أنثى في معتقل الخطيئة

خضوع

‏لا تكن حارساً ع كل شيء...

هناك أشياء دعها تذهب.وأشياء دعها تنتهي،..

استمتع بتغير الأحوال..

فالحرية شعور..

كم من شخص يعيش الحياة ع أرض الواقع و لكنه حبيس

لشعور معين: حزن، ضيق، غضب، حب، كره.. إلخ

لذلك الحرية الحقيقية هي حرية المشاعر...

عندما نتحرّر مشاعرياً، حينها سيطلق علينا اِسم أحرار.

قياد...:

طلعنا اني ورضا ..دخلنه للسياره وانطلقنا .. الطفل لسه نايم ..گتله شراح تگول لشذى لو اصلا كايل الها وعدها علم مسبقاً بالموضوع

باسترسال . : تعرف بموضوع الطفل .. بس انت احجي شتريد منها هالبنت .. ماعهدتك هيجي وتدور هيج سوالف .. لو حلتلك الشغله وغمزلي

ضحكت ..ومسحت ع راس الطفل وگتله ابو محمد الانسان من ينصدم كل شي يسوي ..

متفاجئ : بشنو مصدوم يمعود البنيه مو من نصيبك .. اقتنع مثل مااني اقتنعت ان ريهام عاهر ومريضه راح تموت وخلص

.. اني مو مثلك. .حقدت ومدااكدر أاذيها ولاكادر اقتنع ان هي خلص صارت الغيري التفكير ماكل قلبي وفكري واريد اخلص مدداكدر دتجيني هيج افكار بلكي اخلص ..

..: خلص قياد سوي الي يريحك ووكفني يم اقرب صيدليه او محل اخذ لحمودي حليب وحفاضات .. بنت الكلب بنت الفگر لگفت الفلوس حتى ملابسه منطتني اياهم راح تخليهن على گبرها

.. اي دتضمهم لغير طفل ..شبيك انت هي هاي سوالفهن قابل راح تتصدق بيهم

نزل رضا اخذ شغلات للطفل وبقاه يمي اباوعله شكد حلو .. انقهرت عليه حييل شنو ذنبه هذا ليش هيج اهله خلفوا بالغلط ليش ما حافظوا ع نفسهم ..واخذهم احتياطاتهم

وبقيت افكر اكثر بلي ناوي اسوي ..بس جية رضا قطعت افكاري .. وصلت رضا والطفل للبيت ورحت اني للبيتنا .....

زمن ... : بهالفتره ماما كلش تعبت وديناهه المستشفى اني وسيف ابن نوال .. الطبيب كال ادعولها وتوقعوا كل شي .ولازم هالفتره تبقى بالمستشفى. كعدت ابجي وسيف يهدأ بيه وجابلي مي ..بعدها شفت نوال جايه للمستشفى .. تفاجئت اكيد عدها حسبه ابالهه سئلت على ماما وگتلهه هيج الطبيب گال .. گالت لعد يلا انت امشي ويايه .. كتلهه وين ..:

بعصبية ونتر ..: للبيت بعد وين

.بتوتر وخوف : اني مااعوف امي ابقى يمها تحتاجني

.. :تمشين ويايه لااادزلج جم واحد من ا****عه هم يصلخونج صلخ وهم تتأدبين وتتعلمين تاخذين الحجي شوو كلش طالعة عينج .

...: حسيت من كلامها اكو شي وهددتني با****عه خفت منهم ذول يعاقبون الي .. ميخاذن كلامها النواال ستسلمت الها من لا چارة وبتوسل گتلها لعد خليني اشوف امي واني خايفة لاتكون هاي اخر مرة ومن صدك اضيع من بعدها

..دخلنه عليهه .. جانت تعبانه حييل امي .. لزمت ايدهه شاورتني باذني كالت اكو علبه زغيره بالكنتور الج اخذيها بدون ما احد يشوفج واحتفظي بيها

تعجبت بالبداية گتلها ماشي. بس بالي يمها ماايهمني اي شي بالدنيا ...

