أنثى في معتقل الخطيئة

لجوء اخر

انثى في_معتقل الخطيئه

الجزء السابع ..

نورا ناصر ..

"أحبّ كل الوسائل التِي تقُودني إليّكِ مهما كانت صعبَة أو مُستحيلة تكفيني فِكرة أنّ بعد كلّ هذِه الحواجز هناكَ حُضنكِ ينتظرنِي بحميميّة بالِغة"

زمن ...

كمية الخوف والوجع الي حسيتها البارحه كانت كفيله بان تخليني قويه واواجه مصيري وقدري ..

كلمات الولد الي نسيت اسمه كانت مسامير وجع نبتت بقلبي من يگولي انت عاهر لااني مو عاهر ..

اني زمن وراح اواجه هذا الزمن .. دااطلع من البيت صار بوجهي سيف .. لحظتها خفت بس هو شافني متنكره لابسه بنطرون جينز وقميص رصاصي وبي اسود وشال لافته ع وجهي بس عيوني وجزء من شعري وضفيرتي طالعه ..

وبيدي جنطه للملابس حجمها متوسط مو كبيره يادوب تكفي كم قطعه امشي بيها حالي ..

هو افتهم انه اني راح انهزم .. گال بحزن روحي زمن ولاتبقين هنانه .. هزيت راسي ...

اريد اطلع كال تعالي زمن .. التفتت عليه عبالي ديوكفني اوو يمنعني

كتله شتريد ؟

جاوب لحظة انتظري هسه اجي ...

شفته راح وركضت بره

توه مخليه رجلي برة البيت وحسيته ركض وراي

التفتت شفته سيف يركض باتجاهي ورافع ايده بيها فلوس وكال هااج زمن

وكفت وهو اجه يمي انطاني لفلوس خلاهم بايدي ونضراته مااكدر افسرها ..

فزيت ع صوت جاي من البيت ..سييييف .. باجي نوال ..سيف دفعني كال روحي ورقمي عندج اذا تردين شي خابري ..

مالحكت حتى ارد عليه .. اشرت اله بيدي .. وركضت فتت بفرع بصف البيت وتيهت رووحي بالدرابين ..

سيف عمره 18سنه هو الوحيد النوال شخصيته ضعيفه بسبب امه وتعاملها اله مره تحبه وتنطي حنان ومره تض*به وتعاقبه وتاذي حييل..

بس هو تعامله ويايه غير شكل كلش حباب .. طلعت رأسا اخذت ت**ي وكتله للمستشفى مدام نوال بالبيت اروح لامي اشبع منها ..

وصلت للمستشفى ورحت لامي .. بوستها وكتلها امي شون حعوفج .. گالت بتعب مباقيلي شي واودع ياامي نقذي نفسج لاتستسلمين ..

كتلها وين اروح اتيه بالشوارع امي شلون وياي خايفة

كالت عندي صديقتي هنا ببغداد .. عدهه منظمه اجتماعيه تحتوي النساء .. بس ديري بالج لان تعرفها نوال وخاف توكعين بيدها مراح ترحمج ...

لعد شلون يوووم شلووون

انطتني العنوان وكالت روحي هسه يلا روحي خاف تحس بيج نوال ماكو واكيد راح تجي هنا تدورج

انت قبل لتجي استعجلي ..

واني اطلع لازمه ايدها مااريد اعوفها كانت مثال الحنان والحمايه الي لزمت ايدها للحد الي بعد خلص لازم اروح .. طلعت واتلفت خاف احد يشوفني ..

مرت الدقائق والساعات واني حايره .. وامشي بالشوارع .جعت كلش مدااكدر اتحمل البارحه بدون عشه واليوم بلا ريوگ. شفت كشك يبيع لفات فلافل وكفت يمه ..

كتله انطيني لفتين دااسد جوعي اباوعله يرتب اللفه ويخلي العنبه عليها اممم اخذتها انطيته فلوس. .

وين راح اكلها .. باوعت اكو فرع بدايته مدرسه رحت امشي طبيت بي وكعدت وره المدرسه اكلته واتلذذ ميته جوع ..حتى بلحظات الاستمتاع هايه نسيت خوفي اكل واتذكرت الولد اريد اتذكر اسمه ماكو ق د تؤ إف .اسمه غريب وثگيل . بقه الكرت بجيب البجامه .. مالتي وغسلتها .. بس اتذكر المنطقه الي بيها المعرض مال السيارات ...

صارت يمي بزونه تسوي ميووو **مت من ال**ونه وشمرت الها وهي ظلت تاكل .. حاجيتها ادعيلي يم ربج يف*جها عليه

كملت اكل صارت الظهريه .. مددت رجليه ع التراب وره المدرسه وكبالي بيوت .. الرايح والجاي يباع عليه بس محد گلي شبيج شرايده بنيه بعمر زغير محد اله علاقه .. ردت اغفي بمكاني الشمس حركتني ..

واني اسمع اصوات الطلاب بالمدرسه انقهرت حييل .. ياريت مكمله دراسه حتى لو اكمل هم هالمصير هذا راح يلاحكني طول عمري ..

