PAKIRAMDAM ni Nigito ay naging tatay niya si Echiro dahil habang naglalakad siya ay pinagsasabihan siya nito.
"Ano ba ang pumasok sa kokote mo at naisipan mong labanan si Zac? Magpasalamat ka at ikaw ang nanalo!" wika ni Echiro habang sila ay naglalakad.
Napakamot na lang si Nigito sa ulo habang sinasabi iyon sa kanya. Paano raw ba niya ipagtatanggol ang kanyang sarili?
"E-eh. A-ah... Gusto ko lang namang bawiin ito?" sabi ni Nigito at bigla niyang kinuha ang Revival Stone sa kanyang bulsa. Napahinto nga at napatitig sila rito. Mukhang iyon ang unang beses nilang makakita ng isang Limited Item na tulad nito.
"Bata? P-paano ka nagkaroon niyan?" tanong bigla ni Dr. Absalom na napalapit sa binata.
"Nabili ko ito mula sa Coins na nakuha ko sa pinagbentahan ko ng Sword of Black Dragon at S