بوستها ودموعي تجري هي كانت سندي فتحت عيوني ع الدنيا ولكيتها هي امي رغم اعرف مو هي الي ولدتني بس الام الي تربي مو الي تجيب خاصة الي ولدتني مستحيل هاي تتسمى ام بعد ما شمرتني هالشمرة المهينة هاي

اخذتني نوال وبقه سيف بالمستشفى يم امي اول مارجعنه ..كان وقت عصر. . شفت بنات اثنين وبوسطهم ريهام متكينها وماشين بيها شكلها تعبان وجهه متقرح وغريب ومابيهه تمشي ومااعرف وين مودينها ..

دخلت للغرفه كعدت ع سرير امي ابجي واحساسي كاني جبل وان*د ع الكاع وصار كومه حجار اعرف بنفسي رح اضيع من بعد امي والكلاب رح تنهشني

خليت راسي ع ركبي وابجي وادعي ربي ان يرجعها اليه بس اعرف هالمرض فتاك ولايمكن ان تشفى منا خاصة حالتها سيئه من اشهر ..

رفعت راسي يعني معقولة خلاص استسلم وراح اصير مثل البنات الي هنا ! بنت ليل والكل ينهش بجسمي ! لايربي فدواتك ماريد ماريد

دخلت عليه نوال ووياهه بنات اثنين ..اشرت الهم بايدها وبأمر يله سون الي كلتلجن عليه

كمت ع رجليه ارجف واتسائل كتلهه شكو شكو شتريدين مني شراح تسوون الي

لزمني البنات من ايديه .. تقربت عليه .شوفي ولج كافي دلع ودلال من الليله راح تدخلين للشغل ..

خفت ودك ناقوس الخطر بعقلي ..: لاياشغل شتحجين انت مااشتغل شغلكم الوسخ اني .. مدت ايدهه العريضه بالك ايد رجال وض*بتني ع وجهي حسيت خدي انشلع وتوجعت

ارتديت للخلف واباوع بعيون جاحظة وخوف تملك كل ذرة بجسمي

.صاحت بعلو الصوت .:ولج شنو احنه فاتحين فندق هنا .. شوفي لو تشتغلين بارادتج لو اخلي سامر وحامد يروضونج

نزلت على رجلها لا حبابة اشتغل غير شي اخدمكم اطبخ انضف بس هذا الشغل لا عفية لخاطر امي

جاوبت انجبي لج انت طالبيج بالاسم يله ولجن شوو واكفات اخذنها جهزنها. .

تفاجئت بالاسم ؟؟ منو طاللبني بالاسم

يارب ..: شأحجي وشأكوول دموعي ملت خدي اعرف سامر وحامد. هم ضخمين ومايرحمون خفت من كلامها واعرف شحيصيرلي الي اعرفه راح اتعرض للا****ب .. من قبلهم ..

رحت وياهم مدنجه راسي وابجي ... خلص راح استسلم لو شنو الحياة وكفت بعيني شنومن الممكن ان يكون مصيري

واني نشأت ببيت دعاره ..بعد مااتخلت امي عني وهي عايشه بنعيم .. واني الي العذاب . شنو اتأمل من حياتي اكثر اصلا زين لهسه يله راح ادخل لهالمجال شسوي اهيم بالشوارع منو الي هم ينهشوني الي بره

اخذتني البنيه اسمها باسمه .. وعدلتني واني كالجثه الي يحركون بيها بالمغيسل يغسلوها وينضفوها حالتي مثلها مااحرك ساكن هم يحركوني ..