صار العصر كمت .. امشي محتاره وين اروح .. كل جوارحي تكولي روحي اله تصرفه ويايه تصرف نبيل .. يمكن يساعدني ..

المغربيه صارت واني امشي .. اذا اروح للمراه الي انطتني امي عنوانها اخاف تلزمني نوال ..

وشون بيه

..اشرت لسياره بالشارع وكتله ع المنطقه .. الي بيها معرض السيارات ..

وصلني نزلت هوايه معارض صارت كبالي .. صرت اباوع عليهم اسم اسم الا ان شفت اسم معرض مو بعيد عليه .. اي هو نفسه الي قريته بالكارت معرض صباح ..

مقدمته كانت من جام .. ويمه بايات كعدت عليها منتظرته يطلع بلكي يساعدني .. يوديني لاي مكان ..

ماعندي غيره بعد اذا ماقبل هاي هيه اروح لصديقة امي اخر امل عندي .كعدت ربع ساعه .صارت ساعه 10ونص بالليل .. طلع شفته وظل يباوعلي ..

قياد.... :

وصلتها للمستشفى .. شي بداخلي انقهر عليها .. شي ثاني اتذكر بيها ورده وخليط المشاعر الي بداخلي بين شفقه الها وبين حنين وحب وحقد لورده ...

وصلت للمعرض وشفت رضا وسئلته عن الطفل ..

كال زين. .صح متعبنا بس يبجي مستغرب منه بس فرحانين بي كأنه ابننا .. ومتناسين مشاكلنه وياه ..

گتله .. شنو رأيك ... اليوم تجي ويايه .. معزوم يم وسام ع العشا ...

رضا .. لا يمعود وسام صاحب ميز .. انت وصلني للبيت احسن وروح اتعشا ويا

قياد... هههه اي حقك شريف انته المنم شوكت تتعلم تسوق والله تعبتني

رضا.. لايمعود اعفيني اخاف من السياقه اني تدري بيه ..مادبرها

بعدهه اجه الرضا اتصال خلصه ورجع .. گلي هاي نوال تسأل على البنيه الي اسمها زمن جانت البارحه وياك وينهه هسه ..

تحسرت وجاوبته .. كللهم وصلتها للمستشفى .امها هناك . مثل ما هي طلبت مني

رضا .راح اخابرها واكول الها .. انت وصلتها للبيت

احسن هيج وله هيج هي مهزومه هالبنت

ارتجيت على الكرسي وكتله ماادري شتريد تكللهم كول البنية مو ويايه هسه

.. بعد شويه اجه كال ولك ماكو لاهي بالمستشفى ولاهي باي مكان .. ولاهي الراجعه للبيت

گتله يعني شسويلهه اني ممسؤؤل عنها ..

رضا .. خلص هاي اعتقد ممنهزمه من المستشفى لان نوال تكول طالعه من البيت مااخذه حاجياتها وطالعه

ببرود جاوبته شمدريني اني ..بس بقى بالي يمها طول الوقت سارح خيالي وياهه ...

كملنا شغل صارت ساعه ثمانية وصلت رضا للبيت ورحت الوسام صديقي تعشينه ساعه عشرة رجعت للمعرض. اخلص كم شغله .. نص ساعه وطلعت ..

شفت زمن گبال المعرض كاعده .. شاف*ني كامت ونظراتها كلها حيره وحزن والدمعه واكفه بنص عينها كنت احجي وي واحد من العمال ... تركته .. ورحت بإتجاهه .صارت تباوعلي بعيوني . گتلها بعصبية شعندج هنا انت ..

زمن .. فدوه ساعدني اني انهزمت ومااعرف وين اروح

قياد... انت متعمده تجين هنا مو ؟!تردين تبلين بيج ؟ ارجعي من وين مااجيتي

زمن ..لان مااعرف احد بس انت عفية ساعدني بذمتك بضميرك بستر اهلك

قياد .. وليش متوقعه اساعدج .. منو گلج اساعد عاهرات اني ..

زمن .. تحولت نضراتي اله من توسل الى غضب .. درت وجهي عنه بدون مااحجي .. مااريد اجاوبه صح اني بنظره عاهره .. ليش يساعدني .. اخر امل عندي اروح لصديقة امي .. ماكو غيرها واذا لگف*ني نوال اروح بيها او اقتل نفسي واخلص من هالعذاب .. مشيت لمسافه قليله طبيت بفرع شبه اظلم بي بسطات بس معزله صرت امشي تايهة رجعت اريد اطلع من المكان مشيت مسافة حسيت. احد ديمشي ورايه

انوب صارو قريبين اليه .. وظلو يحجون

بسبس وين رايحه لج اوكفي شويه ..

صرت امشي سريع طبيت بفرع لاخ من خوفي وفزعي عقلي مديشتغل

مشيت وراها ركضت وكلما امشي الطريق يصير اظلم اكثر. وفارغ .

بس هم لحكوني وحاوطوني .. تقرب عليه ولزمني من خدي گتله وخر عني كال امشي ويانه نتونس ونرجعج ..

