ISANG ambush naman ang nangyari sa Coconut Forest na nasa silangang bahagi ng Elves Lake. Isang malaking grupo kasi ng mga bounty hunters ang nakakita ng isang most wanted player sa game. Ang player na may pinakamataas na pabuya sa lahat ng listahang mayroon ang World Society.
"Roscinante Gold... Ang may pinakamataas na bounty. Ang Gold Soldier kung tawagin," sabi ng lider ng mga bounty hunters kasama ang nasa isandaang member nito. Pinapalibutan nila ang isang matandang player na may gintong armour. Maging ang shield na hawak nito ay ginto rin.
Mula sa malayo, matatanaw ang paglipad ng mga low-leveled flying AIs mula sa gubat. Senyales iyon na may labang magaganap sa loob ng area.
"Mga bata... huwag ninyo akong subukan. Binibigyan ko pa kayo ng pagkakataong umatras," wika naman ni Rosc