بس فرقي عن الجثه ان هي بدون احساس اما انا كل الاحاسيس بيه ..احساس الوجع والفقد فقد امي الربتني واحساس الحقد ع ام انجبتني وعشت بداخل احشائها تسعة اشهر لكن ماان ابصرت نور الدنيا بل ظلامها ..تخلت عني ..احساس الغيره من كل بنت عايشه حياة طبيعيه .. تحب وتنحب وتتزوج بالحلال اه يالحلال الي مراح اتذوق طعمه بيوم

بعدها فوتتني تحت الدوش وصبت الماي عليه واحس دتصب عليه تيزاب تحركني ..دتجهزني لحتى اصير فريسه حلوه للي حيفترسني .. كملت الحمام وطلعت للغرفه لبست فستان اسود ربع ردن وحد الركبه ضيق وسشورت شعري وخلت الي مكياج .. واني ابجي وهي تصيح بيه ولج حتخربي ..باوعتلها كتلها باسمه عفيه شحيصير الي ..

باسمه ..:ههههي شيصير بس اول مره تتوجعين بعدين راح يصير الج عسل .. انت شربي ومتحسين

زمن ..: مااريد باسمه اريد امي ..وكعت بالكاع على ركبي وصرت ابجي اريد امي دخيلكم والله لسه طفله ممكمله ستة عشر سنة اني ..ع صوتي دخلت نوال .. وكالت الي بعمرج صارن خبره من طيح الله حظ سميره (امي الي ربتني اسمها سمر) الي مادخلتج للخدمه من اول جان هسه انت خبرة بلا شلعان كلب

زمن ..:صرت تحت رجليها اتوسلها .حضنت سيقانها .فدوه باجي نوال كل شي اسوي .. بس لاتخلين احد يلمسني عفيه انظف اطبخ اي شي فدووه..

دفعتني برجليها ..طكت باصابيعها الوسط والابهام وكالت ربع ساعه اريدها جاهزه .. باسمه كالت صار باجي تدللين ..

طلعت نوال بقيت بالغرفه باسمه تشتغلني ..صفنت وتخيلت هواي شغلات منها اني شفت نفسي كبيره بالعمر .. ومتمدده ونايمه واعاني من الوجع والامراض نفس حال امي سمر

فركت عيوني ..غمضت شفت نفسي حالي من حال ريهام .والي صار وياها

.صحيت ع صوت باسمه ولج صخام شسويتي بعيونج .. دفعتها ض*بتني ع وجهي وكالت رايحه اصيح لسامر ..

ركضت لزمتها اتوسل كتلها خلص هذا هو عدلي اخر مره ..استسلمت ..الوجع الي بداخلي تحول براكين من حقد ميخمدها بس الانتقام ..

ماالي ذنب بوجودي بين احشاء امراه مذنبه.. ومالي ذنب خرجت من صلب ذكر ناقص .ماعنده ذرة رجوله . بعد ماتخلص هالليله

قررت اروح لامي سمر ..واخليها تحجيلي عن اهلي والي اخذتني منهم ..هي كانت ملمحتلي عنها بس اريد اعرفهم واوصل الهم وانتقم منهم شر انتقام ..

ويمكن افضحها يم اهلها وزوجها فكرت بهواي شغلات انتقامية

تمنيت الحظ ينصفني ويوگف بجانبي ..لاني مظلومه

خلصت كل شي ..قويت نفسي ورفعت وجهي ع المرايه وصرت اباوع و لا كأنه هذه انا ..المكياج مغيرني ..وشعري مفتوح ومبروم ومغطي جزء كبير من ايديه .. لانه طويل .. اباع العيوني تغيرت نضراتها الى حقد من بعد ماكانت بريئة

.سمعت صوت سيف فتحت الباب طلعت سئلته عن امي كال نفس ماهي عليه حالتهه وطلعوني اني مقبلو ابقى واصلا هي بردهة النساء ميصير ابقى يمها

خطيه وحدها ياربي منو الها هسه

رجعت للغرفه مدري افكر بامي مدري بحالي . دخلت ورايه نوال .. شاف*ني كالت ايي هيييج انت احلى وحده هنا راح دريلي ذهب وفلوس

باوعتلها وحجيت بقلبي ..اذا الله قاسم الي انتقم فراح اشملج بانتقامي وماراح ارحمج ياعجوز النار ..

