جنت كارهته قبل ساعات صرت احبه هسه

ليش احلم بهالشي اني بينما هالشي سهل لملايين البشر من ان يحبون ويتزوجون اما اني لا .. فركت عيوني وحاولت ابعد هالافكار عني .. وكعدت اتذكر اسمه .. ماتذكرته ونمت ..

كعدت الصبح ..ع صوت تحركاته بالغرفه .. شفت نفسي بنفس المكان .. نايمه بصف ميز تواليت ...بدون مخدة ولا غطى

هو دخل للحمام .. كمت باوعت ع المرايه ..عيوني مورمه .. والمكياج سايل ع خدي اسود

.. طلع من الحمام ص*ره عاري لاف المنشف ع خصره .شعره مبلل وخصلات نازله ع عيونه .

استرقت النظر اله هو هم باوعني .. دنجت خجلت فتح الكنتور .. طلع اله ملابس .. وفات للحمام بدل وطلع لابس ستره كجول تحتها قميص نيلي وبنطرون جينز .. ياالله هنيالها التتزوجه او تفوز بحبه هنيال ورده الي يلهج ل**نه بذكرها اتمنى اشوف ورده ...

شونها حلوه لا احلى مني او الع** .. اجه قريب مني .. نبضات قلبي صارت سريعه رحت كعدت ع السرير بينما هو ديسرح شعره على ميز التواليت ..

لميت شعري جان مفتوح ومكفش خليته على جنب وصرت ارتب و اضفره رفعت راسي شفته صافن عليه ..

ارتبكت عيونه تربكني مااعرف احساسي مخربط اتجاهه من يقترب مني اخاف منه ومن اباوع اله وهو بعيد عني اريده وقلبي ينبض اله نبض كانه طبل .. گال خلصتي گتله اي .. كال يلا اوديج لبيتكم المحترم ..

هزيت راسي بمعنى اي .. كمت وطلعت ويا وصلنا الباب البيت .. طلعنا اووف تنفست واخيرا طلعت من هالبيت سلامات ..

باوعت للباب الخارجي احس صارلي اسابيع هنا مو ليله .. صعدت ويا بالسياره .. تجرات وكتله اني اريدك توديني للمستشفى ..بتلعثم

كال ..شتسووين ..

زمن ... اني امي هناك اريد اروح اشوفها ..

قياد .. : هسه البارحه گتيلي ..امج تاركتج بالولاده يالكذابه

زمن .. : الي بالمستشفى امي الي ربتني .. اشرف من الي شمرتني واني طفله

قياد.. : انت شايفه وجهج هسى شايفة لبسج دكومي نزلي غسلي وجهج .. واني رايح اجيب الج شي فوك ملابسج عود ..

زمن .. : نزلت غسلت وجهي .. شفته اجه وبأيده شال شمره عليه وكال غطي نفسج بي زين عود .. صعدنا بالسياره وطلعنا .. نزلت يم المستشفى .. وهو راح ..

رحت لامي .. شفتها مدده ونايمه تعبانه حييل ..وصلت يمها خليت راسي ع ص*رها .. وصرت ابجي ظلت تمسح ع راسي ومشدوده الكانونه بأيدها ..

ام زمن ..يمه زمن شصارلج احجيلي

زمن .. : امي حياتي بعدج راح اضيع

ام زمن .. مابيدي عليج شي ياعمري ..طلعتي العلبه شفتي شنو بيها ..

زمن .. : لاامي ماطلعتها .. شنو بيها

ام زمن .. باعي يمه اني جنت متزوجه الرجال الي سجلتج باسمه .. وجان شغلي قا**ه .. مرت الشيخ اجتني وكالت اريد امنج على سر وانطيج فلوس عليه كتلها خوش كالت عندي بنيه تريد تجيب تعاي جيبيها واخذي الطفل خلصينه منه منكدر ناخذه لان ابوه نكره .. بالفعل رحت ولدتها وصرتي انتي .. كالت الي تردي اخذي .. عجبتني قلادتها جانت مداليتين بز**يل واحد اخذت الميداليه الي بيها حرفج .. اتوقع حرفها لان مااعرف اسمها والميداليه موجوده بالعلبه وبيت الشيخ ذول معروفين بيت شيخ صداك بمحافظة (..) جنت متزوجه هناك ..هي كالتلي اتصرفي بيها .. عليج انت اني جنت زغيره وكلما اجيب طفل يموت ويحترك گلبي عليه

اعتزيت بيج وماشمرتج .. صار عمرج ست اشهر ومات رجلي .. رحت بيج البغداد .. يم اختي وشفت شغلة اختي وشون تدر الها فلوس وحلتلي .. وهذا حالي لاتصيرين مثلي ..روحي اخذي المداليه ودوري اهلج. .. وديري بالج ع روحج اني ايامي معدودات ...

زمن .... : بوست راسها وخلص دمعي نشف يمها خفت لاتجي نوال وتشوفني .. رحت للبيت الكل نايمين لان السهره متعبتهم .. اصلا هم ينامون بالنهار وبالليل كاعدين

اخذت العلبه .. وفلوس ومستمسكات وكم قطعة ملابس وطلعت من البيت انهزمت من معتقل الخطيئه .. واني مااعرف شنو مصيري ووين راح اروح ... والمن التجأ .

للحكايه بقيه ...

أشياء كثيرة تتكرر في حياتنا ،الفقد ،التجارب ،النجاح ،الفشل ،لا تعطينا الحياة شيء دون مقابل ،إنها تسحب منا أشياء ،علينا أن نعي أننا عابر سبيل في هذه الحياة ،فلتهدأ نفوسنا ولنتنفس بعمق..