ض*بته بجنطة الملابس واريد اركض لزموني مكدرت افلت منهم .. طلع سجينه وخلاهه ع رقبتي .جانت حاده حييل .حسيت انجرحت وتوجعت الخ جان بمقابيلي .

وشگ قميصي. وگعت الدگم .. صرت اصرخ شفت موتي بعيوني بين الظلام المخيف وريحتهم الكريهه وتصرفاتهم كزبر جلدي خله ايده ع حلكي ..

ادفر برجليه واحوس والسجينه تجرحني حاده نزل الدم ع ص*ري .. بينما هم يردون يهددوني حتى اسكت ..

سمعت صوت ورايه عوفوها .. ومصوب المسدس باتجاههم .. عافوني وراحو يركضون بس تركني وكعت على رجليه وسديت قميصي استر نفسي .. وصرت ابجي. واشهگ.. لزمت الجرح بأيد والايد الثانيه لزمت القميص .. استر روحي ...

ردت اموت شفت الموت بعيوني اني شدااسوي اطلع من بيت نوال استر ع شرفي نسيت الشارع الي هو اض*ب من بيت نوال بهوايه .....

جية قياد الي حسستني ان هو سند الي ..وحسيت بجيته بالامان ..مادري ليش وظليت اتسائل شجابه هذا وشكد صارله يدور عليه

قياد.. شفتها طبت بفرع وراحت تايهه اعرف هذا الفرع خطر .. وبي هوايه مكبسلين ومدمنين يلتمون بي بالليل .. سحبت المسدس الي بالسياره جان دائما اشيله ويايه مرخصه..

وتبعتها شدتسوي هاي الخبلة .. تبعتها جانت سابقتني بهوايه خطوات الاان شفت المجرمين تحرشو بيها طلعت المسدس .. انهزموا مني مشككين ملابسها .. وجارحيها رحت الها .. وگتلها .. يلا گومي اوديج للبيت

زمن .. رفعت راسي وگتله .. يابيت ..

قياد .. بيتكم بيت باجيتج نوال بعد يابيت

زمن .. مشكور ع المساعده اني اتكفل بنفسي ورحت اخذت جنطتي من الارض فتحتها طلعت منها تشيرت لبسته فوك القميص

سديت الجنطه ولازنة جرحي بيدي .. وكمت امشي .. اجه لزمني من ايدي .. تعاي ولج وين رايحه

زمن .. ارض الله واسعه واهل الحلال هواي ويلفوني ويسترون عليه حتى الله يستر على اهلهم .. وهديت ايده ..ودرت وجهي

سألني .. يعني انت عندج احد لعد شكو اجيتيني ؟

.. باوعتله بنظرة استهزاء وعفته اجه صار گبالي وگال بهدوء : امشي ويايه للبيت ..

گتله بس... قاطعني وكال امشي هسه ويايه وبعدين يصير خيير. ..تبعته .. طلعنا من الفرع الموحش ..

فتح الي باب سيارته صعدت وراح هو صعد من الجهه الثانيه .. دار وجهي عليه.. گال بالله اشو اشوف جرحج .. رفع راسي وتفحص الجرح .. ايده دافيه ونظرات عيونه سحر .. صار قلبي طبل .. وشفافي ترجف .. گال مو عميق الجرح سطحي هسه اوديج للبيت ونظفي وعقمي

كتله اني مخايفة من الجرح عادي ...

سكت هو وحرك السيارة ... ظليت افكر خاف يحاول يعتدي عليه مرة ثانية خاف يوديني لنوال شلون بيه اني شلون امن گلبي بي واجيته

درت وجهي عليه وسألته عفية خما تودين لنوال ؟ حباب لاتودين الها حبااااب

كال اششش اسكتي لتلغين راسي مفتر

كتله اني اكدر أأمن على نفسي يمك مو ؟

دار وجهه عليه ابتسم بتك خد باستهزاء وظل يفر بيده .

هزيت راسي ووگلبي راح يطك من القهر ..

وصلنا لبيتهم دخلنه .. جنت امشي وراه ..اقصر منه اني هو طويل ومغطيني من يمشي واني بعدها نزلت مرأه من الدرج ... باوعتلها گاني اعرفها شايفتها احساس بداخلي غريب اتجاهه ماادري ليش ..

فزيت ع حسه يگول الها ها ماما حمدلله ع السلامه شوكت جيتو

گالتله من ساعه حبيبي اجينه بوسها وبوسته بكل حنان .. ورفع وجهه بوسها من راسها

بعدها اندارت عليه وگلتله منو هاي وهي تأشر عليه .. بأيدها ومتفاجأة اني لزمت جنطتي حييل ودنكت راسي وحسيت بفشلة قووية هاي امه يمكن

هو كح بتوتر انتبهت عليه رفع ايده وحك راسه وكال هايه

وللحكايه بقيه .

اصعب ما يمكن أن تمر به المرأة أن تقف بين طريقين طريق حبها وطريق تم تعبيده وتزيينه لها لتترك طريقا لم تنتهي من رسمه إلى الآن ??

المرأة قد تؤرشف لتستمر حياتها لكن محال أن تنسى تبقى قصتها طي الألم والكتمان