راح اقبل بمصيري .. لاني ضعيفه هسه بس صدگي حتى چلابج سامر وحامد الي يحرسونج راح اخليهم ينهشونج مثل مانهشو هوايه بنات بسببج وبأوامرج

لزمتني من كتفي وطلعت وياهه نمشي بهدوء .. جان يصيرون كبالي سامر وحامد .. اشرتلي عليهم بأصبعها الابهام والسبابه وگالت باعيهم ومحاجه اكولج شيسوون بيج ..

صيري حبابه وارضي بنصيبج واخذتني ودخلتني بالصاله كنت مندگه راسي وكالت يلا عيني صارت جاهزه الك زمزميه ..

وتضحك ضحكة شيطانية خبيثة كلها مكر

رفعت راسي .. شفته نفسه الولد الي طخيت بي بالغرفه انصدمت ليش هو نفسه وشمعنى هو بعدها كلت خلص مبين هذا من رواد البيت واحد ساقط حاله حال الي يجون والا شيسوي هنا قابل يصلي ويقرا قران هو احد الباحثين عن افراغ رغباتهم واشباعها

..باوعته لابس قميص زيتوني بلون عيونه ردانه مشكلها بدكمه قريب الع**ه ..وبنطرون بيجي ..

وشعره اسود سرح وساحبه بالجل .. نضراته ماتنحزر كانه متردد ..نوب خزرني خفت حسيت بالضعف ..تذكرت عيونه حمر وهو سكران

..شراح يسوي بيه هذا .. كالت يلا اخذها سحبني من ايدي قوي حسيتها حتنخلع بيده .. خوفني ..و تألمت ..

بعدها حوطني من اكتافي ويمشيني غصب واني ابجي حييل واحس اختنكت من عطره واريد اتقيء اكره هذا العطر الرجالي القوي احسه يلعب بمعدتي لعب

دخلنا لنفس الغرفه .. شمرني ع السرير وعيونه بعيوني صرت ابجي ..وامسح بيدي وجهي ويا دموعي الكحل ينزل صارت ايدي بيها اسود من المسكارة والكحل

.. ايدينه ع خصره وگال شكو ليش تبجين .. بعد مو هي هاي شغلتج .. ليش البجي ..

گتله لا فدوه اني مو هيج هاي اول مره عفيه اتركني امي مريضة اريد اروح الها

جنت اكوله هيج حتى انال منه شفقة تعتقني من هذا الجحيم ..

تقرب مني وحضني ضحك باستهزاء.. ههههه تقنعيني اول مره هي الي تعيش هنا معقولة ..

حاولت ابتعد عنه عطره دووخني سطرني و***بت نفسي .. لزمني من خدي وباعد عن شعري وصار يبوسني برقبتي شهگت بجي و اني بحظنه ..

رفع راسه مني ودفعني ع السرير تمددت يائسة وخايفة ، خايفة اشرد وبرة نوال تصلخني صلخ وخايفة ابقة وهذا ميخلي بيه شي صاحي اصلا مبين عنيف من قبضته على جسمي

..صرت ازحف وصلت لمكان المخاد وكعدت حاوطت جسمي بايديه .. هو بقه واگف ..ولازم راسه ..

قياد..:اني كنت متردد بس ماادري شنو الي جابرني اسوي هيج شفتها تبجي .. صرت عاجز اكثر وضجت منها توقعت راح تدلعني ماعرفت شبيها ..واني اصلا ماارتاحيت للغرفه ابد بس بداخلي اريدها وكل مااباوع الها اشوفها ورده نفس الدم نفس الملامح اخذتها من ايديها ضاعت بيدي قررت اخذها للبيت لان محد بي عمتي وزوجها باربيل .. زواج اقاربه لصباح .. گتلها گومي ويايه ..

..:لافدوه اسوي التريده بس لاتوديني لباجي نوال تكطعني تعاقبني والله ..

..: دمشي گلتهه بصوت عالي فززتها سحبتها حييل من ايدها وهي ع السرير وصلتها الي طخت بيه وبقت ملاصقه الص*ري ومخليه ايدها عليه حظنتها بايدي وطلعنا ...

صارت بوجهي نوال .. گالت ها اكو شي خو مااذتك تره دبارها يمي بس كول ..اطيح حظها والله واشعل شيب الي خلفها

ببرود جاوبتها : لا مو هيج بس ماارتاحيت هنا ممكن اخذها وياي لبيتي مو ؟

نوال .. : اخذهه حصتك هاي الليله انت تدلل علينا باشا

... :: طلعني من الغرفه وحاظني متت خوف حيسلمني لنوال .. وجلابهه من كاللهه اخذهه للبيت كلت يمكن هو ارحم من سامر وحامد .مااعرف شنو ينتظرني خوف ومجهول تمنيت اموت تمنيت لو ماجايه للدنيا

. سمعت كلامها وكأنه اني سلعه رخيصه.. وهو يمكن فعلا رخيصة هي الي تشمرها امها شنوووو

باوعتلها بحقد ردتها الي بنضرات تهديد ووعيد .صرنا نمشي اني ويا بالبيت نريد نطلع هو حاظني بأيديه واني من الخوف متشبثه بي وراسي ع ص*ره اريد اوكع باي لحظه ... حسيت بللت قميصه بدموعي وتلفته بمكياجي النزل من عيني بسبب البجي ..

الحيره ماليه روحي ان بقيت هنا معروف مصيري وان طلعت ويا ...مااعرف شحيصيرلي ...صرت اباوع بالوجوه ردت احد ينقذني يصير الي ظهر ويحميني لكن مااكو احد الكل ملتهي بالرقص والونسه .

والشرب والرذ*له ماكو احد ينقذني جنت اباوع للكل بتوسل .لحظتها الوجع..ماوسع روحي . وطلعنا من البيت دخلني بسيارته جنت ضعيفة وكرهت ضعفي هذا اباوع للطريق اريد اشرد تمنيت عندي جناحين

اجه كعد يمي بمكان السايق جان هادئ وبارد ومتوتر جر نفس وزفره باوعتله بس ل**ني مربط ماكدرت بعد اسوي اي شي خاف اشرد ويرجعني لنوال تطيح حظي

بقيت ساكتة واباوعله بترقب ... هو بقى شوية يباوعلي جرها حسره وحرك السيارة واني ارتجيت على المقعد واديه على حلكي ارجع شهكاتي ونشغاتي لمكانهن واحبسهن بداخلي الي ماكدرن ينقذني شنو لزمتهن ...

هو صارت نظراته عليه ثواني وانطلق بيه الى مصيري المجهول او المحتوم ماادري ...

إياك و الخضوع لضعف عواطفك ، كن قاسياً و صلباً و عوّد ذاتك على الوحدة و الصدمات حتى لا تشعر بالإن**ار فلا شيء يستحق تحطيمك ..

ويموت الحب بين امراه عنيده ورجل ذو كبرياء ،لينتضر كل منهما من يبدأ حديثه ..

فهي تظن انه ليس مهتما ولايحبها فتبتعد ،ويظن هو انهُ لم يخطر على بالها ،ويأخذه كبريائه فيبتعد ..مظلوم جداً الحب بينهما ،يقتله الانتظار وسوء الفهم في حين كل منهما يتمنئ الاخر .

ربما يعود البعض ليس رغبة بنا إنما طمعًا في الشعور الذي تسنّى لهم عيشه معنا، وفي كثير من الأحيان يعودون لأننا لمسنا الأجزاء الخامدة بهم وأشعلناها، قد يعودون لأنك أعدتّ تشغيل صوت الضمير بداخلهم ذلك الذي ظنوا أنهم قد أخرسوه منذ زمن .